| — ᠬᠤᠷᠴᠢᠨ ᠪᠠᠷᠡᠭᠤᠨ ᠭᠠᠷᠣᠨ ᠲᠣᠮᠳᠠᠳᠣ ᠬᠤᠰᠢᠭᠤᠨ ᠤ ᠰᠤᠶᠤᠯ ᠤᠨ ᠭᠡᠷ ᠤᠨ ᠲᠠᠷᠤᠭᠠ ᠬᠠᠨ | ᠪᠣᠯᠠᠭ ᠨᠦᠬᠦᠷ ᠤᠨ ᠦᠢᠯᠡ ᠠᠵᠢᠯᠯᠠᠭᠠ ᠶᠢ ᠲᠡᠮᠳᠡᠭᠯᠡᠪᠡ | ● ᠲ᠊ · ᠪᠦᠬᠡᠪᠢᠯᠢᠭ | ᠰᠡᠳᠬᠢᠯ ᠵᠢᠷᠦᠬᠡᠨ ᠳᠤ ᠦᠨᠳᠦᠰᠦᠯᠡᠭᠰᠡᠨ ᠠᠷᠠᠳ ᠤᠨ ᠲᠠᠭᠤᠣ ᠪᠣᠶᠣ ᠬᠦᠭᠵᠢᠮ | 1967 ᠤᠨ ᠤ 2 ᠰᠠᠷᠠ ᠶᠢᠨ 16 ᠤ ᠡᠳᠤᠷ ᠶᠢᠷᠳᠢᠨᠴᠦ ᠲᠡᠯᠡᠬᠡᠢ ᠳᠤ ᠠᠪᠴᠣ ᠬᠡᠯᠡᠪᠡᠯ ᠡᠪ ᠡᠩ ᠤᠨ | ᠨᠢᠭᠡᠨ ᠡᠳᠦᠷ᠃ ᠦᠷᠡᠵᠢᠵᠦ ᠲᠦᠯᠵᠢᠬᠦ ᠡᠨᠡ ᠣᠷᠴᠢᠯᠠᠩ ᠦᠪᠡᠷ ᠤᠨ ᠡᠬᠡ ᠶᠢᠨ ᠬᠠᠶᠢᠷᠠ ᠪᠠᠨ ᠢᠪᠢᠯᠡᠬᠦᠯᠦᠭᠡᠳ | ᠦᠭᠡᠳᠡ ᠡᠰᠡᠷᠡᠭ ᠲᠠᠭᠤᠣ ᠪᠠᠨ ᠲᠠᠭᠤᠯᠠᠭᠠᠳ ᠣᠷᠣᠰᠢᠨ ᠲᠣᠭᠳᠠᠨᠢᠵᠣ ᠪᠠᠶᠢᠬᠤ ᠶᠢᠨ ᠣᠴᠢᠷ᠃ ᠭᠡᠳᠡᠯᠡ ᠲᠡᠭᠷᠢ | ᠡᠴᠢᠭᠡ ᠪᠠᠨ ᠰᠢᠳᠣᠵᠣ᠂ ᠲᠡᠯᠡᠬᠡᠢ ᠡᠬᠡ ᠪᠠᠨ ᠬᠠᠶᠢᠷᠠᠯᠠᠨ ᠲᠡᠭᠡᠳᠦᠯᠡᠵᠦ ᠶᠠᠪᠣᠭᠠ ᠬᠢᠩᠭᠠᠨ ᠠᠶᠢᠮᠠᠭ ᠤᠨ ᠵᠠᠯᠠᠶᠢᠳ | ᠬᠤᠰᠢᠭᠤᠨ ᠤ ᠢᠨᠳᠡᠷ ᠪᠠᠯᠭᠠᠰᠣ ᠶᠢᠨ ᠠᠯᠳᠠᠨᠬᠤᠸᠠ ᠭᠠᠴᠠᠭᠠ ᠶᠢᠨ ᠴᠢᠬᠢᠳᠦ ᠪᠠᠷᠢᠭᠠᠳᠠ ᠶᠢᠨ ᠬᠠᠨ ᠳ᠋ᠠᠰᠢ ᠪᠣᠯᠣᠨ | ᠵᠧᠦ ᠴᠦᠨ ᠬᠤᠸᠠ ᠬᠤᠶᠠᠭᠤᠯᠠ ᠪᠠᠨ ᠬᠤᠶᠠᠳᠠᠬᠢ ᠬᠦᠦ ᠪᠠᠨ ᠬᠦᠮᠦᠨ ᠤ ᠬᠤᠷᠸᠠ ᠳᠤ ᠲᠣᠰᠣᠨ ᠠᠪᠴᠢᠷᠠᠬᠰᠠᠨ | ᠪᠠᠶᠢᠨᠠ᠃ ᠡᠨᠡ ᠬᠦᠮᠦᠨ ᠪᠣᠯ ᠲᠠᠷᠣᠢ ᠬᠤᠷᠴᠢᠨ ᠪᠠᠷᠠᠭᠤᠨ ᠭᠠᠷᠣᠨ ᠲᠣᠮᠳᠠᠳᠣ ᠬᠤᠰᠢᠭᠤᠨ ᠤ ᠰᠤᠶᠤᠯ ᠤᠨ | ᠭᠡᠷ ᠤᠨ ᠲᠠᠷᠤᠭᠠ ᠬᠠᠨ ᠪᠣᠯᠠᠭ ᠨᠦᠬᠦᠷ ᠪᠣᠯᠣᠨᠠ᠃ | ︽ᠬᠠᠨ ᠪᠤᠯᠠᠬ ᠢ ᠲᠣᠯᠣᠭᠠᠨ ᠨᠠᠰᠦᠲᠠᠢ ᠴᠠᠭᠠᠨ ᠰᠠᠷᠠ ᠶᠢᠨ ᠰᠢᠨᠡ ᠶᠢᠨ ᠲᠦᠷᠪᠡᠨ ᠤ ᠰᠦᠨᠢ᠂ | ᠠᠯᠳᠠᠨᠬᠤᠸᠠ ᠬᠦᠩᠱᠧ ᠶᠢᠨ ᠬᠢᠨ ᠠᠴᠠ ᠨᠠᠮ ᠤᠨ ᠲᠦᠷᠦ ᠶᠢᠨ ᠪᠣᠳᠣᠯᠭᠠ ᠶᠢ ᠣᠬᠠᠭᠤᠯᠬᠤ ᠪᠠ ᠲᠣᠰ ᠵᠢᠯ ᠤᠨ | ᠡᠯᠪᠡᠭ ᠬᠤᠷᠢᠶᠠᠯᠳᠠ ᠪᠠᠨ ᠪᠡᠯᠭᠡᠯᠡᠬᠦ ᠭᠡᠵᠦ ᠠᠶᠢᠯ ᠲᠠᠷᠠᠭᠠᠯᠠᠨ ᠣᠷᠠᠨ ᠰᠠᠶᠢᠬᠠᠨ ᠤ ᠲᠣᠭᠯᠠᠯᠳᠠ ᠭᠠᠷᠭᠠᠬᠤ ᠪᠠᠷ | ᠪᠤᠯᠤᠯᠠ᠃ | ᠭᠠᠭ᠋ᠠᠢ ᠣᠰᠣᠯᠠᠬᠤ ᠨᠠᠷᠠᠨ ᠤ ᠦᠶᠡ ᠪᠠᠷ ᠲᠦᠷᠪᠡ ᠬᠦᠯᠯᠡᠭᠰᠡᠨ ᠮᠣᠷᠢᠨ ᠲᠡᠷᠭᠡ ᠨᠢᠭᠡ ᠲᠡᠷᠭᠡ ᠲᠠᠭᠤᠴᠢᠨ᠂ | ᠪᠦᠵᠢᠭᠴᠢᠨ ᠪᠠ ᠭᠦᠭᠵᠢᠮᠴᠢᠨ ᠠᠶᠢᠯ ᠤᠨ ᠪᠠᠷᠠᠭᠤᠨ ᠲᠠᠯᠠ ᠠᠴᠠ ᠭᠡᠩᠭᠡᠷᠭᠡ ᠪᠠᠨ ᠬᠦᠪᠴᠢᠵᠦ᠂ ᠬᠠᠷᠠᠩᠭᠠ ᠪᠠᠨ | ᠬᠠᠷᠴᠢᠬᠢᠨᠠᠭᠤᠯᠣᠭᠰᠠᠭᠠᠷ ᠶᠡᠭᠡ ᠪᠠᠷᠢᠭᠠᠳᠠ ᠶᠢᠨ ᠡᠬᠦᠳᠡᠨ ᠲᠡᠭᠡᠷᠡ ᠲᠣᠯᠵᠣ ᠢᠷᠡᠭᠰᠡᠨ ᠪᠠᠶᠢᠨᠠ᠃ ᠬᠠᠮᠤᠭ ᠠᠴᠠ | ᠡᠮᠦᠨᠡ ᠬᠦᠷᠴᠦ ᠬᠦᠯᠢᠶᠡᠭᠡᠳ ᠪᠠᠶᠢᠭᠰᠠᠨ ᠬᠠᠨ ᠪᠣᠯᠠᠭ ᠠᠴᠠ ᠬᠡᠳᠦᠨ ᠵᠢᠭᠠᠯ ᠨᠠᠶᠢᠵᠢ ᠶᠢᠨ ᠢᠶᠠᠨ ᠵᠦᠭ ᠬᠠᠨᠳᠣᠭᠠᠳ | ᠣᠷᠣᠭᠤᠯ ᠢᠶᠠᠨ ᠡᠷᠳᠡᠶᠢᠯᠭᠡᠵᠦ ᠠᠪᠣᠭᠠᠳ ᠶᠣᠰᠣᠳᠠᠢ ᠨᠠᠭᠠᠴᠣ ᠠᠪᠤ ᠪᠠᠨ ᠦᠵᠡᠭᠰᠡᠨ ᠠᠴᠠ ᠢᠯᠡᠬᠦᠦ ᠪᠠᠶᠠᠷᠯᠠᠯᠠ᠃ | ᠪᠠᠶᠠᠷ ᠤᠨ ᠲᠠᠭᠤᠨ ᠪᠦᠬᠦᠨ ᠢ ᠨᠢ ᠡᠪᠦᠯ ᠤᠨ ᠬᠦᠢᠳᠡᠨ ᠲᠡᠪᠡᠷᠢᠵᠣ ᠶᠡᠭᠡ ᠪᠠᠷᠢᠭᠠᠳᠠ ᠶᠢᠨ ᠬᠦᠷᠢᠶᠡ ᠪᠠᠶᠠᠷ ᠬᠦᠷ ᠢᠶᠠᠷ | ᠪᠢᠯᠬᠠᠵᠦ᠂ ᠬᠦᠮᠦᠰ ᠠᠮᠢᠰᠬᠤᠭᠠ ᠪᠠᠨ ᠲᠠᠷᠣᠭᠠᠳ ᠠᠩᠬᠠᠷᠣᠯ ᠢᠶᠠᠨ ᠲᠦᠪᠯᠡᠷᠡᠬᠦᠯᠦᠨ ᠰᠤᠨᠤᠰᠴᠦ᠂ ᠶᠠᠮᠠᠷ ᠨᠢᠭᠡᠨ | ᠲᠠᠭᠤᠣ ᠪᠣᠶᠣ ᠪᠦᠵᠢᠭ ᠡᠰᠡᠬᠦᠯᠡ ᠦᠯᠢᠭᠡᠷ ᠬᠤᠯᠪᠣᠭᠠ ᠲᠡᠬᠦᠰᠬᠦ ᠦᠶᠡ ᠳᠤ ᠠᠯᠢᠶᠠ ᠠᠯᠢᠶᠠ ᠪᠠᠭᠠ ᠬᠡᠦᠬᠡᠳ ᠨᠢᠬᠡᠨ | ᠨᠢᠭᠡᠨ ᠢᠶᠠᠨ ᠴᠢᠴᠢᠵᠦ ᠭᠤᠪᠢᠭᠠᠳ ᠠᠯᠢᠶᠠ ᠵᠠᠩ ᠢᠶᠠᠨ ᠭᠠᠷᠭᠠᠨᠠ᠂ ᠭᠡᠳᠡᠯᠡ ᠪᠠᠭᠠ ᠨᠠᠰᠣᠨ ᠤ ᠬᠠᠨ ᠪᠣᠯᠠᠭ ᠶᠠᠭ | ᠯᠡ ᠬᠠᠳᠠᠭᠠᠳ ᠲᠠᠯᠪᠢᠭᠰᠠᠨ ᠮᠡᠳᠣ ᠣᠷᠣᠨ ᠳᠤ ᠪᠠᠨ ᠰᠠᠭᠤᠭᠠᠳ ᠨᠢᠳᠣ ᠰᠠᠯᠭᠠᠯ ᠦᠭᠡᠢ ᠲᠠᠶᠢᠰᠠ ᠣᠷᠣᠭᠤ | ᠬᠠᠷᠠᠨᠠ᠃ ᠲᠡᠷᠡᠬᠦ ᠲᠠᠭᠤᠴᠢᠨ ᠪᠦᠵᠢᠭᠴᠢᠨ ᠡᠰᠡᠬᠦᠯᠡ ᠬᠦᠭᠵᠢᠮᠴᠢᠨ ᠨᠢ ᠶᠠᠭ ᠯᠡ ᠦᠪᠡᠷ ᠤᠨ ᠪᠡᠶᠡ ᠨᠢ ᠮᠡᠳᠣ | ᠰᠠᠨᠠᠭᠳᠠᠨᠠ︾ ᠭᠡᠵᠦ ᠬᠠᠨ ᠪᠤᠯᠠᠬ ᠠᠴᠠ ᠶᠠᠷᠢᠵᠦ ᠪᠠᠶᠢᠯᠠ᠃ | ᠪᠢᠴᠢᠬᠠᠨ ᠬᠠᠨ ᠪᠣᠯᠠᠭ ᠲᠤᠰ ᠲᠤᠬᠯᠠᠯᠲᠠ ᠶᠢ ᠰᠤᠨᠢᠷᠬᠠᠵᠦ ᠪᠠᠷᠠᠬᠰᠠᠨ ᠤ ᠳᠠᠷᠠᠭᠠ ᠨᠢᠭᠡᠯᠬᠡᠨ ᠲᠣᠣᠷᠠ | ᠦᠭᠡᠷᠡ ᠬᠦᠮᠦᠨ ᠪᠤᠯᠵᠦ ᠬᠤᠪᠢᠷᠠᠬᠰᠠᠨ ᠮᠡᠲᠦ ᠪᠤᠯᠪᠠ᠃ ᠲᠡᠷᠡ ᠡᠳᠦᠷᠵᠢᠨ ᠨᠢᠭᠡᠨ ᠬᠤᠷᠣᠭᠤ ᠪᠦᠳᠦᠬᠦᠨ ᠮᠣᠳᠣ ᠶᠢ | ᠣᠯᠵᠣ ᠠᠪᠣᠭᠠᠳ ᠲᠡᠬᠦᠨ ᠠᠴᠠ ᠪᠠᠨ ᠨᠠᠷᠢᠬᠠᠨ ᠲᠡᠭᠡᠷᠡ ᠪᠠᠨ ᠣᠬᠤᠷ ᠮᠣᠳᠣ ᠪᠠᠷ ᠬᠢᠷᠦᠭᠡᠳᠡᠨ ᠰᠠᠭᠤᠬᠤ ᠪᠣᠯᠪᠠ᠃ | ᠬᠢᠷᠦᠭᠡᠳᠡᠵᠦ ᠬᠢᠷᠦᠭᠡᠳᠡᠬᠦ ᠳᠤ ᠪᠠᠨ ᠲᠡᠷᠡ ᠣᠷᠣᠢ ᠶᠢᠨ ᠠᠪᠠᠭᠠ ᠨᠠᠷ ᠢᠶᠠᠨ ᠲᠠᠭᠤᠷᠢᠶᠠᠵᠣ ᠨᠠᠭᠠᠰᠢ ᠴᠠᠭᠠᠰᠢ ᠰᠠᠵᠢᠯᠠᠨ | ᠬᠦᠳᠡᠯᠬᠦ ᠪᠣᠯᠣᠭᠰᠠᠨ ᠢᠶᠠᠷ ᠪᠠᠷᠠᠬᠤ ᠦᠭᠡᠢ ᠠᠮᠠᠨ ᠲᠣᠳᠣᠷᠠ ᠪᠠᠨ ᠶᠠᠮᠠᠷ ᠨᠢᠭᠡᠨ ᠲᠠᠭᠤᠣ ᠪᠣᠶᠣ ᠬᠤᠯᠪᠣᠭᠠ ᠶᠢ | ᠣᠪᠣᠷ ᠲᠣᠪᠣᠷ ᠣᠩᠰᠢᠵᠣ ᠪᠠᠶᠢᠯᠠ᠃ ᠣᠳᠠᠵᠣ ᠣᠳᠠᠵᠣ ᠢᠷᠡᠬᠦ ᠳᠤ ᠣᠳᠠᠰᠣ ᠦᠭᠡᠢ ᠬᠤᠭᠤᠷ ᠪᠣᠯᠣᠨ ᠨᠣᠮᠣ ᠨᠢ | ᠲᠡᠬᠦᠨ ᠤ ᠬᠦᠰᠡᠯ ᠰᠢᠨᠣᠯ ᠢ ᠬᠠᠩᠭᠠᠵᠣ ᠲᠡᠶᠢᠯᠬᠦ ᠦᠭᠡᠢ ᠪᠣᠯᠪᠠ᠃ ᠲᠡᠭᠡᠭᠡᠳ ᠨᠢᠭᠡ ᠡᠳᠦᠷ ᠡᠵᠢ ᠠᠪᠤ ᠪᠠᠨ ᠬᠡᠭᠡᠷᠡ | ᠭᠠᠷᠣᠭᠰᠠᠨ ᠪᠠᠷ ︽ᠬᠤᠭᠤᠷ ᠤᠨ ᠣᠳᠠᠰᠣ︾ ᠪᠣᠯᠣᠨ ︽ᠨᠣᠮᠣ ᠶᠢᠨ ᠬᠦᠪᠴᠢ︾ ᠪᠣᠯᠭᠠᠨ ᠲᠠᠳᠠᠵᠣ ᠲᠠᠳᠠᠭᠠᠳ᠂ | ᠬᠤᠭᠤᠷᠳᠠᠵᠣ ᠬᠤᠭᠤᠷᠳᠠᠭᠠᠳ ᠪᠠᠰᠠ ᠰᠡᠳᠬᠢᠯ ᠰᠠᠨᠠᠭᠠᠨ ᠳᠤ ᠨᠢ ᠬᠦᠷᠴᠦ ᠦᠭᠬᠦ ᠦᠭᠡᠢ ᠪᠣᠯᠪᠠ᠃ ᠲᠡᠬᠦᠨ ᠤ | ᠰᠡᠳᠬᠢᠯ ᠰᠠᠨᠠᠭᠠᠨ ᠲᠣᠳᠣᠷᠠ ᠨᠢ ᠬᠠᠷᠠᠭᠳᠠᠭᠠᠳ ᠪᠠᠶᠢᠳᠠᠭ ᠨᠢ ᠴᠠᠭᠠᠨ ᠰᠠᠷᠠ ᠶᠢᠨ ᠰᠢᠨᠡ ᠶᠢᠨ ᠲᠦᠷᠪᠡᠨ ᠤ | ᠣᠷᠣᠢ ᠶᠢᠨ ᠬᠤᠭᠤᠷᠴᠢᠨ ᠠᠪᠠᠭᠠ ᠶᠢᠨ ᠬᠢᠨᠢ ᠬᠡᠯᠡᠳᠡᠭ ᠬᠦᠢᠯᠡᠰᠦᠨ ᠮᠣᠳᠣᠨ ᠲᠣᠯᠣᠭᠠᠢ᠂ ᠮᠠᠩ ᠮᠣᠭᠠᠢ ᠶᠢᠨ | ᠠᠷᠠᠰᠣ ᠶᠢᠨ ᠪᠦᠷᠢᠶᠡᠰᠦ᠂ ᠶᠣᠩᠬᠤᠷ ᠣᠳᠠᠰᠣ᠂ ᠬᠢᠯᠭᠠᠰᠣᠨ ᠬᠦᠪᠴᠢ᠂ ᠶᠠᠰᠢᠯ ᠤᠨ ᠮᠣᠳᠣᠨ ᠲᠦᠷᠪᠡᠨ ᠴᠢᠬᠢ ᠁ | | ᠵᠡᠬᠦᠨ ᠠᠶᠢᠯ ᠳᠤ ᠪᠠᠶᠢᠭᠠ ᠨᠠᠭᠠᠴᠣ ᠠᠪᠤ ᠶᠢᠨ ᠬᠤᠭᠤᠷ ᠢ ᠨᠢ ᠣᠯᠵᠣ ᠢᠷᠡᠶᠡ᠃ ᠬᠤᠵᠢᠮ ᠲᠣᠮᠣ ᠪᠣᠯᠪᠠᠯ | ᠨᠠᠮᠠ ᠳᠤ ᠦᠭᠬᠦ ᠪᠠᠶᠢᠳᠠᠯ ᠲᠠᠢ ᠠᠪᠤ ᠲᠠᠢ ᠵᠣᠭᠤᠭᠳᠠᠵᠣ ᠪᠠᠶᠢᠭᠰᠠᠨ ᠭᠡᠵᠦ ᠶᠢᠰᠦᠨ ᠨᠠᠰᠣ ᠲᠠᠢ ᠬᠠᠨ ᠪᠣᠯᠠᠭ | ᠪᠣᠳᠣᠵᠣ ᠣᠯᠬᠤ ᠲᠠᠢ ᠵᠡᠷᠭᠡ ᠡᠬᠦᠷᠴᠦ ᠪᠠᠶᠢᠭᠰᠠᠨ ᠪᠣᠭᠴᠣ ᠪᠠᠨ ᠴᠦ ᠲᠠᠯᠪᠢᠭᠰᠠᠨ ᠦᠭᠡᠢ ᠪᠠᠷ ᠵᠡᠬᠦᠨ ᠠᠶᠢᠯ | ᠣᠷᠣᠭᠤ ᠭᠠᠷᠣᠭᠠᠳ ᠬᠦᠳᠡᠯᠪᠡ᠃ ᠨᠠᠭᠠᠴᠣ ᠠᠪᠤ ᠶᠢᠨ ᠬᠢᠨ ᠭᠡᠷ ᠲᠤ ᠨᠢ ᠬᠦᠮᠦᠨ ᠪᠠᠶᠢᠭᠰᠠᠨ ᠦᠭᠡᠢ ᠪᠠᠶᠢᠳᠠᠯ ᠳᠤ᠂ | ᠠᠪᠣᠭᠠᠳ ᠶᠠᠪᠤᠬᠤ ᠦᠦ︖ ᠦᠭᠡᠢ ᠦᠦ ᠭᠡᠵᠦ ᠪᠢᠴᠢᠬᠠᠨ ᠬᠠᠨ ᠪᠣᠯᠠᠭ ᠦᠵᠡᠯ ᠰᠠᠨᠠᠭᠠᠨ ᠤ ᠪᠠᠨ ᠲᠡᠮᠡᠴᠡᠯ ᠳᠤ | ᠦᠬᠦᠳᠡᠯᠡ ᠪᠠᠷᠢᠬᠳᠠᠵᠦ᠂ ᠬᠡᠳᠣ ᠣᠳᠠᠭᠠ ᠬᠠᠨᠵᠣᠨ ᠲᠡᠭᠡᠷᠡ ᠨᠢ ᠭᠠᠷᠣᠭᠠᠳ ᠬᠤᠭᠤᠷ ᠢ ᠨᠢ ᠪᠠᠭᠤᠯᠭᠠᠵᠣ ᠠᠪᠬᠤ | ᠭᠡᠪᠡᠯ ᠬᠤᠯᠠᠭᠠᠶᠢᠴᠢ ᠪᠣᠯᠬᠤ ᠠᠴᠠ ᠪᠠᠨ ᠠᠶᠣᠭᠠᠳ ᠭᠠᠷ ᠬᠦᠯ ᠢᠶᠠᠨ ᠲᠠᠳᠠᠴᠢᠬᠠᠨᠠ᠃ ᠬᠤᠶᠢᠰᠢ ᠪᠠᠨ ᠬᠤᠶᠠᠷ | ᠠᠯᠬᠤᠮ ᠣᠬᠤᠷᠢᠬᠤ ᠦᠭᠡᠢ ᠲᠡᠷᠡᠬᠦ ᠡᠷᠳᠡᠨᠢ ᠶᠢᠨ ᠬᠤᠭᠤᠷ ᠨᠢ ︽ᠨᠠᠮᠠ ᠶᠢ ᠠᠪᠣᠭᠠᠳ ᠶᠠᠪᠤ ᠡ︾ ᠭᠡᠵᠦ ᠬᠡᠯᠡᠵᠣ | ᠪᠠᠶᠢᠮᠠᠷ ᠰᠠᠨᠠᠭᠳᠠᠨᠠ ᠁ ᠲᠡᠭᠡᠵᠦ ᠣᠳᠠᠵᠣ ᠣᠳᠠᠭᠠᠳ ᠶᠠᠭᠠᠬᠢᠬᠤ ᠶᠢᠨ ᠠᠷᠭᠠ ᠦᠭᠡᠢ ᠪᠣᠯᠬᠤ ᠳᠤ ᠪᠠᠨ ᠪᠢᠷ | ᠴᠠᠭᠠᠰᠦ ᠭᠠᠷᠭᠠᠵᠦ ︽ᠨᠠᠭᠠᠴᠣ ᠠᠪᠤ ᠡ᠂ ᠪᠢ ᠬᠤᠭᠤᠷ ᠢ ᠴᠢᠨᠢ ᠠᠪᠣᠭᠠᠳ ᠶᠠᠪᠣᠯᠠ᠃ ᠬᠠᠨ ᠪᠣᠯᠠᠭ ᠠᠴᠠ︾ | ᠭᠡᠵᠦ ᠪᠢᠴᠢᠬᠦ ᠲᠠᠢ ᠵᠡᠷᠭᠡ ᠡᠷᠳᠡᠨᠢ ᠶᠢᠨ ᠬᠤᠭᠤᠷ ᠢ ᠨᠢ ᠪᠠᠭᠤᠯᠭᠠᠵᠣ ᠠᠪᠣᠭᠠᠳ ᠭᠡᠷ ᠵᠦᠭ ᠢᠶᠠᠨ ᠭᠦᠶᠦᠯᠡ᠃ ᠬᠠᠨ | ᠪᠤᠯᠠᠬ ᠲᠡᠭᠡᠭᠡᠳ ᠯᠡ ᠡᠨᠡᠬᠦ ᠬᠤᠭᠤᠷ ᠢᠶᠠᠷ ᠬᠦᠭᠵᠢᠮᠴᠢᠨ ᠪᠣᠯᠬᠤ ᠵᠠᠮ ᠳᠤ ᠪᠠᠨ ᠣᠷᠣᠭᠰᠠᠨ ᠶᠤᠮ ᠡ᠃ | ᠰᠠᠨᠠᠵᠣ ᠶᠠᠪᠣᠪᠠᠯ ᠪᠦᠳᠦᠨᠠ ᠰᠠᠵᠢᠯᠠᠵᠣ ᠶᠠᠪᠣᠭᠠᠳ ᠬᠦᠷᠦᠨᠡ | ᠬᠠᠨ ᠪᠤᠯᠠᠬ ᠲᠡᠷᠡᠬᠦ ᠡᠷᠳᠡᠨᠢ ᠶᠢᠨ ᠬᠤᠭᠤᠷ ᠢ ᠠᠪᠠᠴᠢᠭᠰᠠᠨ ᠤ ᠰᠡᠬᠦᠯᠡᠷ ᠰᠦᠨᠢ ᠡᠳᠦᠷ ᠦᠭᠡᠢ ᠬᠤᠭᠤᠷᠳᠠᠨ | ᠰᠠᠭᠤᠬᠤ ᠪᠣᠯᠪᠠ᠃ ᠭᠡᠷ ᠲᠣᠳᠣᠷᠠ ᠬᠤᠭᠤᠷᠳᠠᠬᠤ ᠳᠤ ᠵᠠᠷᠢᠮ ᠳᠤ ᠪᠠᠨ ᠡᠵᠢ ᠠᠪᠤ ᠶᠢᠨ ᠦᠯᠢᠭᠡᠷ ᠰᠣᠨᠣᠰᠬᠤ ᠶᠢ ᠨᠢ | ᠬᠠᠷᠰᠢᠯᠠᠨᠠ᠂ ᠪᠠᠰᠠ ᠵᠠᠷᠢᠮ ᠳᠤ ᠪᠠᠨ ᠲᠣᠮᠣᠴᠣᠣᠯ ᠤᠨ ᠵᠣᠭᠤᠭ ᠲᠡᠯᠭᠡᠬᠦ ᠶᠢ ᠬᠠᠷᠰᠢᠯᠠᠬᠤ ᠲᠣᠯᠠ ᠵᠣᠨ ᠳᠤ ᠪᠠᠨ | ᠪᠣᠯᠪᠠᠯ ᠬᠠᠰᠢᠶᠠᠨ ᠲᠣᠳᠣᠷᠠ ᠪᠠᠨ ᠰᠠᠭᠤᠵᠣ ᠬᠤᠭᠤᠷᠳᠠᠵᠦ᠂ ᠡᠪᠦᠯ ᠳᠤ ᠪᠠᠨ ᠪᠣᠯᠪᠠᠯ ᠦᠪᠤᠡᠭ ᠭᠡᠷ ᠲᠤ ᠪᠠᠨ | ᠰᠠᠭᠤᠵᠣ ᠬᠤᠭᠤᠷᠳᠠᠵᠦ ᠪᠠᠶᠢᠵᠠᠢ᠃ ᠰᠠᠶ᠋ᠢ ᠰᠣᠷᠴᠣ ᠪᠠᠶᠢᠬᠤ ᠦᠶᠡ ᠳᠤ ᠠᠶᠠ ᠲᠠᠭᠤᠣ ᠶᠢ ᠴᠦ ᠭᠠᠷᠭᠠᠵᠦ ᠳᠡᠶᠢᠯᠬᠦ | ᠦᠭᠡᠢ᠂ ᠭᠡᠪᠡᠴᠦ ᠬᠦᠭᠵᠢᠮᠴᠢᠨ ᠪᠣᠯᠬᠤ ᠬᠦᠰᠡᠯ ᠢᠶᠠᠨ ᠡᠪᠤᠷᠯᠡᠨ ᠲᠡᠰᠪᠦᠷᠢ ᠰᠢᠷᠭᠠᠭᠤ ᠪᠠᠷ ᠵᠢᠯ ᠭᠠᠷᠣᠢ ᠶᠢᠨ | ᠬᠤᠭᠤᠴᠠᠭᠠ ᠶᠢ ᠦᠩᠭᠡᠷᠡᠭᠡᠭᠡᠳ ᠰᠠᠶ᠋ᠢ ᠠᠶᠠ ᠰᠢᠭ᠋ ᠶᠠᠭᠤᠮᠠ ᠭᠠᠷᠭᠠᠵᠦ ᠴᠢᠳᠠᠬᠤ ᠪᠤᠯᠵᠠᠢ᠃ | ᠬᠠᠨ ᠪᠣᠯᠠᠭ ᠠᠬᠠ ᠲᠡᠬᠦᠦ ᠡᠭᠡᠴᠢ ᠲᠡᠬᠦᠦ ᠣᠯᠠᠨ ᠪᠣᠯᠬᠤᠷ ᠠᠩᠬᠠ ᠲᠣᠮᠳᠠᠳᠣ ᠶᠢᠨ ᠬᠤᠶᠠᠳᠣᠭᠠᠷ ᠣᠨ | ᠪᠠᠶᠢᠬᠤ ᠳᠤ ᠪᠠᠨ ᠰᠣᠷᠣᠯᠭᠠ ᠪᠠᠨ ᠵᠣᠭᠰᠣᠯᠠ᠃ ᠭᠡᠰᠡᠨ ᠴᠦ ᠡᠨᠡ ᠦᠶᠡ ᠳᠤ ᠠᠷᠪᠠᠨ ᠵᠢᠷᠭᠤᠭᠠᠨ ᠨᠠᠰᠣᠯᠠᠭᠰᠠᠨ | ᠲᠡᠷᠡ ᠪᠠᠷ ᠨᠢᠭᠡᠨᠳᠡ ᠠᠶᠢᠯ ᠣᠰᠣᠨ ᠳᠤ ᠪᠠᠨ ᠴᠢᠨᠠᠭᠰᠢᠯᠠᠨ ᠭᠦᠩᠱᠧ ᠳᠤ ᠪᠠᠨ ︽ᠨᠡᠷᠡ ᠲᠠᠢ︾ ᠲᠠᠭᠤᠴᠢᠨ ᠪᠣᠶᠣ | ᠬᠦᠭᠵᠢᠮᠴᠢᠨ ᠪᠣᠯᠣᠭᠰᠠᠨ ᠪᠠᠶᠢᠨᠠ᠃ ᠬᠤᠷᠢᠮ ᠨᠠᠶᠢᠷ ᠪᠠᠶᠠᠷ ᠲᠤᠷᠠᠰᠬᠠᠯ ᠤᠨ ᠡᠳᠤᠷ ᠪᠣᠯᠪᠠᠯ ᠣᠷᠢᠭᠳᠠᠨ ᠣᠴᠢᠭᠠᠳ | ᠠᠷᠠᠳ ᠤᠨ ᠲᠠᠭᠤᠣ ᠳᠠᠭᠤᠯᠠᠬᠤ ᠪᠤᠶᠤ ᠬᠤᠭᠤᠷ ᠲᠠᠷᠣᠵᠣ ᠬᠦᠭᠵᠢᠮ ᠬᠦᠭᠵᠢᠮᠳᠡᠵᠦ᠂ ᠦᠵᠡᠭᠴᠢᠳ ᠣᠯᠠᠨ ᠤ | ᠪᠠᠭ᠋ᠠᠷᠬᠠᠯ ᠪᠠ ᠬᠦᠷᠢᠶᠡᠯᠡᠯ ᠢ ᠣᠯᠣᠭᠰᠠᠨ ᠪᠠᠶᠢᠨᠠ᠃ ᠢᠡᠭᠬᠢᠵᠦ ᠯᠡ ᠴᠢᠷᠮᠠᠶᠢᠵᠦ ᠶᠠᠪᠤᠬᠰᠠᠭᠠᠷ ᠠᠯᠳᠠᠨᠬᠤᠸᠠ | ᠭᠦᠩᠱᠧ ᠶᠢᠨ ᠬᠤᠶᠠᠷ ᠣᠳᠠᠭᠠ ᠶᠢᠨ ᠲᠠᠭᠤᠣ ᠶᠢᠨ ᠣᠷᠣᠯᠳᠣᠭᠠᠨ ᠳᠤ ᠲᠡᠷᠢᠭᠦᠯᠡᠵᠦ᠂ ᠬᠤᠵᠢᠮ ᠨᠢ ᠵᠠᠯᠠᠶᠢᠳ | ᠬᠤᠰᠢᠭᠤᠨ ᠤ ᠣᠯᠠᠭᠠᠨᠮᠦ᠋ᠴᠢᠷ ᠲᠤ ᠣᠷᠢᠭᠳᠠᠨ ᠣᠴᠢᠭᠠᠳ ᠭᠤᠣᠯ ᠲᠠᠭᠤᠴᠢᠨ ᠪᠣᠶᠣ ᠬᠦᠭᠵᠢᠮᠴᠢᠨ ᠤ ᠡᠬᠦᠷᠭᠡ ᠶᠢ | ᠡᠭᠦᠷᠭᠡᠯᠡᠭᠰᠡᠨ ᠪᠠᠶᠢᠨᠠ᠃ | 1985 ᠣᠨ ᠤ 5 ᠰᠠᠷᠠ ᠶᠢᠨ 1 ᠤ ᠲᠡᠯᠡᠬᠡᠢ ᠶᠢᠨ ᠬᠦᠳᠡᠯᠮᠦᠷᠢᠴᠢᠳ ᠤᠨ ᠪᠠᠶᠠᠷ ᠤᠨ ᠡᠳᠦᠷ᠂ ᠬᠢᠩᠭᠠᠨ | ᠠᠶᠢᠮᠠᠭ ᠠᠴᠠ ᠪᠠᠶᠠᠷ ᠤᠨ ᠡᠳᠦᠷ ᠢᠶᠠᠨ ᠪᠡᠯᠭᠡᠯᠡᠬᠦ ᠪᠠ ᠠᠶᠢᠮᠠᠭ ᠤᠨ ᠳᠡᠰ ᠤᠨ ︽ᠬᠦᠳᠡᠯᠮᠦᠷᠢ ᠶᠢᠨ ᠵᠢᠱᠢᠶᠡᠴᠢ︾ | ᠪᠠᠨ ᠱᠠᠩᠨᠠᠨ ᠬᠦᠬᠢᠬᠦᠯᠬᠦ ᠭᠡᠵᠦ ᠡᠯᠡ ᠬᠤᠰᠢᠭᠤᠨ ᠤ ᠣᠯᠠᠭᠠᠨᠮᠦ᠋ᠴᠢᠷ ᠢ ᠣᠯᠠᠭᠠᠨᠬᠤᠳᠠ ᠳᠤ ᠣᠷᠠᠨ ᠰᠠᠶᠢᠬᠠᠨ ᠤ | ᠲᠣᠭᠯᠠᠯᠳᠠ ᠭᠠᠷᠭᠠᠬᠤ ᠪᠠᠷ ᠪᠣᠯᠵᠠᠢ᠃ ᠵᠠᠯᠠᠭᠤ ᠲᠠᠭᠤᠴᠢᠨ ᠲᠡᠭᠡᠷᠡ ᠪᠠᠨ ᠬᠦᠭᠵᠢᠮᠴᠢᠨ ᠬᠠᠨ ᠪᠣᠯᠠᠭ ᠨᠦᠬᠦᠷ | ᠰᠡᠳᠬᠢᠯ ᠲᠦᠭᠦᠷᠡᠩ ᠢᠳᠡᠭᠡᠯ ᠵᠣᠷᠢᠭ ᠡᠪᠦᠷᠯᠡᠭᠰᠡᠭᠡᠷ ᠠᠩᠬᠠ ᠣᠳᠠᠭᠠ ᠣᠯᠠᠭᠠᠨᠬᠤᠳᠠ ᠶᠢᠨ ᠣᠯᠠᠭᠠᠨ ᠰᠢᠷᠦᠢ | ᠨᠣᠭᠤᠭᠠᠨ ᠡᠪᠡᠰᠦᠨ ᠲᠡᠭᠡᠷᠡ ᠬᠦᠯ ᠬᠢᠰᠬᠢᠵᠡᠢ᠃ | ᠲᠤᠬᠯᠠᠯᠲᠠ ᠨᠢ ᠲᠤᠬᠳᠠᠬᠰᠠᠨ ᠴᠠᠬ ᠲᠤ ᠪᠠᠨ ᠶᠠᠪᠤᠬᠳᠠᠵᠦ᠂ ᠰᠢᠨᠡ ᠰᠢᠨᠡ ᠲᠠᠭᠤᠴᠢᠨ ᠬᠦᠭᠵᠢᠮᠴᠢᠳ ᠨᠢ | ᠦᠵᠡᠭᠴᠢᠳ ᠤᠨ ᠠᠩᠬᠠᠷᠣᠯ ᠢ ᠶᠡᠬᠡᠳᠡ ᠲᠠᠳᠠᠵᠣ ᠪᠠᠶᠢᠯᠠ᠃ ᠭᠡᠪᠡᠴᠦ ᠣᠯᠠᠨ ᠤ ᠳᠤᠮᠳᠠ ᠲᠣᠮᠳᠠᠳᠣ ᠬᠤᠰᠢᠭᠤᠨ ᠤ | ᠣᠯᠠᠭᠠᠨᠮᠦ᠋ᠴᠢᠷ ᠤᠨ ᠪᠦᠯᠬᠦᠮ ᠤᠨ ᠲᠠᠷᠤᠭᠠ ᠵᠠᠩ ᠴᠢᠦᠸᠠᠨ ᠨᠦᠬᠦᠷ ᠤᠨ ᠠᠩᠬᠠᠷᠣᠯ ᠢ ᠲᠠᠳᠠᠭᠰᠠᠨ ᠬᠦᠮᠦᠨ ᠪᠣᠯ | ᠵᠠᠯᠠᠭᠤ ᠲᠠᠭᠤᠴᠢᠨ ᠲᠡᠭᠡᠷᠡ ᠪᠠᠨ ᠬᠦᠭᠵᠢᠮᠴᠢᠨ ᠬᠠᠨ ᠪᠣᠯᠠᠭ ᠨᠦᠬᠦᠷ ᠪᠣᠯᠣᠨᠠ᠃ ᠲᠡᠭᠡᠬᠦ ᠪᠠᠷ ᠨᠢ ᠵᠠᠩ ᠴᠢᠦᠸᠠᠨ | ᠨᠦᠬᠦᠷ ᠠᠴᠠ ᠬᠠᠨ ᠪᠣᠯᠠᠭ ᠨᠦᠬᠦᠷ ᠢ ᠰᠠᠶᠢᠬᠠᠨ ᠵᠢᠭᠠᠨ ᠵᠢᠯᠣᠭᠤᠳᠴᠣ᠂ ᠰᠣᠷᠭᠠᠨ ᠬᠦᠮᠦᠵᠢᠬᠦᠯᠪᠡᠯ ᠬᠤᠵᠢᠮ | ᠶᠣᠰᠣᠳᠠᠢ ᠨᠢᠭᠡᠨ ᠠᠷᠠᠳ ᠤᠨ ᠣᠷᠠᠯᠢᠭᠴᠢᠨ ᠪᠣᠯᠵᠣ ᠴᠢᠳᠠᠨᠠ ᠭᠡᠵᠦ ᠦᠪᠡᠷ ᠤᠨ ᠡᠷᠬᠡ ᠦᠭᠡᠢ ᠠᠮᠠᠨ ᠳᠤ ᠪᠠᠨ | ᠲᠦᠳᠦᠨᠡᠭᠡᠳ ᠲᠠᠶᠢᠰᠠᠨ ᠤ ᠠᠷᠣ ᠠᠴᠠ ᠬᠠᠨ ᠪᠣᠯᠠᠭ ᠨᠦᠬᠦᠷ ᠢ ᠰᠡᠮᠡᠬᠡᠷ ᠡᠷᠢᠨ ᠤᠴᠢᠵᠦ᠂ ᠵᠠᠩ ᠴᠢᠦᠸᠠᠨ | ᠨᠦᠬᠦᠷ ᠠᠴᠠ ᠬᠠᠨ ᠪᠣᠯᠠᠭ ᠲᠠᠢ ᠠᠭᠤᠯᠵᠠᠮᠠᠭᠴᠠ ︽ᠬᠡᠷᠪᠡ ᠬᠢᠭᠡᠳ ᠲᠠ ᠮᠠᠨ ᠤ ᠲᠣᠮᠳᠠᠳᠣ ᠬᠤᠰᠢᠭᠤᠨ ᠤ | ᠣᠯᠠᠭᠠᠨᠮᠦ᠋ᠴᠢᠷ ᠲᠤ ᠬᠦᠷᠴᠦ ᠠᠵᠢᠯᠯᠠᠪᠠᠯ ᠶᠣᠰᠣᠳᠠᠢ ᠴᠢᠨᠦᠬᠢ ᠠᠪᠢᠶᠠᠰ ᠪᠢᠯᠢᠭ ᠢ ᠪᠠᠳᠠᠷᠠᠭᠤᠯᠵᠣ ᠴᠢᠳᠠᠬᠤ ᠪᠠᠷ | ᠪᠠᠷᠠᠬᠤ ᠦᠭᠡᠢ ᠴᠢᠮᠠ ᠶᠢ ᠬᠦᠮᠦᠵᠢᠬᠦᠯᠵᠦ ᠬᠦᠰᠠᠯ ᠵᠣᠷᠢᠯᠳᠠ ᠶᠢ ᠴᠢᠨᠢ ᠪᠡᠶᠡᠯᠡᠬᠦᠯᠵᠦ ᠲᠡᠶᠢᠯᠦᠨᠡ︾ ᠭᠡᠵᠦ ᠲᠦᠬᠦᠮ | ᠲᠦᠳᠡ ᠪᠣᠯᠪᠠᠴᠣ ᠢᠳᠡᠭᠡᠯ ᠵᠣᠷᠢᠭ ᠲᠠᠢ ᠬᠡᠯᠡᠭᠡᠳ ︽ᠮᠠᠨ ᠤ ᠲᠡᠨᠳᠡ ᠬᠦᠷᠴᠦ ᠠᠵᠢᠯᠯᠠᠬᠤ ᠲᠡᠭᠡᠷᠡ ᠲᠣᠯᠪᠠᠯ | ᠨᠠᠮᠠ ᠶᠢ ᠡᠷᠢᠵᠣ ᠣᠴᠢᠭᠠᠷᠠᠢ︾ ᠭᠡᠵᠦ ᠬᠡᠯᠡᠭᠰᠡᠨ ᠪᠠᠶᠢᠨᠠ᠃ ᠲᠡᠭᠡᠭᠡᠳ ᠲᠡᠷᠡ 6 ᠰᠠᠷᠠ ᠳᠤ ᠨᠢ ᠲᠣᠮᠳᠠᠳᠣ | ᠬᠤᠰᠢᠭᠤᠨ ᠤ ᠣᠯᠠᠭᠠᠨᠮᠦ᠋ᠴᠢᠷ ᠤᠨ ᠵᠠᠩ ᠴᠢᠦᠸᠠᠨ ᠨᠦᠬᠦᠷ ᠢ ᠡᠷᠢᠵᠣ ᠤᠴᠢᠬᠰᠠᠨ ᠪᠠᠶᠢᠨᠠ᠂ ᠤᠴᠢᠬᠰᠠᠨ ᠤ | ᠲᠠᠷᠣᠢ ᠳᠤ ᠬᠠᠨ ᠪᠤᠯᠠᠬ ᠢ ᠲᠦᠩᠯᠢᠶᠣᠣ ᠬᠤᠳᠠ ᠶᠢᠨ ᠣᠷᠠᠯᠢᠭ ᠤᠨ ᠰᠣᠷᠭᠠᠭᠤᠯᠢ ᠳᠤ ᠡᠷᠳᠡᠮ ᠮᠡᠳᠡᠯᠭᠡ | ᠰᠣᠷᠬᠤ ᠪᠠᠷ ᠶᠠᠪᠣᠭᠤᠯᠵᠦ᠂ ᠲᠡᠭᠦᠨ ᠤ ᠲᠠᠭᠤᠴᠢᠨ ᠪᠣᠶᠣ ᠠᠷᠠᠳ ᠤᠨ ᠬᠦᠭᠵᠢᠮᠴᠢᠨ ᠪᠣᠯᠬᠤ ᠠᠩᠬᠠᠨ ᠤ ᠵᠠᠮ ᠢ | ᠡᠯᠬᠦᠭᠰᠡᠨ ᠶᠠᠪᠣᠳᠠᠯ ᠪᠣᠯᠣᠨᠠ᠃ | ᠲᠡᠭᠡᠷᠡ ᠵᠠᠭᠤᠨ ᠤ ᠨᠠᠶᠠᠭᠠᠳ ᠣᠨ ᠤ ᠰᠡᠬᠦᠯᠴᠢ ᠶᠡᠷᠡᠭᠡᠳ ᠣᠨ ᠤ ᠡᠬᠢ ᠪᠠᠷ ︽ᠲᠠᠯᠠᠢ ᠳᠤ ᠣᠷᠣᠬᠤ︾ | ᠬᠠᠯᠠᠮᠰᠢᠯ ᠣᠷᠣᠰᠬᠠᠯ ᠣᠳᠬᠠ ᠣᠷᠠᠯᠢᠭ ᠤᠨ ᠬᠦᠷᠢᠶᠡ ᠴᠠᠷᠠ ᠶᠢ ᠪᠠᠰᠠ ᠬᠤᠶᠢᠯᠠᠷᠠᠳᠠᠯᠠ ᠰᠢᠯᠪᠢᠭᠦᠷᠳᠡᠵᠡᠢ᠃ | ᠲᠡᠭᠡᠬᠦ ᠳᠤ ᠲᠣᠮᠳᠠᠳᠣ ᠬᠤᠰᠢᠭᠤᠨ ᠤ ᠣᠯᠠᠭᠠᠨᠮᠦ᠋ᠴᠢᠷ ᠤᠨ ᠬᠢᠨᠢ ᠪᠠᠰᠠ ᠡᠨᠡᠬᠦ ᠣᠷᠣᠰᠬᠠᠯ ᠳᠤ ᠬᠤᠮᠢᠭᠳᠠᠨ | ᠣᠷᠣᠬᠤ ᠳᠤ ᠣᠯᠠᠩᠬᠢ ᠲᠠᠭᠤᠴᠢᠨ ᠬᠦᠭᠵᠢᠮᠴᠢᠳ ᠵᠦᠭ ᠵᠦᠭ ᠲᠤ ᠪᠠᠨ ᠪᠣᠳᠠᠷᠠᠵᠠᠢ᠃ ᠭᠡᠪᠡᠴᠦ ᠬᠠᠨ ᠪᠣᠯᠠᠭ ︽ | ᠲᠠᠯᠠ ᠨᠣᠳᠤᠭ ᠤᠨ ᠬᠦᠩᠭᠡᠨ ᠮᠣᠷᠢᠳᠣ ᠴᠡᠷᠢᠭ ᠤᠨ ᠵᠢᠭᠰᠠᠭᠠᠯ︾ ᠢᠶᠠᠨ ᠰᠢᠳᠣᠷᠭᠤ ᠰᠡᠳᠬᠢᠯ᠂ ᠦᠨᠡᠨ | ᠬᠠᠶᠢᠷᠠ ᠪᠠᠷ ᠢᠶᠠᠨ ᠪᠠᠳᠣ ᠰᠠᠬᠢᠵᠦ ᠦᠯᠡᠳᠡᠭᠰᠡᠨ ᠶᠤᠮ᠃ ᠬᠤᠵᠢᠮ ᠨᠢ ᠠᠶᠢᠮᠠᠭ ᠤᠨ ᠣᠯᠠᠭᠠᠨᠮᠦ᠋ᠴᠢᠷ ᠤᠨ ᠨᠡᠷᠡᠳᠣ | ᠬᠦᠭᠵᠢᠮᠴᠢᠨ ᠠᠭᠤᠯᠠ ᠪᠠᠭᠰᠢ ᠶᠢᠨ ᠵᠤᠷᠢᠬᠵᠢᠭᠤᠯᠤᠯ ᠳᠤᠤᠷᠠ ᠬᠠᠨ ᠪᠣᠯᠠᠭ ᠨᠣᠮ ᠵᠣᠬᠢᠶᠠᠯ ᠣᠷᠪᠠᠭᠤᠯᠵᠣ᠂ | ᠰᠣᠷᠴᠣ ᠰᠣᠳᠣᠯᠬᠤ ᠶᠢᠨ ᠲᠠᠭᠠᠤ ᠵᠣᠬᠢᠶᠠᠨ ᠪᠦᠳᠦᠭᠡᠵᠦ ᠡᠬᠢᠯᠡᠪᠡ᠃ ︽ᠴᠢᠷᠮᠠᠶᠢᠯᠭᠠ ᠬᠦᠮᠦᠨ ᠢ ᠭᠤᠮᠤᠳᠠᠭᠠᠬᠤ | ᠦᠭᠡᠢ︾ ᠭᠡᠳᠡᠭᠴᠢᠯᠡᠨ ᠲᠡᠷᠡ ᠬᠠᠭᠠᠰ ᠵᠢᠯ ᠤᠨ ᠴᠠᠬ ᠢ ᠬᠡᠷᠡᠭᠰᠡᠨ ᠲᠡᠬᠦᠨ ᠤ ᠠᠩᠬᠠᠨ ᠤ ᠪᠦᠳᠦᠭᠡᠯ ︽ᠦᠯᠦᠭᠡᠢ | ᠨᠣᠳᠤᠭ — ᠡᠨᠡᠷᠢᠯᠳᠦ ᠡᠵᠢ︾ ᠪᠠᠨ ᠦᠭᠡ ᠠᠶᠠ ᠲᠠᠢ ᠨᠢ ᠵᠣᠬᠢᠶᠠᠨ ᠪᠦᠳᠦᠭᠡᠵᠦ ᠭᠠᠷᠭᠠᠭᠰᠠᠨ ᠪᠠᠶᠢᠨᠠ᠃ ᠡᠨᠡᠬᠦ | ᠪᠦᠳᠦᠭᠡᠯ ᠢᠶᠠᠨ ︽ᠬᠢᠩᠭᠠᠨ ᠠᠶᠢᠮᠠᠭ ᠤᠨ ᠣᠯᠠᠭᠠᠨᠮᠦ᠋ᠴᠢᠷ ᠤᠨ ᠣᠷᠠᠯᠢᠭ ᠤᠨ ᠲᠣᠭᠯᠠᠯᠳᠠ︾ ᠲᠡᠭᠡᠷᠡ ᠦᠪᠡᠷᠳᠡᠭᠡᠨ | ᠲᠠᠭᠤᠯᠠᠭᠠᠳ ᠬᠤᠶᠠᠳᠣᠭᠠᠷ ᠨᠡᠷᠡᠰ ᠲᠤ ᠲᠣᠳᠣᠷᠠᠭᠰᠠᠨ ᠪᠠᠶᠢᠨᠠ᠃ ᠲᠡᠭᠡᠭᠡᠳ ᠲᠡᠷᠡ ᠲᠣᠣᠷᠠ ᠨᠢ ᠨᠡᠶᠢᠭᠡᠮ | ᠨᠡᠶᠢᠳᠡ ᠳᠤ ᠰᠠᠶᠢᠨ ᠰᠠᠶᠢᠬᠠᠨ ᠨᠦᠯᠦᠭᠡ ᠲᠣᠰᠬᠠᠯ ᠭᠠᠷᠴᠦ᠂ ᠲᠣᠬᠠᠢ ᠶᠢᠨ ᠦᠶᠡ ᠶᠢᠨ ᠬᠢᠩᠭᠠᠨ ᠠᠶᠢᠮᠠᠭ ᠤᠨ | ᠬᠠᠯᠠᠮᠰᠢᠯ ᠲᠠᠭᠤᠣ ᠶᠢᠨ ᠨᠢᠭᠡ ᠨᠢ ᠪᠣᠯᠣᠭᠰᠠᠨ ᠪᠠᠶᠢᠨᠠ᠃ ᠡᠨᠡᠬᠦ ᠦᠩᠭᠡ ᠭᠡᠷᠡᠯ ᠪᠠ ᠢᠷᠠᠭᠤ ᠠᠯᠳᠠᠷ ᠨᠢ ᠵᠠᠯᠠᠭᠤ | ᠲᠠᠭᠤᠴᠢᠨ ᠬᠠᠨ ᠪᠣᠯᠠᠭ ᠨᠦᠬᠦᠷ ᠲᠤ ᠬᠢᠵᠠᠭᠠᠯᠠᠰᠢ ᠦᠭᠡᠢ ᠬᠦᠴᠦᠨ ᠵᠣᠷᠢᠭ ᠪᠠ ᠢᠳᠡᠭᠡᠯ ᠬᠦᠴᠦᠨ ᠢ ᠣᠯᠭᠤᠵᠣ | ᠦᠭᠬᠦᠭᠰᠡᠨ ᠪᠠᠶᠢᠨᠠ᠃ | ᠬᠤᠵᠢᠮ ᠨᠢ ᠨᠡᠩ ᠤᠯᠠᠨ ᠠᠷᠪᠢᠨ ᠨᠡᠷᠡᠳᠣ ᠪᠦᠳᠦᠭᠡᠯ ︽ᠬᠤᠭᠤᠷ ᠤᠨ ᠦᠯᠢᠭᠡᠷ︾᠂ ︽ᠠᠯᠣᠰ ᠲᠡᠷᠳᠡᠭᠡ | ᠨᠣᠳᠤᠭ︾᠂ ︽ᠵᠢᠷᠦᠬᠡᠨ ᠤ ᠵᠦᠩᠨᠡᠯ︾᠂ ︽ᠴᠢᠨ᠋ᠸᠠ ᠶᠢᠨ ᠤᠯᠢᠯᠳᠠ︾᠂ ︽ᠠᠷᠤᠭ︾᠂ ︽ᠮᠣᠷᠢᠨ ᠨᠢᠷᠣᠭᠤᠨ | ᠲᠡᠭᠡᠷᠡᠬᠢ ᠬᠤᠪᠢ ᠪᠠᠷᠢᠯᠳᠣᠯᠭᠠ︾ ᠁ ᠭᠡᠬᠦ ᠮᠡᠲᠦ ᠶᠢᠨ ᠪᠦᠲᠦᠭᠡᠯ ᠲᠠᠢ ᠪᠤᠯᠵᠠᠢ᠂ ᠨᠡᠩ ᠲᠡᠬᠦᠨ ᠤ | ᠣᠯᠠᠭᠠᠨᠮᠦ᠋ᠴᠢᠷ ᠲᠤ ᠦᠵᠡᠬᠦᠯᠦᠭᠰᠡᠨ ᠠᠴᠢ ᠭᠠᠪᠢᠶᠠ ᠨᠢ ᠭᠡᠪᠡᠯ ᠬᠤᠭᠤᠷ ᠤᠨ ᠦᠯᠢᠭᠡᠷ ᠢ ᠲᠠᠶᠢᠰᠠᠨ ᠤ ᠣᠷᠠᠯᠢᠭ | ᠪᠣᠯᠭᠠᠭᠰᠠᠨ ᠳᠤ ᠣᠷᠣᠰᠢᠨᠠ᠃ ᠣᠴᠢᠷ ᠨᠢ ᠬᠤᠷᠴᠢᠨ ᠨᠣᠳᠤᠭ ᠤᠨ ᠦᠯᠢᠭᠡᠷ ᠬᠡᠯᠡᠬᠦ ᠳᠤ ᠡᠷᠳᠡ | ᠣᠵᠣᠭᠤᠷ ᠠᠴᠠ ᠪᠠᠨ ᠠᠪᠣᠭᠠᠳ ᠬᠠᠨᠵᠣᠨ ᠲᠡᠭᠡᠷᠡ ᠣᠯᠪᠣᠭ ᠲᠡᠪᠢᠰᠦᠨ ᠰᠠᠭᠤᠭᠠᠠᠳ ᠬᠤᠭᠤᠷᠴᠢ ᠠᠴᠠ | ᠬᠤᠭᠤᠷ ᠤᠨ ᠦᠯᠢᠭᠡᠷ ᠢᠶᠠᠨ ᠢᠳᠡ ᠲᠠᠢ ᠲᠡᠭᠡᠷᠡ ᠪᠠᠨ ᠰᠢᠳᠢ ᠲᠠᠢ ᠶᠠᠪᠣᠭᠤᠯᠳᠠᠭ ᠪᠠᠶᠢᠭᠰᠠᠨ ᠶᠤᠮ᠃ ᠣᠳᠣ | ᠪᠣᠯᠬᠤ ᠳᠤ ᠬᠤᠭᠤᠷ ᠤᠨ ᠦᠯᠢᠭᠡᠷ ᠢ ᠣᠷᠠᠯᠢᠭ ᠤᠨ ᠲᠠᠶᠢᠰᠠᠨ ᠲᠡᠭᠡᠷᠡ ᠲᠣᠭᠯᠠᠬᠤ ᠨᠢ ᠬᠤᠷᠴᠢᠨ ᠨᠣᠳᠤᠭ ᠤᠨ | ᠣᠯᠠᠭᠠᠨᠮᠦ᠋ᠴᠢᠷ ᠤᠨ ᠴᠢᠬᠤᠯᠠ ᠨᠢᠭᠡᠨ ᠠᠭᠤᠯᠭᠠ ᠪᠣᠯᠣᠭᠰᠠᠨ ᠢᠶᠠᠷ ᠪᠠᠷᠠᠬᠤ ᠦᠭᠡᠢ ᠰᠢᠭᠤᠳ ᠬᠤᠰᠢᠭᠤ ᠨᠣᠳᠤᠭ | ᠪᠣᠶᠣ ᠠᠶᠢᠮᠠᠭ ᠤᠨ ᠴᠠᠭᠠᠨ ᠰᠠᠷᠠ ᠶᠢᠨ ᠦᠳᠡᠰᠢᠯᠡᠭᠡ ᠲᠡᠭᠡᠷᠡ ᠡᠷᠬᠦᠨ ᠲᠡᠪᠰᠢᠬᠦᠯᠵᠦ ᠪᠠᠶᠢᠨᠠ᠃ | ᠬᠦᠯᠦᠰᠦᠨ ᠲᠣᠰᠣᠯ ᠤᠨ ᠬᠠᠷᠢᠭᠤ ᠬᠦᠢᠰ ᠬᠦᠢᠰ ᠴᠡᠴᠡᠭ ᠲᠡᠯᠭᠡᠷᠡᠨᠡ | ᠬᠠᠨ ᠪᠣᠯᠠᠭ ᠨᠦᠬᠦᠷ ᠤᠨ ᠠᠮᠵᠢᠯᠳᠠ ᠪᠦᠳᠦᠭᠡᠯ ᠪᠣᠯ ᠠᠩᠭᠠᠶᠢᠵᠣ ᠰᠠᠭᠤᠵᠣ᠂ ᠲᠠᠩᠭᠠᠶᠢᠨ ᠬᠡᠪᠳᠡᠵᠣ | ᠪᠠᠶᠢᠭᠠᠳ ᠣᠯᠵᠣ ᠢᠷᠡᠭᠰᠡᠨ ᠦᠩᠭᠡ ᠭᠡᠷᠡᠯ ᠪᠠ ᠢᠷᠠᠭᠤ ᠠᠯᠳᠠᠷ ᠪᠢᠰᠢ ᠶᠤᠮ᠃ ︽ᠣᠷᠣᠯᠳᠣᠯᠭᠠ ᠬᠦᠮᠦᠨ ᠳᠤ | ᠣᠰᠣᠯᠳᠠᠬᠤ ᠦᠭᠡᠢ᠂ ᠴᠢᠷᠮᠠᠶᠢᠯᠭᠠ ᠬᠦᠮᠦᠨ ᠢ ᠭᠤᠮᠣᠳᠠᠭᠠᠬᠤ ᠦᠭᠡᠢ︾ ᠭᠡᠳᠡᠭᠴᠢᠯᠡᠨ ᠬᠠᠨ ᠪᠣᠯᠠᠭ ᠰᠢᠷᠭᠠᠭᠤ | ᠬᠠᠳᠠᠭᠤᠵᠢᠯᠲᠠᠢ ᠪᠠᠷ ᠵᠣᠬᠢᠶᠠᠨ ᠪᠦᠳᠦᠭᠡᠭᠰᠡᠭᠡᠷ ᠨᠢᠭᠡ ᠮᠡᠳᠡᠬᠦ ᠳᠤ ᠰᠠᠨᠴᠢᠭ ᠤᠨ ᠦᠰᠦᠨ ᠳᠤ ᠨᠢ ᠴᠠᠭ ᠤᠨ ᠬᠢᠷᠠᠭᠤ | ᠪᠠᠭᠤᠵᠣ᠂ ᠰᠠᠷᠠᠭᠤᠯ ᠮᠠᠩᠨᠠᠢ ᠲᠡᠭᠡᠷᠡ ᠨᠢ ᠠᠳᠣᠷᠢᠶᠠ ᠰᠠᠭᠤᠭᠰᠠᠨ ᠶᠤᠮ᠂ ᠭᠡᠪᠡᠴᠦ ᠤᠳᠤᠬᠠᠨ ᠳᠤ ᠨᠢᠭᠡᠨᠳᠡ | ᠠᠶᠢᠮᠠᠭ ᠣᠷᠣᠨ ᠴᠢᠨᠠᠭᠰᠢᠯᠠᠨ ᠪᠦᠬᠦ ᠣᠯᠣᠰ ᠲᠤ ᠠᠯᠳᠠᠷ ᠨᠡᠷᠡ ᠪᠠᠨ ᠲᠠᠭᠤᠷᠢᠰᠣᠭᠤᠯᠣᠭᠰᠠᠨ ᠬᠦᠮᠦᠨ | ᠪᠣᠯᠴᠢᠬᠠᠭᠰᠠᠨ ᠪᠠᠶᠢᠵᠠᠢ᠃ | ︽ᠬᠦᠯᠦᠰᠦᠨ ᠲᠣᠰᠣᠯ ᠤᠨ ᠬᠠᠷᠢᠭᠤ ᠬᠦᠢᠰ ᠬᠦᠢᠰ ᠴᠡᠴᠡᠭ ᠲᠡᠯᠭᠡᠷᠡᠨᠡ︾ ᠭᠡᠳᠡᠭᠴᠢᠯᠡᠨ ᠲᠡᠷᠡ | ᠰᠢᠷᠭᠠᠭᠤ ᠠᠵᠢᠯᠯᠠᠵᠦ ᠶᠠᠪᠤᠬᠰᠠᠨ ᠤ ᠬᠠᠷᠢᠭᠤ ᠳᠤ ᠦᠷᠭᠡᠨ ᠤᠯᠠᠨ ᠤ ᠪᠠᠨ ᠬᠦᠷᠢᠶᠡᠯᠡᠯ ᠢ ᠬᠦᠷᠲᠡᠵᠦ᠂ ᠠᠯᠢ ᠤᠯᠠᠨ | ᠢᠷᠠᠭᠤ ᠠᠯᠳᠠᠷ ᠢᠶᠠᠷ ᠡᠩᠭᠡᠷ ᠢᠶᠠᠨ ᠮᠢᠯᠢᠶᠠᠯᠭᠠᠬᠰᠠᠨ ᠪᠠᠶᠢᠨᠠ᠃ ᠲᠡᠷᠡ ᠤᠷᠢᠳ ᠬᠤᠵᠢᠳ 1988 ᠣᠨ ᠳᠤ | ᠬᠢᠩᠭᠠᠨ ᠠᠶᠢᠮᠠᠭ ᠤᠨ ᠣᠯᠠᠭᠠᠨᠮᠦ᠋ᠴᠢᠷ ᠤᠨ ᠣᠷᠠᠨ ᠰᠠᠶᠢᠬᠠᠨ ᠤ ᠲᠣᠭᠯᠠᠯᠳᠠ ᠳᠤ ︽ᠲᠡᠷᠡ ᠨᠢᠭᠡᠨ ᠦᠳᠡᠰᠢ︾ ᠭᠡᠬᠦ | ᠲᠠᠭᠤᠤ ᠠᠶᠠ ᠪᠠᠷ ᠢᠶᠠᠨ ᠵᠣᠬᠢᠶᠠᠨ ᠪᠦᠳᠦᠭᠡᠭᠰᠡᠨ ᠲᠡᠷᠢᠬᠦᠨ ᠱᠠᠩᠨᠠᠯ ᠢ ᠲᠣᠰᠴᠠᠢ᠃ 2010 ᠣᠨ ᠳᠤ ᠲᠡᠬᠦᠨ ᠤ | ᠪᠦᠳᠦᠭᠡᠭᠰᠡᠨ ︽ᠦᠯᠢᠭᠡᠷ ᠰᠢᠩᠭᠡᠭᠰᠡᠨ ᠬᠠᠶᠢᠷᠠ︾ ᠭᠡᠬᠦ ᠲᠦᠷᠪᠡᠨ ᠣᠳᠠᠰᠣᠳᠣ ᠬᠤᠭᠤᠷ ᠤᠨ ᠬᠦᠭᠵᠢᠮ ᠨᠢ ᠪᠦᠬᠦ | ᠣᠯᠣᠰ ᠤᠨ ᠨᠠᠢᠮᠠᠨ ᠮᠣᠵᠢ ᠣᠷᠣᠨ ᠤ ᠬᠦᠭᠵᠢᠮ ᠤᠨ ᠣᠷᠣᠯᠳᠣᠭᠠᠨ ᠳᠤ ᠠᠯᠳᠠᠨ ᠮᠧᠳᠠᠯ ᠲᠣᠰᠴᠠᠢ᠃ 2012 | ᠣᠨ ᠳᠤ ᠪᠦᠳᠦᠭᠡᠭᠰᠡᠨ ︽ᠪᠠᠶᠠᠰᠣᠯ︾ ᠭᠡᠬᠦ ᠬᠤᠭᠤᠷ ᠤᠨ ᠠᠶᠠ ᠨᠢ ᠪᠦᠬᠦ ᠣᠯᠣᠰ ᠤᠨ ᠨᠠᠢᠮᠠᠨ ᠮᠣᠵᠢ ᠣᠷᠣᠨ ᠤ | ᠲᠣᠰᠬᠠᠢ ᠲᠣᠭᠤᠶᠢᠯᠠᠩ ᠤᠨ ᠲᠡᠷᠢᠬᠦᠨ ᠨᠡᠷᠡᠰ ᠢ ᠠᠪᠴᠠᠢ᠃ 2012 ᠣᠨ ᠳᠤ ᠵᠣᠬᠢᠶᠠᠨ ᠪᠦᠳᠦᠭᠡᠭᠰᠡᠨ ︽ᠠᠷᠤᠭ︾ | ᠭᠡᠳᠡᠭ ᠪᠦᠵᠢᠭ ᠨᠢ ᠪᠦᠬᠦ ᠣᠷᠣᠨ ᠤ ᠠᠷᠪᠠᠨ ᠨᠢᠭᠡᠳᠦᠭᠡᠷ ᠬᠤᠭᠤᠴᠠᠭᠠᠨ ᠤ ᠣᠶᠣᠨ ᠤ ᠪᠣᠯᠪᠠᠰᠣᠨ ᠤ | ᠪᠠᠶᠢᠭᠤᠯᠣᠯᠳᠠ ᠶᠢᠨ ︽ᠲᠠᠪᠦ ᠨᠢᠭᠡ ᠢᠨᠵᠧᠨᠧᠷᠢᠩ︾ ᠤᠨ ᠱᠠᠩᠨᠠᠯ ᠲᠤᠰᠤᠬᠰᠠᠨ ᠪᠠᠶᠢᠨᠠ᠃ 2014 ᠣᠨ ᠳᠤ | ᠵᠣᠬᠢᠶᠠᠨ ᠪᠦᠳᠦᠭᠡᠭᠰᠡᠨ ︽ᠬᠤᠭᠤᠷ ᠤᠨ ᠡᠭᠡᠰᠢᠭ︾ ᠭᠡᠳᠡᠭ ᠪᠦᠵᠢᠭ ᠨᠢ ᠪᠦᠬᠦ ᠣᠷᠣᠨ ᠤ ᠠᠷᠪᠠᠨ ᠬᠤᠶᠠᠳᠣᠭᠠᠷ | ᠬᠤᠭᠤᠴᠠᠭᠠᠨ ᠤ ᠣᠶᠣᠨ ᠤ ᠪᠣᠯᠪᠠᠰᠣᠨ ᠤ ᠪᠠᠶᠢᠭᠤᠯᠣᠯᠳᠠ ᠶᠢᠨ ︽ᠲᠠᠪᠦ ᠨᠢᠭᠡ ᠢᠨᠵᠧᠨᠧᠷᠢᠩ︾ ᠤᠨ ᠱᠠᠩᠨᠠᠯ ᠢ | ᠲᠣᠰᠴᠠᠢ᠃ 2018 ᠣᠨ ᠳᠤ ᠲᠣᠮᠳᠠᠳᠣ ᠣᠯᠣᠰ ᠤᠨ ᠬᠤᠷᠴᠢᠨ ᠠᠷᠠᠳ ᠤᠨ ᠲᠠᠭᠤᠣ᠂ ᠦᠯᠢᠭᠡᠷ ᠤᠨ | ᠣᠷᠣᠯᠳᠣᠭᠠᠨ ᠳᠤ ᠲᠡᠬᠦᠨ ᠤ ᠲᠠᠭᠤᠯᠠᠭᠰᠠᠨ ︽ᠦᠯᠢᠭᠡᠷ ᠬᠠᠮᠳᠣᠯᠢᠭ︾ ᠨᠢ ᠲᠡᠷᠢᠬᠦᠨ ᠱᠠᠩᠨᠠᠯ ᠢ ᠰᠢᠭᠦᠷᠡᠭᠰᠡᠨ | ᠪᠠᠶᠢᠨᠠ᠃ | ᠣᠷᠳᠣ ᠶᠢᠨ ᠦᠵᠦᠬᠦᠷᠡ ᠬᠦᠨ ᠤ ᠢᠷᠣᠭᠠᠷᠠ | ᠬᠠᠨ ᠪᠣᠯᠠᠭ ᠨᠦᠬᠦᠷ ᠦᠪᠡᠷ ᠤᠨ ᠲᠣᠰᠬᠠᠢ ᠠᠵᠢᠯ ᠤᠨ ᠲᠠᠯᠠ ᠪᠠᠷ ᠵᠣᠬᠢᠬᠤ ᠬᠡᠮᠵᠢᠶᠡᠨ ᠤ ᠠᠮᠵᠢᠯᠳᠠ | ᠣᠯᠣᠭᠰᠠᠨ ᠢᠶᠠᠷ ᠪᠠᠷᠠᠬᠤ ᠦᠭᠡᠢ ᠦᠪᠡᠷ ᠤᠨ ᠣᠯᠣᠰ ᠲᠦᠷᠦ ᠦᠵᠡᠯ ᠰᠠᠨᠠᠭᠠᠨ ᠤ ᠪᠠᠨ ᠰᠣᠷᠣᠯᠴᠠᠯᠭᠠ ᠪᠠᠨ | ᠴᠢᠩᠭᠠ ᠠᠳᠬᠤᠭᠰᠠᠨ ᠠᠴᠠ ᠨᠢᠭᠡᠨᠳᠡ ᠡᠯᠡ ᠲᠠᠯᠠ ᠶᠢᠨ ᠬᠡᠪ ᠪᠣᠯᠪᠠᠰᠣᠷᠠᠯ ᠨᠢ ᠮᠡᠳᠡᠭᠳᠡᠮᠠ ᠲᠡᠭᠡᠭᠰᠢᠯᠡᠭᠰᠡᠨ ᠪᠠᠶᠢᠨᠠ | ᠃ ᠡᠨᠡ ᠨᠢ ᠬᠤᠰᠢᠭᠤᠨ ᠤ ᠨᠠᠮ ᠤᠨ ᠬᠤᠷᠢᠶᠠ ᠪᠣᠯᠣᠨ ᠵᠠᠰᠠᠭ ᠤᠨ ᠣᠷᠳᠣᠨ ᠤ ᠤᠳᠤᠷᠢᠳᠤᠯᠭᠠ ᠨᠠᠷ ᠤᠨ | ᠠᠩᠬᠠᠷᠣᠯ ᠢ ᠲᠠᠳᠠᠭᠰᠠᠨ ᠪᠠᠶᠢᠨᠠ᠃ ᠲᠡᠭᠡᠭᠡᠳ ᠠᠬᠠᠮᠠᠳ ᠪᠦᠯᠬᠦᠮ ᠤᠨ ᠲᠠᠷᠤᠭᠠ ᠨᠢ ᠠᠵᠢᠯ ᠤᠨ ᠠᠮᠠᠷᠠᠯᠳᠠ ᠠᠪᠬᠤ | ᠴᠠᠭ ᠪᠣᠯᠣᠭᠰᠠᠨ ᠲᠣᠯᠠ ᠬᠤᠰᠢᠭᠤᠨ ᠤ ᠰᠣᠶᠣᠯ ᠪᠡᠶᠠ ᠲᠠᠮᠢᠷ ᠤᠨ ᠲᠣᠪᠴᠢᠶᠠ ᠶᠢᠨ ᠬᠠᠮᠢᠶᠠ ᠪᠦᠬᠦᠢ | ᠣᠳᠣᠷᠢᠳᠣᠯᠭᠠ ᠨᠠᠷ ᠬᠠᠨ ᠪᠣᠯᠠᠭ ᠢ ᠡᠷᠢᠵᠣ ᠣᠯᠠᠭᠠᠨᠮᠦ᠋ᠴᠢᠷ ᠤᠨ ᠲᠠᠷᠤᠭᠠ ᠶᠢᠨ ᠡᠬᠦᠷᠭᠡ ᠶᠢ ᠲᠠᠭᠠᠭᠠᠯᠭᠠᠬᠤ ᠪᠠᠷ | ᠪᠣᠯᠵᠠᠢ᠃ 2011 ᠣᠨ ᠳᠤ᠂ ᠬᠠᠨ ᠪᠣᠯᠠᠭ ᠣᠳᠣᠷᠢᠳᠣᠯᠭᠠ ᠨᠠᠷ ᠤᠨ ᠢᠳᠡᠭᠡᠯ ᠢ ᠬᠦᠰᠡᠷᠳᠡᠬᠦᠯᠵᠦ ᠪᠣᠯᠬᠤ ᠦᠭᠡᠢ | ᠮᠦᠷᠲᠡᠭᠡᠨ ᠲᠣᠮᠳᠠᠳᠣ ᠬᠤᠰᠢᠭᠤ ᠶᠢᠨ ᠣᠯᠠᠭᠠᠨᠮᠦ᠋ᠴᠢᠷ ᠤᠨ ᠢᠷᠡᠭᠡᠳᠦᠢ ᠶᠢᠨ ᠲᠣᠬᠠᠢ ᠪᠤᠳᠤᠵᠦ ᠢᠳᠡᠭᠡᠯ ᠲᠦᠭᠦᠷᠡᠩ | ᠬᠦᠯᠢᠶᠡᠨ ᠠᠪᠣᠭᠰᠠᠨ ᠪᠠᠶᠢᠨᠠ᠃ | ᠲᠡᠬᠦᠨ ᠤ ᠲᠡᠷᠢᠬᠦᠨ ᠳᠤ ᠬᠢᠭᠰᠡᠨ ᠠᠵᠢᠯ ᠨᠢ ᠣᠯᠣᠰ ᠲᠦᠷᠦ ᠶᠢᠨ ᠰᠣᠷᠣᠯᠴᠠᠯᠭᠠ ᠪᠣᠯᠣᠨᠠ᠃ ᠣᠴᠢᠷ ᠨᠢ | ᠣᠯᠣᠰ ᠲᠦᠷᠦ ᠶᠢᠨ ᠦᠵᠡᠯ ᠰᠠᠨᠠᠭᠠᠨ ᠤ ᠪᠠᠳᠣ ᠵᠣᠭᠰᠣᠯᠳᠠ ᠨᠢ ᠬᠦᠮᠦᠰ ᠢ ᠭᠤᠶᠢᠪᠢᠰᠢ ᠦᠭᠡᠢ ᠬᠠᠳᠠᠨ | ᠵᠣᠷᠢᠭ ᠲᠠᠢ ᠪᠣᠯᠭᠠᠨ ᠬᠦᠮᠦᠵᠢᠬᠦᠯᠬᠦ ᠪᠠᠷ ᠪᠠᠷᠠᠬᠤ ᠦᠭᠡᠢ ᠬᠢᠵᠠᠭᠠᠯᠠᠰᠢ ᠦᠭᠡᠢ ᠬᠦᠰᠡᠯ ᠢᠷᠡᠭᠡᠳᠦᠢ ᠲᠠᠢ ᠪᠣᠯᠭᠠᠳᠠᠭ | ᠶᠤᠮ᠃ ᠡᠨᠡ ᠨᠢ ᠠᠬᠠᠮᠠᠳ ᠣᠷᠠᠯᠢᠭᠴᠢᠨ ᠳᠤ ᠲᠣᠬᠢᠷᠠᠬᠤ ᠪᠠᠷ ᠪᠠᠷᠠᠬᠤ ᠦᠭᠡᠢ ᠨᠡᠩ ᠵᠠᠯᠠᠭᠤᠴᠣᠳ ᠲᠤ ᠠᠪᠴᠣ | ᠬᠡᠯᠡᠪᠡᠯ ᠬᠠᠮᠤᠭ ᠴᠢᠬᠤᠯᠠ ᠶᠠᠪᠣᠳᠠᠯ ᠪᠣᠯᠤᠨᠠ᠃ ᠲᠡᠬᠡᠭᠡᠳ ᠬᠠᠨ ᠪᠣᠯᠠᠭ ᠨᠦᠬᠦᠷ ᠠᠴᠠ ᠣᠯᠣᠰ ᠲᠦᠷᠦ ᠦᠵᠡᠯ | ᠰᠠᠨᠠᠭᠠᠨ ᠤ ᠬᠦᠮᠦᠵᠢᠯ ᠬᠢᠬᠦ ᠠᠴᠠ ᠭᠠᠳᠠᠨᠠ ᠣᠯᠠᠭᠠᠨᠮᠦ᠋ᠴᠢᠷ ᠤᠨ ᠲᠣᠳᠣᠭᠠᠳᠣᠬᠢ ᠲᠦᠷᠢᠮ ᠲᠣᠭᠳᠠᠭᠠᠯ ᠢᠶᠠᠨ ᠨᠠᠷᠢᠨ | ᠨᠢᠮᠪᠠᠢ ᠲᠣᠭᠳᠠᠭᠠᠵᠣ᠂ ᠨᠠᠷᠢᠨ ᠨᠢᠭᠳᠠ ᠬᠡᠷᠡᠭᠵᠢᠬᠦᠯᠦᠭᠰᠡᠨ ᠠᠴᠠ ᠭᠡᠰᠢᠭᠦᠳ ᠠᠶᠠᠨᠳᠠᠭᠠᠨ ᠬᠠᠨ ᠪᠣᠯᠠᠭ ᠨᠦᠬᠦᠷ ᠤᠨ | ᠬᠠᠪᠢ ᠳᠤ ᠪᠦᠭᠡᠮᠨᠡᠷᠡᠨ ᠪᠦᠯᠬᠦᠮᠳᠡᠵᠣ ᠢᠷᠡᠭᠡᠳ ᠡᠷᠴᠢᠮᠳᠠᠢ ᠲᠡᠭᠡᠰᠦ᠂ ᠡᠷᠡ ᠶᠢᠨ ᠬᠠᠳᠠᠭᠤ ᠨᠢᠳᠣᠷᠭᠠ ᠪᠣᠯᠵᠣ | ᠢᠷᠡᠵᠡᠢ᠃ | ᠡᠭᠦᠨ ᠤ ᠬᠠᠮᠲᠦ ᠲᠡᠷᠡ ᠣᠯᠠᠭᠠᠨᠮᠦ᠋ᠴᠢᠷ ᠤᠨ ᠪᠦᠬᠦ ᠭᠡᠰᠢᠬᠦᠳ ᠢᠶᠠᠨ ᠳᠠᠭᠠᠭᠤᠯᠦᠨ ᠨᠢᠭᠡ ᠵᠢᠯ ᠵᠠᠭᠤ ᠭᠠᠷᠣᠢ | ᠣᠳᠠᠭᠠ ᠬᠦᠳᠡᠭᠡ ᠪᠠᠭᠤᠵᠣ ᠲᠣᠭᠯᠠᠯᠳᠠ ᠭᠠᠷᠭᠠᠵᠣ᠂ ᠨᠢᠭᠡ ᠡᠳᠦᠷ ᠵᠠᠷᠢᠮ ᠳᠤ ᠪᠠᠨ ᠲᠦᠷᠪᠡ ᠣᠳᠠᠭᠠ ᠲᠣᠭᠯᠠᠯᠳᠠ | ᠭᠠᠷᠭᠠᠭᠰᠠᠨ ᠣᠳᠠᠭᠠ ᠴᠦ ᠪᠣᠢ᠃ | ︽ᠮᠠᠨ ᠤ ᠲᠣᠭᠯᠠᠯᠳᠠ ᠭᠠᠷᠭᠠᠵᠣ ᠪᠠᠶᠢᠭᠠ ᠵᠣᠷᠢᠯᠭᠠ ᠪᠣᠯ ᠡᠳ᠋ ᠪᠣᠳᠠᠰ ᠢᠶᠠᠷ ᠪᠠᠶᠠᠨ ᠴᠢᠨᠡᠭᠡᠯᠢᠭ ᠬᠦᠮᠦᠰ ᠢ | ᠰᠡᠳᠬᠢᠯ ᠰᠠᠨᠠᠭᠠ ᠬᠠᠨᠭ᠍ᠭᠠᠮᠵᠢᠳᠠᠢ ᠶᠠᠪᠤᠭᠤᠯᠬᠤ ᠶᠢᠨ ᠲᠦᠯᠦᠭᠡ᠂ ᠡᠷᠬᠡᠪᠰᠢ ᠣᠶᠣᠨ ᠰᠠᠨᠠᠭᠠᠨ ᠤ ᠲᠠᠯᠠ ᠪᠠᠷ ᠪᠠᠰᠠ | ᠦᠶᠦᠭ ᠴᠠᠳᠬᠤᠯᠠᠩ ᠪᠠᠶᠠᠨ ᠴᠢᠨᠡᠭᠡᠯᠢᠭ ᠶᠠᠪᠣᠪᠠᠯ ᠰᠠᠶ᠋ᠢ ᠨᠡᠶᠢᠭᠡᠮ ᠵᠢᠷᠣᠮᠳᠣ ᠰᠢᠨᠡ ᠴᠠᠭ ᠡᠷᠢᠨ ᠤ ᠣᠷᠣᠭᠰᠢᠯᠠᠯᠳᠠ | ᠬᠦᠭᠵᠢᠯᠳᠡ ᠶᠢᠨ ᠠᠯᠬᠤᠮ ᠢ ᠲᠠᠭᠠᠵᠣ ᠬᠦᠢᠴᠡᠨᠡ᠃ ᠰᠢᠨᠡ ᠴᠠᠭ ᠡᠷᠢᠨ ᠤ ᠬᠦᠭ ᠠᠶᠠᠰ ᠢᠶᠠᠷ ᠠᠮᠢᠳᠣᠷᠠᠵᠣ | ᠲᠡᠮᠡᠴᠡᠵᠣ ᠴᠢᠳᠠᠨᠠ᠃ ᠡᠶᠢᠮᠤ ᠠᠴᠠ ᠪᠢᠳᠡ ᠬᠠᠮᠳᠣ ᠪᠠᠷ ᠦᠵᠡᠯ ᠰᠠᠨᠠᠭᠠ ᠪᠠᠨ ᠨᠢᠭᠡᠳᠭᠡᠵᠦ᠂ ᠠᠯᠬᠤᠮ ᠢᠶᠠᠨ | ᠨᠢᠭᠡᠳᠭᠡᠵᠦ᠂ ᠲᠠᠭᠤᠨ ᠬᠤᠭᠤᠯᠠᠢ ᠪᠠᠨ ᠨᠢᠭᠡᠳᠭᠡᠵᠦ ᠰᠢᠨᠡ ᠡᠷᠢᠨ ᠤ ᠰᠠᠷᠠᠭᠤᠯ ᠲᠠᠷᠳᠠᠩ ᠵᠠᠮ ᠢᠶᠠᠷ ᠰᠡᠳᠬᠢᠯ | ᠨᠢᠭᠡᠳᠡᠢ ᠵᠠᠮᠨᠠᠬᠤ ᠶᠤᠰᠤᠲᠠᠢ︾ ᠭᠡᠵᠦ ᠬᠠᠨ ᠪᠤᠯᠠᠬ ᠶᠠᠷᠢᠵᠦ ᠪᠠᠶᠢᠯᠠ᠃ | ᠬᠠᠨ ᠪᠣᠯᠠᠬ ᠨᠦᠬᠦᠷ ᠤᠨ ᠲᠠᠭᠠᠭᠤᠯᠭᠠ ᠪᠠᠷ ᠲᠣᠮᠳᠠᠳᠣ ᠬᠤᠰᠢᠭᠤ ᠶᠢᠨ ᠣᠯᠠᠭᠠᠨᠮᠦ᠋ᠴᠢᠷ ᠤᠨ ᠪᠦᠬᠦ | ᠭᠡᠰᠢᠬᠦᠳ ᠭᠠᠭᠴᠠ ᠬᠦ ᠬᠤᠰᠢᠭᠤᠨ ᠤ ᠠᠶᠢᠯ ᠡᠷᠦᠬᠡ ᠳᠤ ᠬᠦᠷᠴᠦ ᠲᠣᠭᠯᠠᠯᠳᠠ ᠭᠠᠷᠭᠠᠭᠠᠳ ᠬᠡᠷᠬᠢᠨ ᠵᠣᠭᠰᠣᠬᠤ | ᠪᠢᠯᠡ᠃ ᠲᠡᠳᠡ ᠲᠡᠭᠡᠳᠦ ᠱᠠᠳᠣᠨ ᠤ ᠣᠳᠣᠷᠢᠳᠣᠯᠭᠠ ᠶᠢᠨ ᠵᠢᠭᠠᠪᠣᠷᠢ ᠪᠣᠯᠣᠨ ᠲᠣᠬᠢᠷᠠᠭᠤᠯᠭᠠ ᠪᠠᠷ ᠣᠷᠢᠳ | ᠬᠤᠵᠢᠳ᠄ ᠰᠢᠯᠢ ᠶᠢᠨ ᠭᠤᠣᠯ ᠠᠶᠢᠮᠠᠭ ᠤᠨ ᠡᠯᠡ ᠬᠤᠰᠢᠭᠤ ᠪᠠ ᠬᠦᠯᠦᠨ ᠪᠤᠶᠢᠷ ᠬᠤᠳᠠ ᠶᠢᠨ ᠡᠯᠡ ᠬᠤᠰᠢᠭᠤ | ᠵᠢᠴᠢ ᠵᠦᠬᠠᠢ᠂ ᠪᠡᠭᠡᠵᠢᠩ᠂ ᠱᠠᠩᠬᠠᠢ᠂ ᠣᠣᠮᠧᠨ ᠵᠡᠷᠭᠡ ᠤᠯᠠᠨ ᠭᠠᠵᠠᠷ ᠢᠶᠠᠷ ᠬᠦᠷᠴᠦ ᠲᠣᠭᠯᠠᠯᠳᠠ ᠭᠠᠷᠭᠠᠵᠣ | ᠣᠷᠠᠯᠢᠭ ᠪᠠ ᠰᠣᠶᠣᠯ ᠤᠨ ᠰᠣᠯᠢᠯᠴᠠᠭᠠ ᠬᠢᠭᠰᠡᠨ ᠢᠶᠠᠷ ᠪᠠᠷᠠᠬᠤ ᠦᠭᠡᠢ ᠬᠤᠷᠴᠢᠨ ᠤ ᠲᠠᠭᠤᠣ ᠣᠷᠠᠯᠢᠭ ᠪᠣᠯᠣᠨ | ᠰᠣᠶᠣᠯ ᠤᠨ ᠦᠷᠡ ᠶᠢ ᠣᠯᠣᠰ ᠲᠠᠶᠠᠭᠠᠷ ᠰᠠᠴᠣᠭᠰᠠᠨ ᠪᠠᠶᠢᠨᠠ᠃ ᠨᠡᠩ ᠳᠤᠷᠠᠳᠤᠭᠤᠰᠢᠲᠠᠢ ᠨᠢ 2008 ᠣᠨ ᠳᠤ | ᠲᠦᠪ ᠤᠨ ᠷᠠᠳᠢᠣ᠋ ᠲᠧᠯᠸᠢᠰ ᠬᠤᠷᠢᠶᠠᠨ ᠤ ︽ᠠᠷᠠᠳ ᠤᠨ ᠲᠠᠭᠤᠣ ᠲᠣᠮᠳᠠᠳᠣ ᠣᠯᠣᠰ︾ ᠭᠡᠬᠦ ᠨᠡᠪᠳᠡᠷᠡᠬᠦᠯᠭᠡ ᠳᠤ | ᠣᠯᠠᠭᠠᠨᠮᠦ᠋ᠴᠢᠷ ᠤᠨ ᠪᠦᠬᠦ ᠨᠦᠬᠦᠳ ᠢᠶᠠᠨ ᠲᠠᠭᠠᠭᠤᠯᠣᠨ ᠣᠷᠢᠭᠳᠠᠨ ᠣᠷᠣᠯᠴᠠᠵᠣ ᠲᠡᠷᠡ ᠪᠠᠷ ︽ᠦᠯᠢᠭᠡᠷ ᠤᠨ | ᠨᠣᠳᠤᠭ︾ ᠭᠡᠬᠦ ᠠᠶᠠ ᠪᠠᠨ ᠰᠢᠩᠭᠡᠭᠡᠯᠳᠡ ᠬᠢᠭᠡᠳ ᠨᠡᠪᠳᠡᠷᠡᠬᠦᠯᠦᠭᠰᠡᠨ ᠪᠠᠶᠢᠨᠠ᠃ | ᠰᠢᠶᠠᠩ ᠪᠣᠣ᠂ ᠲᠠᠷᠬᠠᠨ ᠬᠤᠰᠢᠭᠤᠡ ᠤ ᠬᠦᠮᠦᠨ᠃ ᠬᠤᠭᠤᠷ ᠬᠦᠭᠵᠢᠮ ᠳᠤ ᠲᠦᠷᠦᠯᠬᠢ ᠠᠪᠢᠶᠠᠰ ᠲᠠᠢ | ᠲᠡᠷᠡ ᠲᠣᠰ ᠣᠯᠠᠭᠠᠨᠮᠦ᠋ᠴᠢᠷ ᠲᠤ ᠢᠷᠡᠭᠡᠳ ᠬᠡᠳᠦᠨ ᠵᠢᠯ ᠤᠨ ᠨᠢᠭᠤᠷ ᠢ ᠦᠵᠡᠪᠡ᠃ ᠣᠯᠠᠨ ᠤ ᠦᠭᠡ ᠪᠠᠷ ᠬᠡᠯᠡᠪᠡᠯ | ᠬᠤᠰᠢᠭᠤ ᠨᠣᠳᠤᠭ ᠲᠤ ᠪᠠᠨ ᠨᠡᠷᠡ ᠲᠠᠢ ᠬᠦᠭᠵᠢᠮᠴᠢᠨ᠂ ᠭᠡᠪᠡᠴᠦ ᠬᠠᠨ ᠪᠣᠯᠠᠭ ᠮᠡᠳᠣ ᠶᠢᠨ ᠲᠣᠰᠬᠠᠢ ᠮᠡᠷᠭᠡᠵᠢᠯᠳᠡᠨ | ᠨᠠᠷ ᠤᠨ ᠦᠵᠡᠬᠦ ᠪᠠᠷ ᠪᠣᠯᠪᠠᠯ ᠡᠨᠡ ᠵᠠᠯᠠᠭᠤ ᠵᠠᠷᠢᠮ ᠳᠤ ᠪᠠᠨ ᠬᠦᠭ ᠠᠶᠠᠰ ᠢᠶᠠᠨ ᠠᠯᠳᠠᠵᠣ ᠪᠠᠶᠢᠭᠠ ᠦᠵᠡᠭᠳᠡᠯ | ᠵᠦᠩᠳᠡᠭᠡᠨ ᠭᠠᠷᠳᠠᠭ ᠶᠤᠮ᠃ ᠭᠡᠪᠡᠴᠦ ᠬᠤᠪᠢ ᠬᠦᠮᠦᠨ ᠤ ᠬᠡᠪ ᠪᠣᠯᠪᠠᠰᠣᠷᠠᠯ ᠨᠢ ᠦᠨᠳᠦᠷ ᠪᠠᠶᠢᠳᠠᠭ ᠢ ᠦᠵᠡᠵᠦ | ᠭᠠᠷᠣᠭᠰᠠᠨ ᠬᠠᠨ ᠪᠣᠯᠠᠭ ᠨᠦᠬᠦᠷ ᠴᠠᠭ ᠢᠮᠠᠭᠳᠠ ᠦᠵᠡᠨ ᠠᠩᠬᠠᠷᠴᠣ ᠬᠠᠷᠠᠭᠠᠯᠵᠠᠨ ᠬᠠᠮᠢᠶᠠᠷᠣᠭᠰᠠᠭᠠᠷ ᠢᠷᠡᠭᠰᠡᠨ | ᠶᠤᠮ᠃ ᠭᠡᠳᠡᠯᠡ ᠪᠠᠭᠠ ᠶᠢᠨ ᠪᠠᠷᠳᠠᠩ ᠪᠣᠳᠠᠭᠠᠨ ᠤ ᠣᠮᠤᠭ ᠢᠶᠠᠷ ᠦᠰᠦᠭᠰᠡᠨ ᠣᠳᠣ ᠶᠢᠨ ᠵᠠᠯᠠᠭᠤᠴᠣᠳ ᠬᠢᠷᠢ | ᠪᠠᠷᠤᠭ ᠤᠨ ᠬᠦᠮᠦᠨ ᠪᠣᠶᠣ ᠶᠠᠭᠤᠮᠠ ᠶᠢ ᠨᠢᠳᠦᠨ ᠳᠤ ᠪᠠᠨ ᠬᠠᠪᠴᠢᠬᠤ ᠶᠠᠭᠤᠮᠠ ᠪᠢᠰᠢ᠂ ᠴᠠᠳᠬᠤᠯᠠᠩ ᠲᠡᠮᠡᠭᠡ | ᠮᠡᠳᠣ ᠲᠡᠭᠷᠢ ᠦᠭᠡᠳᠡ ᠦᠯᠡᠶᠢᠭᠡᠳ ᠯᠡ ᠪᠠᠶᠢᠯᠠ᠃ ᠲᠡᠭᠡᠭᠡᠳ ᠨᠠᠢᠮᠠᠨ ᠮᠣᠵᠢ ᠣᠷᠣᠨ ᠤ ᠭᠤᠷᠪᠠ ᠣᠳᠠᠭᠠ ᠶᠢᠨ | ᠲᠦᠷᠪᠡᠨ ᠣᠳᠠᠰᠣᠳᠣ ᠬᠤᠭᠤᠷ ᠤᠨ ᠣᠷᠣᠯᠳᠣᠭᠠᠨ ᠳᠤ ᠣᠷᠣᠯᠴᠠᠭᠠᠳ ᠠᠳᠠᠭ ᠲᠤ ᠪᠠᠨ ᠭᠤᠷᠪᠠᠳᠤᠭᠠᠷ ᠲᠤ ᠪᠠᠰᠠ | ᠣᠷᠣᠭᠰᠠᠨ ᠦᠭᠡᠢ ᠪᠣᠯᠬᠤᠷ ᠰᠠᠶ᠋ᠢ ᠣᠰᠣᠯ ᠪᠣᠷᠣᠭᠤ ᠪᠠᠨ ᠮᠡᠳᠡᠵᠦ ᠡᠬᠦᠨ ᠠᠴᠠ ᠬᠤᠶᠢᠰᠢ ᠪᠠᠭᠰᠢ ᠶᠢᠨ ᠵᠢᠭᠠᠨ | ᠵᠢᠯᠣᠭᠤᠳᠣᠯᠭᠠ ᠪᠠᠷ ᠪᠡᠶᠡ ᠪᠠᠨ ᠴᠢᠩᠭᠠ ᠱᠠᠭᠠᠷᠳᠠᠵᠣ᠂ ᠲᠣᠰᠬᠠᠢ ᠮᠡᠷᠭᠡᠵᠢᠯ ᠢᠶᠠᠨ ᠲᠠᠰᠣᠷᠠᠯᠳᠠ ᠦᠭᠡᠢ | ᠲᠡᠭᠡᠭᠰᠢᠯᠡᠬᠦᠯᠵᠦ ᠦᠨᠳᠦᠷ ᠲᠦᠪᠰᠢᠨ ᠳᠤ ᠬᠦᠷᠬᠦ ᠪᠠᠷ ᠴᠢᠷᠮᠠᠶᠢᠨ ᠠᠵᠢᠯᠯᠠᠬᠰᠠᠨ ᠪᠠᠶᠢᠨᠠ᠃ | ᠡᠨᠡ ᠬᠤᠭᠤᠷᠣᠨᠳᠣ ᠬᠠᠨ ᠪᠣᠯᠠᠭ ᠨᠦᠬᠦᠷ ᠠᠵᠢᠯᠯᠠᠬᠤ ᠭᠡᠷ ᠠᠴᠠ ᠪᠠᠨ ᠰᠢᠶᠠᠩ ᠪᠣᠣ ᠶᠢᠨ ᠬᠦᠭᠵᠢᠮᠳᠡᠵᠦ | ᠪᠠᠶᠢᠭᠠ ᠠᠶᠠᠰ ᠵᠢᠭᠠᠬᠠᠨ ᠪᠣᠷᠣᠭᠤ ᠪᠣᠯᠣᠯᠠ ᠭᠡᠪᠡᠯ ᠬᠦᠷᠴᠦ ᠣᠴᠢᠭᠠᠳ ᠴᠠᠭ ᠲᠣᠬᠠᠢ ᠳᠤ ᠨᠢ ᠵᠠᠰᠠᠨ ᠵᠠᠯᠠᠷᠠᠭᠤᠯᠣᠨ | ᠦᠭᠳᠡᠭ ᠶᠤᠮ᠃ ᠬᠠᠨ ᠪᠣᠯᠠᠭ ᠤᠨ ᠬᠢᠨᠠᠮᠠᠭᠠᠢ ᠵᠢᠯᠣᠭᠤᠳᠣᠯᠭᠠ᠂ ᠬᠠᠯᠠᠰᠢᠷᠠᠯ ᠦᠭᠡᠢ ᠰᠣᠷᠭᠠᠮᠵᠢ ᠪᠠᠷ ᠰᠢᠶᠠᠩ ᠪᠣᠣ | ᠨᠦᠬᠦᠷ ᠤᠨ ᠲᠠᠳᠠᠵᠣ ᠬᠦᠭᠵᠢᠮᠳᠡᠬᠦ ᠮᠡᠷᠭᠡᠵᠢᠯ ᠮᠠᠰᠢ ᠲᠦᠷᠭᠡᠨ ᠳᠡᠭᠡᠭᠰᠢᠯᠡᠵᠦ 2013 ᠣᠨ ᠤ ᠨᠠᠢᠮᠠᠨ ᠮᠣᠵᠢ | ᠣᠷᠣᠨ ᠤ ᠲᠦᠷᠪᠡᠨ ᠣᠳᠠᠰᠣᠳᠣ ᠬᠤᠭᠤᠷ ᠤᠨ ᠣᠷᠣᠯᠳᠣᠭᠠᠨ ᠳᠤ ᠦᠨᠳᠦᠷ ᠬᠤᠪᠢ ᠪᠠᠷ ᠨᠢᠭᠡᠳᠦᠭᠡᠷ ᠲᠡᠰ ᠤᠨ | ᠱᠠᠩᠨᠠᠯ ᠢ ᠲᠣᠰᠣᠭᠰᠠᠨ ᠪᠦᠭᠡᠳ 2016 ᠣᠨ ᠤ ᠪᠡᠭᠡᠵᠢᠩ ᠳᠤ ᠪᠣᠯᠣᠭᠰᠠᠨ ᠪᠦᠬᠦ ᠣᠯᠣᠰ ᠤᠨ ᠴᠦᠬᠡᠨ ᠲᠣᠭᠠᠳᠣ | ᠦᠨᠳᠦᠰᠦᠳᠡᠨ ᠤ ᠣᠷᠠᠯᠢᠭ ᠤᠨ ᠲᠣᠭᠯᠠᠯᠳᠠ ᠳᠤ ᠠᠯᠳᠠᠨ ᠮᠧᠳᠠᠯ ᠢᠶᠠᠷ ᠡᠩᠭᠡᠷ ᠢᠶᠠᠨ ᠮᠢᠯᠢᠶᠠᠯᠭᠠᠭᠰᠠᠨ ᠪᠠᠶᠢᠨᠠ᠃ | ᠡᠭᠦᠨ ᠢᠶᠠᠷ ᠦᠯᠦ ᠪᠠᠷᠠᠨ᠂ ᠪᠦᠬᠦ ᠣᠷᠣᠨ ᠤ ᠵᠢᠷᠭᠤᠳᠣᠭᠠᠷ ᠬᠤᠭᠤᠴᠠᠭᠠ ᠶᠢᠨ ᠣᠯᠠᠭᠠᠨᠮᠦ᠋ᠴᠢᠷ ᠤᠨ ᠲᠣᠭᠯᠠᠯᠳᠠ ᠳᠤ | ᠲᠡᠷᠢᠬᠦᠨ ᠰᠠᠭᠤᠳᠠᠯ ᠳᠤ ᠰᠠᠭᠤᠭᠰᠠᠨ ᠵᠡᠷᠭᠡ ᠠᠯᠢ ᠤᠯᠠᠨ ᠢᠷᠠᠭᠤ ᠠᠯᠳᠠᠷ ᠢ ᠬᠦᠷᠲᠡᠪᠠ᠃ | ᠦᠨᠦ ᠵᠢᠯ ᠤᠨ ᠬᠠᠪᠤᠷ ᠤᠨ ᠦᠶᠡᠰ ᠢᠶᠠᠷ ᠬᠤᠰᠢᠭᠤᠨ ᠤ ᠪᠠᠨ ᠰᠤᠶᠤᠯ ᠤᠨ ᠭᠡᠷ ᠤᠨ ᠳᠠᠷᠤᠭᠠ ᠪᠠᠷ ᠠᠵᠢᠯ | ᠰᠢᠯᠵᠢᠭᠰᠡᠨ ᠬᠠᠨ ᠪᠤᠯᠠᠬ ᠲᠤᠬᠠᠢᠢᠯᠠᠬᠰᠠᠨ ᠠᠵᠢᠯ ᠳᠤ ᠪᠠᠨ ᠨᠠᠷᠢᠨ ᠬᠢᠨᠠᠮᠠᠭᠠᠢ ᠨᠢᠭᠡ ᠰᠡᠳᠬᠢᠯ ᠢᠶᠠᠷ ᠴᠢᠷᠮᠠᠶᠢᠨ | ᠠᠵᠢᠯᠯᠠᠵᠦ ᠬᠠᠮᠲᠦ ᠠᠵᠢᠯᠯᠠᠬᠰᠡᠳ ᠤᠨ ᠢᠶᠠᠨ ᠬᠦᠷᠢᠶᠡᠯᠡᠯ ᠢ ᠬᠦᠷᠲᠡᠵᠦ ᠠᠵᠢᠯ ᠤᠨ ᠪᠠᠶᠢᠷᠢ ᠳᠤ ᠪᠠᠨ ᠢᠳᠡᠭᠡᠯ | ᠲᠡᠭᠦᠯᠳᠡᠷ ᠤᠷᠤᠬᠰᠢᠯᠡᠵᠦ ᠪᠠᠶᠢᠨᠡᠮ᠃ |