| ● ᠷᠢ᠊ · ᠰᠡᠴᠡᠨᠳᠤ | | ᠡᠪᠤᠯ ᠪᠤᠯᠤᠨᠠ ᠭᠡᠳᠡᠭ ᠦᠩᠭᠡᠷᠡᠭᠰᠡᠨ ᠳᠤ ᠶᠡᠷᠤ ᠨᠢ ᠲᠡᠶᠢᠮᠤ ᠴᠤ ᠰᠠᠶᠢᠬᠠᠨ ᠰᠡᠳᠭᠢᠭᠳᠡᠯ ᠪᠠᠶᠢᠭᠠ ᠪᠢᠰᠢ︕ | | ᠬᠠᠬᠢᠷ ᠬᠦᠢᠳᠡᠨ᠂ ᠴᠠᠰᠤ ᠰᠢᠭᠤᠷᠭᠠᠨ ᠲᠤᠮᠳᠠᠭᠤᠷ᠂ ᠬᠠᠮᠤᠭ ᠮᠠᠯ ᠤᠨ ᠢᠶᠠᠨ ᠬᠤᠶᠢᠨᠡ ᠠᠴᠠ ᠬᠠᠨᠴᠤᠢ | ᠲᠤᠭᠳᠦ᠋ᠢᠯᠠᠨ᠂ ᠬᠤᠷᠮᠤᠢ ᠲᠡᠷᠪᠡᠯᠵᠡᠬᠦᠯᠤᠨ᠂ ᠵᠢᠭᠭᠢᠨᠡᠨ ᠢᠰᠬᠡᠷᠡᠬᠦ᠂ ᠦᠷᠤᠨᠡ ᠶᠢᠨ ᠨᠢᠳᠤ ᠦᠭᠡᠢ ᠭᠤᠶᠠᠳᠠᠬᠤ | ᠵᠢᠪᠡᠷ ᠲᠤ ᠲᠡᠯᠳᠡᠷᠢᠵᠤ᠂ ᠬᠠᠶᠠ ᠬᠠᠶᠠ ᠪᠡᠶᠡ ᠪᠦᠯᠢᠶᠡᠰᠬᠡᠬᠦ ᠭᠡᠵᠤ ᠮᠠᠯᠴᠢᠨ ᠬᠦᠮᠤᠰ᠂ ᠬᠠᠷᠠᠭᠳᠠᠬᠤ ᠵᠢᠭᠠᠬᠠᠨ | ᠪᠤᠳᠡ ᠲᠠᠷᠠᠰᠤ ᠨᠦᠮᠤᠷᠢᠳᠡᠨ᠂ ᠬᠠᠮᠠᠷ ᠠᠮᠠᠨ ᠠᠴᠠ ᠪᠠᠨ ᠠᠭᠤᠷ ᠴᠠᠩ ᠰᠠᠪᠰᠠᠭᠤᠯᠤᠨ᠂ ᠬᠠᠤᠬᠢᠬᠤ ᠲᠡᠭᠷᠢ ᠶᠢᠨ | ᠰᠦᠭᠯᠡᠭᠡᠷ ᠴᠠᠭᠠᠨ ᠰᠠᠭᠰᠤᠷᠭᠠᠨ ᠳᠤ ᠦᠯᠢᠭᠡᠷ ᠤᠨ ᠬᠢ ᠶᠤᠮ ᠰᠢᠭ᠋᠃ ᠦᠯᠤ ᠲᠠᠨᠢᠭᠳᠠᠬᠤ ᠨᠢᠭᠡᠨ ᠮᠠᠯᠴᠢᠨ | ᠲᠡᠮᠡᠬᠢᠯᠡᠨ ᠪᠦᠭᠳᠦ᠋ᠢᠬᠦ ᠳᠤ ᠭᠤᠤᠯ ᠤᠨ ᠤᠰᠤ ᠨᠢ ᠭᠤᠤᠯ ᠠᠴᠠ ᠪᠠᠨ ᠤᠷᠭᠢᠯᠤᠵᠤ ᠬᠠᠭᠠ ᠬᠦᠯᠳᠡᠭᠰᠡᠨ᠂ ᠲᠡᠷᠡ | ᠮᠦᠴᠡ ᠳᠤ ᠪᠠᠭᠠ ᠦᠳᠡ ᠶᠢᠨ ᠴᠡᠴᠡᠷᠭᠡᠨᠡᠨ ᠴᠠᠶᠢᠪᠠᠶᠢᠬᠤ ᠨᠠᠷᠠᠨ ᠳᠤ ᠬᠠᠷᠠᠯᠠᠨ ᠪᠤᠷᠵᠠᠩᠳᠤᠬᠤ ᠢᠷᠤᠭᠠᠯ ᠲᠤ ᠨᠢ᠂ | ᠬᠡᠳᠤᠨ ᠵᠢᠭᠠᠰᠤ ᠬᠦᠳᠡᠯᠤᠨ ᠪᠠᠶᠢᠬᠤ ᠡᠰᠡᠬᠦ ᠨᠢ ᠲᠡᠶᠢᠮᠤ ᠴᠤ ᠮᠡᠳᠡᠭᠳᠡᠮᠡ ᠦᠭᠡᠢ᠂ ᠪᠦᠬᠦ ᠶᠠᠭᠤᠮᠠ ᠮᠦᠰᠤᠷᠬᠡᠨ᠂ | ᠠᠮᠢᠳᠠᠨ ᠪᠤᠳᠠᠰ ᠤᠨ ᠠᠯᠢ ᠠᠯᠢᠨ ᠨᠢ ᠴᠤ ᠠᠮᠢ ᠭᠤᠤᠯ ᠦᠭᠡᠢ ᠶᠤᠮ ᠰᠢᠬ ᠠᠮᠠ ᠬᠠᠮᠠᠷ ᠠᠴᠠ ᠪᠠᠨ ᠲᠠᠰᠤ | ᠬᠦᠷᠤᠵᠤ᠂ ᠡᠪᠤᠯ ᠤᠨ ᠬᠦᠢᠳᠡᠨ ᠶᠢᠰᠤ ᠲᠦᠢᠯ ᠳᠤ ᠪᠠᠨ ᠬᠦᠷᠴᠤ᠂ ᠶᠠᠰᠤ ᠶᠠᠩᠬᠢᠨᠡᠳᠡᠯᠡ ᠪᠠᠨ ᠱᠠᠷᠭᠢᠷᠠᠵᠤ | ᠡᠬᠢᠯᠡᠳᠡᠭ ᠨᠢ ᠲᠡᠭᠡᠷᠡ ᠵᠠᠭᠤᠨ ᠤ ᠲᠤᠮᠤᠭ ᠪᠤᠯᠬᠤᠷ ᠦᠨᠤᠳᠤᠷ ᠤᠨ ᠬᠡᠤᠭᠡᠳ ᠤᠳ ᠮᠡᠳᠡᠬᠦ ᠦᠭᠡᠢ᠃ | ᠭᠤᠳᠤᠯ ᠢᠶᠠᠨ ᠲᠡᠶᠢᠯᠵᠤ ᠭᠠᠯ ᠤᠨ ᠵᠠᠬᠠ ᠳᠤ ᠬᠦᠯ ᠢᠶᠠᠨ ᠡᠭᠡᠭᠡᠵᠤ ᠠᠬᠠ ᠲᠡᠬᠦᠤ ᠬᠡᠳᠤᠬᠦᠯᠡ ᠪᠠᠨ | ᠡᠪ ᠲᠠᠢ ᠰᠠᠶᠢᠬᠠᠨ ᠶᠠᠭᠠᠬᠢᠵᠤ ᠰᠠᠭᠤᠳᠠᠭ᠂ ᠲᠡᠷᠡ ᠡᠪᠤᠯ ᠤᠨ ᠡᠳᠤᠷ ᠤᠳ ᠢ ᠰᠠᠷᠠᠨ ᠲᠡᠭᠡᠷᠡ᠂ ᠤᠳᠤ ᠭᠠᠷᠠᠭ | ᠲᠡᠭᠡᠷᠡ ᠭᠠᠷᠴᠤ ᠤᠳᠤᠷᠯᠠᠭᠰᠠᠨ ᠶᠤᠮ ᠰᠢᠭ᠋ ᠡᠪᠦᠭᠡ ᠶᠢᠨ ᠪᠠᠨ ᠶᠠᠷᠢᠳᠠᠭ ᠬᠤᠯᠠ ᠶᠢᠨ ᠵᠤᠭᠤᠭ᠂ ᠲᠤᠮᠤᠭ ᠤᠨ | ᠶᠠᠭᠤᠮᠠ ᠶᠢ ᠢᠯᠡᠬᠦᠴᠡ ᠦᠭᠡ ᠭᠡᠵᠤ ᠲᠠ ᠨᠠᠷ ᠪᠤᠤ ᠪᠤᠳᠤ ᠳ᠋ᠠ︕ ᠮᠡᠳᠡᠬᠦ ᠦᠭᠡᠢ ᠪᠠᠶᠢᠵᠤ ᠪᠤᠯᠤᠨᠠ᠂ ᠮᠡᠳᠡᠷᠡᠬᠦ | ᠦᠭᠡᠢ ᠪᠠᠶᠢᠵᠤ ᠦᠯᠤ ᠪᠤᠯᠤᠨᠠ ᠰᠢᠤ︕ | ᠦᠨᠢ ᠮᠦᠩᠬᠡ ᠶᠢᠨ ᠨᠤᠳᠤᠭ ᠲᠤ ᠪᠠᠨ ᠡᠷᠡᠬᠦᠯ ᠡᠩᠬᠡ᠂ ᠴᠢᠬᠢᠷᠠᠭ ᠪᠠᠶᠢᠬᠤ ᠶᠢ ᠪᠠᠶᠢᠭᠠᠯᠢ ᠤᠷᠴᠢᠨ ᠨᠢ | ᠲᠡᠭᠡᠵᠤ ᠲᠠᠪᠳᠠᠵᠤ ᠪᠠᠶᠢᠭᠰᠠᠨ ᠶᠤᠮ᠃ ᠦᠭᠡᠷᠡᠳᠡᠵᠤ ᠬᠤᠪᠢᠷᠠᠭᠰᠠᠨ ᠴᠠᠭ ᠠᠭᠤᠷ ᠤᠨ ᠪᠠᠶᠢᠳᠠᠯ᠂ ᠲᠤᠯᠠᠭᠠᠷᠠᠭᠰᠠᠨ | ᠬᠦᠯᠤᠮᠵᠢ ᠶᠢᠨ ᠡᠭᠡᠭᠡᠯᠳᠡ ᠳᠤ ᠤᠷᠤᠭᠰᠠᠨ ᠪᠠᠶᠢᠭᠠᠯᠢ ᠤᠷᠴᠢᠨ᠂ ᠨᠡᠶᠢᠭᠡᠮ ᠴᠠᠭ ᠤᠨ ᠬᠦᠭᠵᠢᠯ ᠲᠡᠪᠰᠢᠯ ᠤᠭᠳᠤ | ᠰᠠᠨᠠᠭᠳᠠᠮᠠ ᠦᠭᠡᠢ ᠪᠤᠯᠳᠠᠯᠠ ᠡᠨᠡ ᠡᠪᠤᠯ ᠤᠳ ᠢ ᠦᠨᠤ ᠬᠤᠪᠢᠷᠠᠭᠠᠵᠠᠢ᠃ | ᠰᠢᠭᠤᠷᠭᠠ ᠰᠦᠷᠴᠤ ᠡᠳᠤᠷ ᠤᠨ ᠴᠢᠨᠡᠭᠡ ᠪᠠᠷ ᠬᠡᠭᠡᠷᠡ ᠭᠠᠳᠠᠨᠠ᠂ ᠮᠠᠯ ᠢᠶᠠᠨ ᠪᠡᠯᠴᠢᠭᠡᠳᠡᠭ ᠮᠠᠯᠴᠢᠳ ᠤᠳᠤ | ᠰᠠᠭᠤᠷᠢᠰᠢᠵᠤ ᠮᠠᠯᠵᠢᠬᠤ ᠪᠤᠯᠤᠭᠰᠠᠨ ᠠᠴᠠ ᠲᠠᠭᠠᠷᠠᠬᠤ ᠡᠳᠤᠷ ᠦᠭᠡᠢ᠂ ᠲᠠᠭᠠᠵᠤ ᠬᠤᠯᠠ ᠶᠠᠪᠤᠬᠤ ᠨᠤᠳᠤᠭ ᠦᠭᠡᠢ᠂ | ᠲᠠᠰᠤᠯᠠᠭᠰᠠᠨ ᠲᠠᠰᠤᠯᠠᠭᠰᠠᠨ ᠬᠡᠪᠴᠢᠶᠡᠨ ᠳᠤ ᠪᠠᠨ ᠪᠠᠷᠳᠠᠮ ᠪᠡᠯᠡᠳᠬᠡᠯ ᠲᠠᠢ᠂ ᠴᠠᠰᠤ ᠦᠭᠡᠢ ᠡᠪᠤᠯ ᠠᠴᠠ | ᠠᠶᠤᠬᠤ ᠠᠴᠠ ᠪᠢᠰᠢ᠂ ᠴᠠᠰᠤ ᠲᠠᠢ ᠡᠪᠤᠯ ᠠᠴᠠ ᠠᠶᠤᠳᠠᠭ ᠴᠠᠭ ᠨᠢᠭᠡᠨᠳᠡ ᠦᠩᠭᠡᠷᠡᠵᠡᠢ᠃ ᠤᠳᠤᠷ ᠨᠡᠬᠦᠳᠡᠯ | ᠤᠰᠠᠳᠴᠤ᠂ ᠤᠷᠤᠨ ᠰᠠᠭᠤᠴᠠ ᠶᠢᠨ ᠲᠤᠯᠠᠭᠠᠯᠠᠭᠠ ᠰᠠᠶᠢᠵᠢᠷᠠᠵᠤ᠂ ᠫᠸᠡᠭ ᠬᠤᠷᠤᠭᠠ ᠵᠢᠭᠳᠡᠷᠡᠵᠤ ᠢᠵᠢ | ᠪᠦᠷᠢᠯᠳᠤᠵᠤ᠂ ᠵᠠᠮ ᠨᠡᠪᠳᠡᠷᠡᠯᠭᠡ ᠪᠠᠰᠠ ᠡᠭᠦᠳᠡᠨ ᠳᠤ ᠨᠢ ᠢᠷᠡᠳᠡᠯᠡ ᠵᠠᠰᠠᠮᠠᠯ ᠵᠠᠮ ᠪᠤᠯᠤᠭᠰᠠᠨ ᠠᠴᠠ ᠬᠤᠷᠳᠤᠨ | ᠮᠠᠰᠢᠨ ᠲᠠᠪᠬᠢᠨ ᠴᠢᠮᠡᠭᠡ ᠬᠠᠷᠢᠯᠴᠠᠭᠠ ᠰᠠᠭᠠᠳ ᠦᠭᠡᠢ᠂ ᠴᠢᠨᠤ ᠮᠢᠨᠤ ᠦᠭᠡᠢ᠂ ᠲᠦᠬᠦᠮ ᠲᠦᠳᠡ ᠭᠢᠯᠠᠰ ᠭᠢᠯᠠᠰᠬᠠᠨ | ᠨᠡᠪᠳᠡᠷᠡᠬᠦ ᠪᠤᠯᠤᠭᠰᠠᠨ ᠠᠴᠠ ᠁ | ᠦᠨᠤ ᠡᠪᠤᠯ ᠪᠤᠯᠤᠬᠰᠠᠭᠠᠷ ᠶᠠᠩᠵᠤ ᠪᠦᠷᠢ ᠶᠢᠨ ᠴᠠᠰᠤᠨ ᠲᠦᠷᠤᠯ ᠵᠦᠢᠯ ᠳᠤ ᠬᠤᠯᠪᠤᠭᠳᠠᠭᠰᠠᠨ | ᠵᠤᠭᠠᠴᠡᠯ ᠤᠨ ᠨᠠᠶᠢᠷ ᠨᠠᠭᠠᠳᠤᠮ᠂ ᠪᠡᠶᠡ ᠴᠢᠬᠢᠷᠠᠬᠵᠢᠯᠳᠡ ᠶᠢᠨ ᠠᠵᠢᠯᠯᠠᠭᠠᠨ᠂ ᠡᠯᠡ ᠭᠠᠵᠠᠷ ᠤᠷᠤᠨ ᠤ ᠠᠭᠤᠷ | ᠠᠮᠢᠰᠬᠤᠯ᠂ ᠪᠠᠶᠢᠭᠠᠯᠢ ᠶᠢᠨ ᠤᠨᠴᠠᠯᠢᠭ ᠠᠴᠠ ᠪᠠᠨ ᠪᠤᠯᠵᠤ ᠪᠦᠳᠤᠭᠡᠭᠰᠡᠨ ᠴᠠᠰᠤ ᠮᠦᠰᠤ᠂ ᠵᠤᠬᠢᠶᠠᠮᠡᠯ ᠱᠤᠭᠤᠮᠡᠯ ᠂ | ᠭᠤᠯᠭᠤᠯᠳᠡ᠂ ᠲᠠᠰᠢᠯᠳᠡ ᠭᠡᠳ ᠲᠡᠩᠴᠤ ᠪᠤᠭᠤᠨᠢᠬᠠᠨ ᠡᠪᠤᠯ ᠤᠨ ᠤᠯᠠᠷᠢᠯ ᠢ ᠴᠠᠭᠠᠨ ᠰᠠᠷᠠ ᠪᠤᠯᠳᠠᠯᠠ ᠴᠠᠭᠯᠠᠰᠢ | ᠦᠭᠡᠢ ᠬᠦᠭᠵᠢᠶᠡᠨ ᠨᠠᠷᠬᠢᠶᠠᠨ ᠢᠶᠠᠷ ᠦᠳᠡᠨᠡ᠃ | ᠡᠪᠤᠯ ᠪᠤᠯᠤᠨᠠ ᠭᠡᠳᠡᠭ ᠦᠩᠭᠡᠷᠡᠭᠰᠡᠨ ᠳᠤ ᠶᠡᠷᠤ ᠨᠢ ᠦᠭᠡᠷᠡ ᠶᠢᠷᠳᠢᠨᠴᠤ᠂ ᠦᠭᠡᠷᠡ ᠨᠢᠭᠡᠨ ᠤᠷᠴᠢᠨ | ᠪᠠᠶᠢᠯᠠ︕ | ᠡᠮᠤᠰᠤᠭ᠍ᠰᠡᠨ ᠦᠰᠤᠳᠠᠢ ᠲᠡᠪᠡᠯ ᠬᠤᠪᠴᠠᠰᠤ ᠪᠠᠨ ᠲᠠᠭᠠᠭᠠᠵᠤ ᠶᠠᠳᠠᠨ ᠪᠤᠭᠤᠭᠳᠠᠨ᠂ ᠨᠦᠰᠡᠷ ᠬᠦᠨᠳᠤ | ᠨᠤᠷᠠᠵᠤ ᠬᠦᠯᠳᠡᠭᠰᠡᠨ ᠢᠰᠡᠬᠡᠢ ᠭᠤᠳᠤᠯ ᠢᠶᠠᠨ ᠨᠢᠭᠡ ᠨᠢᠭᠡ ᠠᠯᠬᠤᠮ ᠢᠶᠠᠷ ᠵᠦᠭᠡᠭᠡᠵᠤ ᠲᠠᠯᠪᠢᠨ ᠬᠦᠨ ᠬᠦᠷ | ᠴᠠᠰᠤᠨ ᠳᠤ ᠪᠡᠳᠡᠷᠡᠨ᠂ ᠪᠠᠶᠢᠨᠠ᠂ ᠪᠠᠶᠢᠬᠤ ᠦᠭᠡᠢ ᠨᠢ ᠦᠯᠤ ᠮᠡᠳᠡᠭᠳᠡᠮᠡ ᠤᠷᠤᠰᠢᠨ᠂ ᠪᠠᠷᠠ ᠪᠠᠷᠠ ᠳᠤ ᠪᠠᠨ | ᠬᠤᠶᠢᠨᠡ ᠡᠮᠤᠨᠡ ᠪᠠᠨ ᠡᠪᠤᠯ ᠠᠴᠠ ᠬᠠᠪᠤᠷ ᠪᠤᠯᠳᠠᠯᠠ ᠬᠠᠮᠢᠭᠠ ᠴᠤ ᠭᠠᠷᠤᠯ ᠦᠭᠡᠢ ᠬᠠᠶᠢᠪᠠᠵᠤ ᠲᠠᠶᠢᠪᠠᠵᠤ | ᠲᠦᠡᠭᠰᠦ᠋ᠢᠳᠡᠭ᠃ | ᠴᠠᠰᠤᠨ ᠲᠤᠳᠤᠷᠠ ᠯᠡ ᠠᠯᠬᠤᠯᠠᠵᠤ ᠶᠠᠪᠤᠳᠠᠭ᠂ ᠤᠯᠠᠷᠢᠯ ᠲᠤᠳᠤᠷᠠ ᠬᠤᠷᠢᠭᠳᠠᠳᠠᠭ᠂ ᠠᠭᠤᠯᠠᠰ ᠲᠤᠮᠳᠠ | ᠬᠤᠴᠤᠭᠳᠠᠳᠠᠭ᠂ ᠤᠢ ᠶᠢᠨ ᠲᠤᠮᠳᠡ ᠪᠢᠳᠡᠬᠦᠷᠡᠳᠡᠭ᠂ ᠤᠯᠳᠠᠭᠰᠠᠨ ᠵᠢᠭᠠᠬᠠᠨ ᠬᠠᠷᠠ ᠭᠠᠵᠠᠷ ᠢᠶᠠᠨ ᠤᠯᠳᠠᠬᠤ ᠦᠭᠡᠢ | ᠪᠤᠯᠳᠠᠯᠠ ᠰᠢᠷᠭᠤᠳᠠᠭ᠃ ᠤᠨ ᠳᠤ ᠨᠢᠭᠡ ᠤᠷᠤᠬᠤ ᠨᠢ ᠤᠷᠤᠭ ᠲᠠᠷᠪᠠᠭᠠ᠂ ᠤᠢ ᠶᠢᠨ ᠪᠠᠭᠠᠪᠠᠭᠠᠢ ᠰᠢᠭ᠋ | ᠤᠶᠢᠳᠬᠠᠷ ᠲᠠᠢ ᠮᠦᠷᠳᠡᠭᠡᠨ ᠤᠷᠤᠠ ᠪᠠᠶᠢᠷᠢᠨ ᠳᠤ ᠪᠠᠨ ᠲᠠᠭᠤ ᠦᠭᠡᠢ ᠤᠨᠳᠠᠬᠤ ᠰᠢᠭ᠋ ᠢᠴᠡᠭᠡᠯᠡᠳᠡᠭ᠃ ᠢᠷᠡᠬᠦ | ᠴᠠᠭ ᠨᠢ ᠤᠳᠠᠭᠠᠨ᠂ ᠢᠳᠡᠭᠡᠬᠦ ᠢᠳᠡᠭᠡᠯ ᠨᠢ ᠴᠤ ᠪᠠᠰᠠ ᠤᠳᠠᠭᠠᠨ᠂ ᠤᠳᠠᠵᠤ ᠤᠳᠠᠵᠤ ᠨᠢᠭᠡ ᠰᠢᠨᠡ ᠴᠠᠭᠠᠨ ᠰᠠᠷᠠ | ᠪᠤᠯᠳᠠᠭ᠃ | ᠬᠠᠰᠢᠶᠡ ᠲᠡᠷᠭᠡ᠂ ᠬᠠᠮ ᠠᠪᠳᠠᠷᠠ᠂ ᠬᠠᠨᠠ ᠤᠨᠢ ᠪᠠᠨ ᠴᠤ ᠠᠯᠤᠰᠯᠠᠨ ᠲᠤᠭᠠᠯᠠᠨ ᠰᠤᠭᠤᠴᠢᠵᠤ᠂ ᠬᠠᠮᠤᠭ | ᠮᠤᠳᠤ ᠪᠠᠨ ᠲᠦᠯᠡᠵᠤ ᠪᠠᠷᠠᠭᠠᠳ᠂ ᠭᠠᠯ ᠠᠯᠳᠠᠵᠤ᠂ ᠭᠠᠳᠠᠨᠠ ᠭᠡᠷ ᠬᠤᠶᠠᠷ ᠲᠤ ᠪᠠᠶᠢᠬᠤ ᠨᠢ ᠢᠯᠭᠠᠭᠳᠠᠮᠠ ᠦᠭᠡᠢ | ᠬᠦᠢᠳᠡᠨ ᠭᠠᠮᠰᠢᠭ ᠵᠤᠳ ᠲᠠᠢ ᠡᠪᠤᠯ ᠤᠨ ᠡᠳᠤᠷ ᠤᠳ ᠭᠠᠩᠳᠠᠭᠤᠨ ᠬᠠᠬᠢᠷ ᠵᠢᠪᠡᠷ ᠢᠶᠠᠷ ᠭᠠᠷ ᠬᠦᠯ ᠬᠡᠵᠢᠶᠡᠳᠡ | ᠪᠦᠯᠢᠶᠡᠰᠤᠮᠡ ᠦᠭᠡᠢ ᠲᠠᠭᠠᠷᠠᠭᠤᠯᠵᠤ᠂ ᠨᠢᠭᠤᠷ ᠨᠢᠳᠤ ᠦᠭᠡᠢ ᠬᠦᠢᠳᠡᠨ ᠰᠠᠯᠬᠢ ᠭᠤᠶᠠᠳᠠᠯᠠᠵᠤ᠂ ᠨᠠᠷᠠ ᠬᠦᠰᠡᠭᠰᠡᠨ | ᠡᠳᠤᠷ ᠮᠢᠨᠤ ᠪᠠᠭᠠ ᠨᠠᠰᠤᠨ ᠳᠤ ᠠᠤᠭᠠ ᠶᠡᠭᠡ ᠤᠷᠢᠬᠠᠨ ᠬᠠᠪᠤᠷ ᠤᠨ ᠮᠦᠷᠤᠭᠡᠳᠤᠯ ᠪᠠᠶᠢᠳᠠᠭ᠃ ᠡᠪᠤᠯ ᠪᠤᠯᠤᠨᠠ | ᠭᠡᠳᠡᠭ ᠦᠨᠡᠭᠡᠷ ᠦᠭᠡᠷᠡ ᠶᠢᠷᠳᠢᠨᠴᠤ᠂ ᠠᠷᠤ ᠭᠠᠵᠠᠷ ᠤᠨ ᠴᠠᠭᠠᠨ ᠰᠢᠯᠢ ᠳᠤ ᠰᠢᠭᠤᠷᠭᠠ ᠲᠤᠷᠠ ᠪᠠᠷ ᠪᠤᠰᠴᠤ᠂ | ᠠᠳᠤᠭᠤ ᠰᠡᠬᠦᠯ ᠢᠶᠠᠨ ᠨᠦᠮᠤᠷᠢᠳᠤᠨ ᠤᠷᠤᠭᠤᠳᠤᠭᠰᠠᠨ ᠡᠳᠤᠷ ᠤᠳ᠂ ᠬᠦᠬᠡ ᠲᠡᠭᠷᠢ ᠳᠤ ᠰᠢᠪᠠᠭᠤ ᠬᠦᠷᠳᠡᠯᠡ | ᠲᠡᠶᠢᠮᠤ ᠴᠤ ᠲᠡᠭᠡᠷᠡ ᠨᠢᠰᠴᠤ ᠴᠢᠳᠠᠯ ᠦᠭᠡᠢ ᠬᠦᠷ ᠴᠠᠰᠤᠨ ᠲᠡᠭᠡᠬᠦᠷ ᠡᠯᠢᠨ ᠬᠠᠯᠢᠨ ᠪᠦᠷᠳᠤᠯᠵᠠᠵᠤ ᠬᠠᠷᠠᠭᠳᠠᠳᠠᠭ᠃ | | ᠡᠪᠤᠯ ᠪᠠᠶᠢᠨᠠ ᠭᠡᠳᠡᠭ᠂ ᠡ᠊ᠨᠳᠡ ᠪᠢᠰᠢ ᠦᠭᠡᠷᠡ ᠨᠢᠭᠡ ᠲᠢᠪ ᠲᠤ ᠤᠷᠤᠨ ᠳᠤ ᠪᠠᠨ ᠰᠠᠭᠤᠭᠠ ᠪᠠᠷ ᠢᠶᠠᠨ | ᠪᠢᠳᠡ ᠤᠷᠤᠭᠠᠳ ᠠᠪᠳᠠᠭ ᠤᠯᠠᠷᠢᠯ ᠶᠤᠮ᠃ | ᠡᠪᠤᠯ ᠦᠩᠭᠡᠷᠡᠨᠡ ᠭᠡᠳᠡᠭ᠂ ᠲᠡᠩᠳᠡᠬᠦᠤ ᠲᠠᠭᠠᠭᠠᠵᠤ ᠶᠠᠳᠠᠨ ᠠᠪᠴᠤ ᠶᠠᠪᠤᠭᠰᠠᠨ ᠡᠬᠦᠪᠦᠷᠢ ᠪᠠᠨ ᠤᠷᠬᠢᠨᠡ | ᠭᠡᠰᠡᠨ ᠦᠬᠡ ᠶᠤᠮ᠃ ᠲᠠᠯᠠ ᠬᠠᠭᠵᠠᠷᠠᠭᠰᠠᠨ ᠴᠠᠰᠤᠨ ᠠᠴᠠ ᠪᠠᠨ ᠲᠠᠶᠢᠴᠢᠭᠳᠠᠨ ᠰᠡᠪᠡᠯᠵᠡᠵᠤ᠂ ᠲᠠᠪᠤ ᠭᠤᠷᠪᠠᠨ | ᠵᠡᠭᠡᠷᠡ ᠪᠡᠶᠡ ᠪᠠᠨ ᠲᠠᠮᠢᠷᠵᠢᠭᠤᠯᠤᠨ ᠭᠦᠶᠤᠵᠤ᠂ ᠲᠡᠭᠷᠢ ᠬᠠᠩᠭᠠᠢ ᠲᠡᠨᠢᠬᠦᠨ ᠰᠡᠯᠡᠬᠦᠬᠡᠨ ᠴᠡᠩᠬᠡᠷᠳᠤᠵᠤ᠂ ᠲᠢᠪ | ᠲᠡᠯᠡᠬᠡᠢ ᠦᠭᠡᠷᠡ ᠪᠤᠯᠳᠠᠭ᠃ ᠡᠪᠤᠯ ᠦᠩᠭᠡᠷᠡᠨᠡ ᠭᠡᠳᠡᠭ ᠦᠭᠡᠷᠡ ᠶᠢᠷᠳᠢᠨᠴᠤ︕ | ᠵᠤᠬᠢᠶᠠᠬᠴᠢ ᠶᠢᠨ ᠬᠠᠶ᠋ᠢᠭ᠄ ᠰᠢᠯᠢ ᠶᠢᠨ ᠭᠤᠤᠯ ᠠᠶᠢᠮᠠᠭ ᠤᠨ ᠵᠡᠬᠦᠨ ᠦᠵᠤᠮᠤᠴᠢᠨ ᠬᠤᠰᠢᠭᠤᠨ ᠤ ᠰᠤᠶᠤᠯ | ᠵᠤᠭᠠᠴᠠᠯ ᠪᠡᠶᠠ ᠲᠠᠮᠢᠷ ᠤᠨ ᠲᠤᠪᠴᠢᠶᠡ |