| ᠮᠤᠩᠭᠤᠯᠴᠤᠳ ᠨᠤᠮ ᠰᠡᠶᠢᠷᠡᠬᠦᠯᠬᠦ ᠪᠤᠶᠤ ᠵᠤᠬᠢᠶᠠᠵᠤ ᠪᠢᠴᠢᠭᠰᠡᠨ ᠨᠤᠮ ᠢᠶᠠᠨ ᠪᠤᠰᠤᠳ ᠲᠤ ᠦᠭᠬᠦ ᠳᠡᠭᠡᠨ | ᠵᠠᠩᠬᠢᠶᠠ ᠶᠢ ᠨᠢ ᠲᠠᠶᠢᠯᠵᠤ ᠦᠭᠲᠡᠭ ᠶᠤᠰᠤᠨ ᠪᠤᠢ᠃ ᠬᠡᠷᠪᠡ ᠵᠠᠩᠬᠢᠶᠠ ᠶᠢ ᠨᠢ ᠲᠠᠶᠢᠯᠬᠤ ᠦᠭᠡᠢ ᠦᠭᠪᠡᠯ ᠨᠤᠮ ᠢ ᠨᠢ | ᠬᠡᠴᠢᠨᠡᠨ ᠤᠩᠰᠢᠭᠰᠠᠨ ᠴᠤ ᠵᠠᠩᠬᠢᠷᠠᠭᠠᠳ ᠶᠠᠪᠤᠭᠤᠷᠢ ᠦᠭᠡᠢ ᠪᠠᠶᠢᠲᠠᠭ ᠬᠡᠨᠡ᠂ ᠵᠠᠩᠬᠢᠶᠠ ᠶᠢ ᠨᠢ ᠲᠠᠶᠢᠯᠤᠭᠰᠠᠨ | ᠦᠭᠡᠢ ᠨᠤᠮ ᠢ ᠮᠢᠩᠭᠠ ᠤᠲᠠᠭᠠ ᠤᠩᠰᠢᠪᠠᠯ ᠪᠠᠭᠠ ᠰᠠᠭᠠ ᠠᠴᠢ ᠲᠤᠰᠠ ᠭᠠᠷᠴᠤ᠂ ᠪᠤᠮ ᠤᠲᠠᠭᠠ ᠤᠩᠰᠢᠪᠠᠯ | ᠰᠠᠶ᠋ᠢ ᠬᠡᠷᠡᠭ ᠲᠤ ᠬᠦᠷᠲᠡᠭ ᠭᠡᠳᠡᠭ᠃ ᠡᠶᠢᠮᠦ ᠠᠴᠠ ︽ᠮᠢᠩᠭᠠᠨ ᠬᠠᠷᠢᠭᠤᠯᠭᠠ︾ ᠬᠡᠲᠡᠭ ᠨᠢ ᠵᠠᠩᠭᠢᠶᠠ ᠶᠢ ᠨᠢ | ᠲᠠᠶᠢᠯᠤᠭᠰᠠᠨ ᠦᠭᠡᠢ ᠨᠤᠮ ᠢ ᠮᠢᠩᠭᠠ ᠤᠲᠠᠭᠠ ᠤᠩᠰᠢᠭᠰᠠᠨ ᠲᠠᠲᠤᠢ᠂ ᠬᠡᠷᠪᠡ ᠵᠠᠩᠬᠢᠶᠠ ᠶᠢ ᠨᠢ ᠲᠠᠶᠢᠯᠪᠠᠯ ︽ | ᠲᠤᠤᠭᠠᠷᠤᠮᠠᠭᠴᠠ ᠲᠤᠰᠠᠯᠠᠵᠤ᠂ ᠠᠮᠠᠯᠠᠮᠠᠭᠴᠠ ᠠᠴᠢ ᠭᠠᠷᠲᠠᠭ︾ ᠪᠤᠯᠬᠤᠷ ᠠᠶᠢᠯ ᠡᠷᠦᠬᠡ᠂ ᠤᠪᠤᠭ ᠲᠦᠷᠦᠯ ᠤᠨ | ᠲᠤᠲᠤᠷᠠ ᠠᠴᠠ ᠬᠠᠮᠤᠭ ᠤᠨ ᠰᠢᠯᠤᠭᠤᠨ ᠰᠢᠲᠤᠷᠭᠤ ᠬᠦᠪᠡᠬᠦᠨ ᠳᠡᠭᠡᠨ ᠨᠢᠭᠤᠴᠠ ᠪᠠᠷ ᠤᠯᠠᠮᠵᠢᠯᠠᠲᠠᠭ ᠲᠤᠯᠠ ᠤᠲᠤ | ᠮᠡᠲᠡᠬᠦ ᠬᠦᠮᠦᠨ ᠴᠦᠭᠡᠨ ᠪᠤᠯᠵᠠᠢ᠃ ᠦᠨᠡᠨᠳᠡᠬᠡᠨ ᠮᠠᠨ ᠤ ᠮᠤᠩᠭᠤᠯᠴᠤᠳ ᠨᠤᠮ ᠲᠠᠷᠬᠠᠭᠠᠵᠤ᠂ ᠪᠤᠰᠤᠳ ᠲᠤ ᠨᠤᠮ | ᠦᠭᠬᠦ ᠳᠡᠭᠡᠨ ︽ᠨᠤᠮ ᠤᠨ ᠵᠠᠩᠬᠢᠶᠠ︾ ᠶᠢ ᠨᠢ ᠲᠠᠶᠢᠯᠵᠤ ᠦᠭᠲᠡᠭ ᠲᠤᠰᠬᠠᠢ ᠵᠠᠩ ᠦᠢᠯᠡ ᠪᠤᠢ᠃ | ᠨᠢᠬᠡ᠂ ᠨᠤᠮ ᠤᠨ ᠵᠠᠩᠬᠢᠶᠠ ᠲᠠᠶᠢᠯᠬᠤ ᠶᠤᠰᠤ᠄ ᠮᠤᠩᠭᠤᠯᠴᠤᠳ ᠤᠨ ᠨᠤᠮ ᠤᠨ ᠵᠠᠩᠬᠢᠶᠠ ᠲᠠᠶᠢᠯᠬᠤ ᠶᠤᠰᠤᠨ | ᠪᠤᠯ ᠮᠤᠩᠭᠤᠯᠴᠤᠳ ᠦᠰᠦᠭ ᠪᠢᠴᠢᠭ ᠦᠭᠡᠢ ᠪᠠᠶᠢᠬᠤ ᠦᠶᠡ ᠳᠤ ᠲᠡᠭᠡᠰᠤ ᠵᠠᠩᠭᠢᠳᠴᠤ ᠲᠡᠮᠲᠡᠭᠯᠡᠯ ᠬᠢᠲᠡᠭ | ᠵᠠᠩᠰᠢᠯ ᠠᠴᠠ ᠤᠯᠠᠮᠵᠢᠯᠠᠵᠤ ᠢᠷᠡᠭᠰᠡᠨ ᠪᠤᠯᠤᠯᠲᠠᠢ᠂ ᠡᠶᠢᠮᠦ ᠠᠴᠠ ᠮᠤᠩᠭᠤᠯᠴᠤᠳ ᠦᠬᠡ ᠶᠠᠷᠢᠬᠤ ᠳᠠᠭᠠᠨ | ᠵᠠᠩᠬᠢᠯᠠᠭᠠ ᠶᠢ ᠨᠢ ᠠᠳᠬᠤᠵᠤ ᠶᠠᠷᠢᠨᠠ᠂ ᠵᠤᠬᠢᠶᠠᠯ ᠪᠢᠴᠢᠬᠦ ᠳᠡᠭᠡᠨ ᠵᠠᠩᠬᠢᠯᠠᠭᠠ ᠶᠢ ᠨᠢ ᠠᠳᠬᠤᠵᠤ ᠪᠢᠴᠢᠨᠠ᠂ | ᠠᠮᠢᠨ ᠰᠠᠬᠢᠶᠠ ᠪᠤᠯᠭᠠᠵᠤ ᠵᠠᠩᠬᠢᠶᠠ ᠵᠡᠬᠦᠨᠡ᠂ ᠶᠠᠭᠤᠮᠠ ᠦᠢᠯᠡᠳᠬᠦ ᠳᠡᠭᠡᠨ ᠵᠠᠩᠬᠢᠯᠠᠭᠠ ᠶᠢ ᠨᠢ ᠠᠳᠬᠤᠵᠤ ᠬᠢᠨᠡ | ᠬᠡᠲᠡᠭ᠃ ᠪᠠᠰᠠ ᠮᠤᠩᠭᠤᠯ ᠬᠦᠮᠦᠨ ᠠᠶᠢᠯ ᠡᠷᠦᠬᠡ ᠳᠤ ᠤᠷᠤᠵᠤ ᠪᠡᠯᠡᠭ ᠰᠡᠯᠲᠡ ᠬᠦᠷᠬᠡᠬᠦ ᠳᠡᠭᠡᠨ ᠪᠦᠷ | ᠪᠤᠭᠤᠯᠲᠠ ᠶᠢᠨ ᠵᠠᠩᠬᠢᠶᠠ ᠶᠢ ᠨᠢ ᠲᠠᠶᠢᠯᠵᠤ ᠬᠦᠷᠬᠡᠲᠡᠭ ᠶᠤᠰᠤ ᠪᠤᠢ᠃ ᠡᠬᠦᠨ ᠲᠠᠢ ᠠᠳᠠᠯᠢ ᠶᠤᠰᠤ ᠪᠠᠷ ᠮᠠᠨ ᠤ | ᠮᠤᠩᠭᠤᠯ ᠬᠦᠮᠦᠨ ᠵᠠᠩᠬᠢᠯᠠᠭᠠ ᠶᠢ ᠨᠢ ᠲᠠᠶᠢᠯᠤᠭᠰᠠᠨ ᠦᠭᠡᠢ ᠨᠤᠮ ᠢ ᠪᠤᠰᠤᠳ ᠲᠤ ᠬᠦᠷᠭᠡᠲᠡᠭ ᠦᠭᠡᠢ᠂ | ᠮᠤᠩᠭᠤᠯᠴᠤᠳ ᠤᠨ ᠬᠤᠪᠤᠷ ᠦᠨᠡᠲᠦ ᠨᠤᠮ ᠪᠦᠷ ᠲᠠᠪᠤᠨ ᠦᠩᠬᠡ ᠶᠢᠨ ᠲᠤᠷᠭᠠᠨ ᠤᠲᠠᠰᠤ ᠪᠠᠷ ᠭᠤᠷᠪᠠᠨ ᠵᠠᠩᠬᠢᠶᠠ | ᠬᠦᠬᠡᠷᠬᠡᠢ ᠵᠠᠩᠬᠢᠳᠴᠤ᠂ ᠲᠤᠭᠤᠮᠴᠢ ᠶᠢ ᠨᠢ ᠨᠤᠮ ᠤᠨ ᠲᠤᠯᠤᠭᠠᠢ ᠲᠠᠯᠠ ᠳᠤᠨᠢ ᠲᠠᠭᠠᠷᠠᠭᠤᠯᠤᠨ ᠬᠠᠲᠠᠭᠠᠯᠠᠵᠤ | ᠪᠠᠶᠢᠲᠠᠭ᠃ ᠨᠤᠮ ᠢᠶᠠᠨ ᠪᠤᠰᠤᠳ ᠲᠤ ᠬᠦᠷᠬᠡᠬᠦ ᠳᠡᠭᠡᠨ ᠪᠠᠷᠠᠭᠤᠨ ᠬᠤᠶᠢᠰᠢ ᠬᠠᠨᠳᠤᠨ ᠵᠤᠭᠰᠤᠵᠤ᠂ ᠨᠤᠮ ᠤᠨ ᠬᠠᠨ | ᠪᠠᠪᠠᠢ ᠲᠡᠭᠷᠢ ᠶᠢᠨ ᠵᠠᠷᠯᠢᠭ ᠤᠨ ᠦᠴᠢᠭ ᠦᠴᠢᠵᠤ ︽ᠰᠠᠷ︕ ᠰᠠᠷ︕ ᠰᠠᠷ︕︾ ᠬᠡᠵᠤ ᠲᠡᠭᠷᠢ ᠦᠭᠡᠳᠠ | ᠠᠷᠢᠬᠢ ᠰᠠᠷᠬᠤᠳ ᠢ ᠰᠠᠴᠤᠯᠬᠢᠯᠠᠠ ᠵᠠᠩᠬᠢᠶᠠ ᠶᠢ ᠨᠢ ᠲᠠᠶᠢᠯᠵᠤ ᠬᠦᠷᠭᠡᠲᠡᠭ ᠶᠤᠰᠤ ᠪᠤᠢ᠃ ᠨᠤᠮ ᠤᠨ ᠵᠠᠩᠬᠢᠶᠠ | ᠲᠠᠶᠢᠯᠬᠤ ᠳᠤ ᠪᠠᠰᠠ ᠡᠲᠦᠷ ᠴᠠᠭ ᠢ ᠶᠡᠭᠡ ᠨᠠᠷᠢᠯᠢᠭ ᠰᠤᠩᠭᠤᠵᠤ ᠦᠢᠯᠡᠲᠤᠲᠡᠭ ᠪᠤᠢ᠃ ᠡᠨᠡ ᠨᠢ ᠲᠠᠷᠤᠢ | ᠵᠢᠷᠤᠬᠠᠢ ᠶᠢᠨ ᠠᠷᠪᠠᠨ ᠬᠤᠶᠠᠷ ᠡᠵᠡᠨ ᠤ ᠨᠡᠬᠡᠬᠡᠭᠴᠢ᠂ ᠡᠪᠲᠡᠭᠴᠢ᠂ ᠲᠦᠬᠦᠷᠥᠭᠴᠢ᠂ ᠲᠦᠪᠰᠢᠳᠬᠡᠭᠴᠢ ᠵᠡᠷᠭᠡ | ᠲᠦᠷᠪᠡᠨ ᠡᠵᠡᠨ ᠢ ᠰᠤᠩᠭᠤᠵᠤ᠂ ᠬᠡᠰᠢᠭ ᠤᠨ ᠲᠦᠷᠪᠡᠨ ᠤᠲᠤ ᠷᠤᠬᠢᠨᠠᠢ᠂ ᠪᠦᠷᠨᠢᠸᠠᠰᠤ᠂ ᠪᠦᠷᠸᠠᠰᠠᠳ᠂ ᠰᠡᠲᠡᠪᠢᠰ | ᠵᠡᠷᠭᠡ ᠲᠦᠷᠪᠡᠨ ᠤᠲᠤ ᠲᠠᠢ ᠲᠤᠬᠢᠶᠠᠯᠲᠤᠭᠤᠯᠤᠨ ᠨᠤᠮ ᠤᠨ ᠵᠠᠩᠬᠢᠶᠠ ᠲᠠᠶᠢᠯᠬᠤ ᠦᠢᠯᠠ ᠶᠢ ᠦᠢᠯᠡᠲᠤᠨᠠ᠃ | ᠬᠡᠬᠦ ᠳᠡᠭᠡᠨ ᠠᠷᠢᠭᠤᠨ ᠴᠡᠪᠡᠷ ᠢ ᠡᠷᠬᠢᠮᠯᠠᠨᠠ᠃ ᠮᠤᠩᠭᠤᠯᠴᠤᠳ ᠤᠨ ᠨᠤᠮ ᠤᠨ ᠵᠠᠩᠬᠢᠶᠠ ᠲᠠᠶᠢᠯᠬᠤ ᠶᠤᠰᠤ ᠪᠤᠯ | ᠠᠯᠢᠪᠠ ᠨᠤᠮᠯᠠᠯ ᠢ ᠮᠠᠰᠢ ᠶᠡᠭᠡ ᠶᠠᠪᠤᠭᠤᠷᠢ ᠲᠠᠢ ᠪᠤᠯᠭᠠᠵᠤ ᠷᠢᠳᠢ ᠰᠢᠳᠢ ᠤᠷᠤᠭᠤᠯᠲᠠᠭ᠃ | ᠬᠤᠶᠠᠷ᠂ ᠮᠤᠩᠭᠤᠯᠴᠤᠳ ᠤᠨ ᠨᠤᠮ ᠪᠢᠲᠡᠬᠦᠯᠡᠬᠦ ᠶᠤᠰᠤ᠄ ᠨᠣᠮ ᠰᠣᠳᠤᠷ ᠪᠢᠳᠡᠭᠦᠯᠡᠬᠦ ᠭᠡᠳᠡᠭ ᠨᠢ ᠴᠠᠭᠠᠨ | ᠰᠠᠷᠠ ᠶᠢᠨ ᠰᠢᠨᠡ ᠶᠢᠨ ᠨᠢᠭᠡᠨ ᠤ ᠡᠮᠦᠨᠡᠬᠢ ᠡᠳᠦᠷ ᠨᠣᠮ ᠰᠣᠳᠤᠷ ᠢᠶᠠᠨ ᠶᠠᠩᠵᠣᠯᠠᠨ ᠲᠠᠶᠢᠬᠤ ᠵᠠᠩᠰᠢᠯ ᠢ ᠬᠡᠯᠡᠵᠤ | ᠪᠤᠢ᠃ ᠡᠪᠦᠭᠡ ᠲᠡᠭᠡᠳᠦᠰ ᠠᠴᠠ ᠤᠯᠠᠮᠵᠢᠯᠠᠨ ᠬᠠᠳᠠᠭᠠᠯᠠᠵᠤ ᠢᠷᠡᠭᠰᠡᠨ ᠨᠣᠮ ᠰᠣᠳᠤᠷ᠂ ᠭᠡᠷ ᠤᠨ ᠲᠦᠷᠢᠮ᠂ ᠴᠠᠳᠢᠭ | ᠂ ᠲᠠᠶᠢᠯᠭᠠ ᠲᠠᠬᠢᠯᠭᠠ ᠶᠢᠨ ᠪᠢᠴᠢᠭ ᠰᠣᠳᠤᠷ᠂ ᠵᠢᠷᠤᠬᠠᠢ ᠦᠵᠡᠯᠭᠡ ᠶᠢᠨ ᠲᠡᠪᠳᠡᠷ᠂ ᠦᠷᠭᠦᠯᠵᠢ ᠣᠩᠰᠢᠵᠤ | ᠪᠠᠶᠢᠳᠠᠭ ᠨᠣᠮ᠂ ᠲᠡᠭᠦᠨᠴᠢᠯᠡᠨ ᠪᠢᠷ᠂ ᠪᠡᠭᠡ᠂ ᠴᠠᠭᠠᠰᠤ ᠵᠡᠷᠭᠡ ᠪᠢᠴᠢᠭ ᠤᠨ ᠬᠡᠷᠡᠭᠰᠡᠯ ᠤᠳ ᠢᠶᠠᠨ ᠪᠢᠳᠡᠭᠦᠨ ᠤ | ᠡᠳᠦᠷ ᠡᠪᠯᠡᠨ ᠲᠢᠭᠯᠡᠵᠤ ᠠᠷᠴᠢᠨ ᠵᠦᠯᠭᠦᠳᠡᠭ᠃ ᠪᠠᠷᠢᠨᠳᠠᠭ ᠲᠠᠢ ᠨᠣᠮ ᠰᠤᠳᠤᠷ ᠪᠤᠯ ᠣᠷᠢᠳ ᠢᠶᠠᠷ ᠬᠦᠵᠢ | ᠠᠰᠠᠭᠠᠨ ᠵᠤᠯᠠ ᠡᠷᠭᠦᠵᠤ ᠭᠠᠷ ᠢᠶᠠᠨ ᠤᠬᠢᠶᠠᠵᠤ ᠠᠷᠢᠭᠤᠳᠬᠠᠭᠠᠳ ᠰᠠᠶ᠋ᠢ ᠪᠠᠷᠢᠨᠳᠠᠭ ᠢ ᠨᠢ ᠲᠠᠶᠢᠯᠵᠤ ᠠᠷᠴᠢᠵᠤ | ᠵᠦᠯᠭᠦᠳᠡᠭ᠃ ᠶᠡᠷᠤ ᠶᠢᠨ ᠴᠠᠭ ᠲᠡᠯᠭᠡᠳᠡᠭ ᠦᠭᠡᠢ ᠴᠠᠳᠢᠭ᠂ ᠲᠠᠬᠢᠯᠭᠠ ᠶᠢᠨ ᠰᠣᠳᠤᠷ᠂ ᠦᠶᠡ ᠤᠯᠠᠷᠢᠨ | ᠣᠯᠠᠮᠵᠢᠯᠠᠵᠤ ᠢᠷᠡᠭᠰᠡᠨ ᠨᠣᠮ ᠰᠣᠳᠤᠷ ᠢ ᠴᠤ ᠡᠨᠡ ᠡᠳᠦᠷ ᠨᠢᠭᠡᠳ ᠨᠢᠭᠡ ᠪᠠᠷ ᠲᠠᠶᠢᠯᠤᠨ ᠭᠠᠷ ᠤᠨ ᠠᠶᠠ ᠪᠠᠷ | ᠡ᠊ᠨᠳᠡ ᠲᠡᠨᠳᠡ ᠠᠴᠠ ᠨᠢ ᠬᠡᠳᠤᠨ ᠬᠠᠭᠤᠳᠠᠰᠤ ᠶᠢ ᠡᠷᠭᠢᠭᠦᠯᠤᠨ ᠣᠩᠰᠢᠵᠤ᠂ ᠲᠣᠭᠤᠰᠤ ᠰᠢᠷᠤᠢ ᠶᠢ ᠨᠢ ᠭᠦᠪᠢᠨ | ᠠᠷᠴᠢᠭᠠᠳ ᠣᠭ ᠬᠡᠪ ᠢᠶᠠᠷ ᠨᠢ ᠪᠠᠷᠢᠨᠳᠠᠭ ᠲᠤᠨᠢ ᠪᠣᠭᠤᠵᠤ ᠲᠠᠯᠪᠢᠨᠠ᠃ ᠪᠤᠰᠤᠳ ᠨᠤᠮ ᠪᠢᠴᠢᠭ ᠤᠳ ᠢ ᠴᠤ | ᠲᠢᠭᠯᠡᠵᠤ ᠴᠡᠪᠡᠷᠯᠡᠭᠡᠳ ᠶᠠᠩᠵᠤᠯᠠᠨ ᠵᠠᠰᠠᠨᠠ᠃ ᠨᠣᠮ ᠰᠣᠳᠤᠷ᠂ ᠪᠢᠴᠢᠭ ᠤᠨ ᠬᠡᠷᠡᠭᠰᠡᠯ ᠢ ᠲᠢᠭᠯᠡᠵᠤ ᠵᠠᠰᠠᠭᠰᠠᠨ ᠤ | ᠲᠡᠭᠡᠷᠡ ᠨᠢ ᠬᠠᠳᠠᠭ ᠲᠣᠬᠤᠭᠠᠳ ᠡᠮᠦᠨᠡ ᠨᠢ ᠬᠦᠵᠢ ᠵᠤᠯᠠ ᠠᠰᠠᠭᠠᠨ ᠲᠠᠪᠠᠭ ᠲᠠᠢ ᠴᠠᠭᠠᠨ ᠢᠳᠡᠭᠡ ᠲᠠᠯᠪᠢᠳᠠᠭ᠃ | ᠡᠭᠦᠨ ᠢ ᠨᠣᠮ ᠰᠣᠳᠤᠷ ᠪᠢᠳᠡᠭᠦᠯᠡᠵᠤ ᠪᠠᠶᠢᠨᠠ ᠭᠡᠳᠡᠭ᠃ ᠪᠢᠳᠡᠭᠦᠯᠡᠭᠰᠡᠨ ᠨᠣᠮ ᠰᠣᠳᠤᠷ ᠢ ᠲᠤᠷᠠ ᠪᠠᠷ ᠨᠢ | ᠬᠦᠳᠡᠯᠭᠡᠵᠤ ᠪᠣᠯᠬᠤ ᠦᠭᠡᠢ ᠴᠠᠭᠠᠨ ᠰᠠᠷᠠ ᠳᠤ ᠰᠠᠶᠢᠨ ᠡᠳᠦᠷ ᠢ ᠰᠣᠩᠭᠤᠨ ᠨᠣᠮ ᠰᠣᠳᠤᠷ ᠲᠠᠭᠠᠨ ᠬᠦᠵᠢ ᠵᠤᠯᠠ | ᠡᠷᠭᠦᠨ ᠨᠣᠮ ᠢᠶᠠᠨ ᠰᠡᠬᠦᠨᠡ᠃ ︵ᠰᠦᠯᠵᠢᠶᠠ︶ | |