| — ᠲᠤᠮᠳᠠᠳᠦ ᠬᠤᠰᠢᠭᠤᠨ ᠤ ᠤᠤ ᠵᠢᠶᠠᠩ ᠶᠦᠨ ᠤ ᠢᠯᠬᠢᠨ ᠴᠠᠭᠠᠰᠤᠨ ᠭᠠᠷ ᠤᠷᠠᠯᠠᠯ ᠢ ᠬᠦᠭᠵᠢᠬᠦᠯᠵᠦ ᠪᠠᠶᠢᠭᠠ | ᠲᠤᠬᠠᠢ ᠰᠤᠷᠪᠤᠯᠵᠢᠯᠠᠭᠠ | ᠨᠡᠶᠢᠭᠡᠮ ᠠᠬᠤᠢ ᠶᠢᠨ ᠨᠦᠬᠦᠴᠡᠯ ᠰᠢᠯᠳᠠᠭᠠᠨ᠂ ᠴᠠᠭ ᠡᠷᠡᠨ ᠤ ᠬᠦᠭᠵᠢᠯᠳᠡ ᠶᠢ ᠲᠠᠭᠠᠯᠳᠤᠨ ᠤᠯᠠᠮᠵᠢᠯᠠᠯᠳᠦ | ᠮᠤᠩᠭᠤᠯ ᠠᠮᠢᠳᠤᠷᠠᠯ ᠮᠢᠨᠢ ᠪᠢᠳᠡᠡ ᠠᠴᠠ ᠤᠯᠠᠮ ᠢᠶᠠᠷ ᠬᠤᠯᠠᠳᠠᠵᠦ᠂ ᠮᠤᠩᠭᠤᠯ ᠦᠭᠡ ᠬᠡᠯᠡ ᠦᠰᠦᠭ ᠪᠢᠴᠢᠭ ᠤᠨ | ᠤᠷᠤᠨ ᠵᠠᠢ ᠢᠪᠴᠤᠷᠠᠨ᠂ ᠮᠤᠩᠭᠤᠯ ᠵᠠᠩ ᠦᠢᠯᠡ ᠮᠤᠩᠭᠤᠯ ᠰᠤᠶᠤᠯ ᠢᠷᠭᠡᠨᠰᠢᠯ ᠮᠤᠩᠭᠤᠯ ᠭᠠᠷ ᠤᠷᠠᠯᠠᠯ ᠮᠢᠨᠢ | ᠶᠠᠪᠤᠬᠤ ᠲᠤᠳᠤᠮ ᠮᠠᠷᠳᠠᠭᠳᠠᠨ ᠬᠠᠶᠠᠭᠳᠠᠵᠦ ᠪᠠᠶᠢᠭᠠ ᠦᠨᠦᠳᠦᠷ ᠵᠠᠷᠢᠮ ᠦᠨᠳᠦᠰᠦᠳᠡᠨ ᠤ ᠡᠳ᠋ᠯᠠᠯ ᠬᠡᠷᠡᠭᠰᠡᠯ ᠤᠨ | ᠵᠦᠢᠯᠡᠰ ᠲᠡᠤᠭᠡ ᠶᠢᠨ ᠮᠦᠽᠸᠢ ᠳᠤ ᠯᠡ ᠤᠷᠤ ᠮᠦᠷ ᠢᠶᠠᠨ ᠦᠯᠡᠳᠡᠭᠡᠨ ᠬᠤᠴᠤᠷᠴᠦ ᠪᠠᠶᠢᠭᠠ ᠨᠢ ᠭᠠᠶᠢᠬᠠᠯᠳᠠᠢ | ᠶᠠᠪᠤᠳᠠᠯ ᠪᠢᠰᠢ ᠪᠤᠯᠵᠠᠢ᠃ | ᠬᠡᠴᠢᠨᠡᠨ ᠵᠠᠭᠤᠨ ᠤ ᠲᠡᠷᠳᠡᠭᠡ ᠦᠰᠦᠭ ᠪᠢᠴᠢᠭ ᠤᠨ ᠠᠴᠢᠶᠠᠯᠠᠭᠴᠢ ᠪᠠᠶᠢᠭᠰᠠᠨ ᠢᠯᠭᠢᠨ ᠴᠠᠭᠠᠰᠦ ᠪᠤᠯ ᠤᠳᠤ | ᠬᠠᠷᠢᠨ ᠲᠡᠤᠭᠡ ᠶᠢᠨ ᠮᠦᠽᠸᠢ ᠳᠤ ᠯᠡ ᠤᠷᠤ ᠮᠦᠷ ᠢᠶᠠᠨ ᠦᠯᠡᠳᠡᠭᠡᠵᠦ ᠬᠤᠴᠤᠷᠤᠭᠰᠠᠨ ᠮᠠᠨ ᠤ | ᠮᠤᠩᠭᠤᠯᠴᠤᠳ ᠤᠨ ᠭᠠᠷ ᠤᠷᠠᠯᠠᠯ ᠤᠨ ᠨᠢᠭᠡ ᠪᠤᠯᠬᠤ ᠶᠤᠮ᠃ | ᠢᠯᠬᠢᠨ ᠴᠠᠭᠠᠰᠦ ᠶᠢᠨ ᠤᠯᠠ ᠮᠦᠷ ᠢ ᠬᠠᠶᠢᠬᠤ ᠳᠤ ᠸᠠᠲ᠋ᠢᠺᠠᠨ ᠤᠯᠤᠰ ᠤᠨ ᠮᠦᠽᠸᠢ ᠳᠤ ᠬᠠᠳᠠᠭᠠᠯᠠᠭᠳᠠᠵᠦ | ᠪᠠᠶᠢᠭᠠ ᠮᠤᠩᠭᠤᠯ ᠬᠠᠭᠠᠨᠳᠦ ᠤᠯᠤᠰ ᠠᠴᠠ ᠷᠤᠮᠠ ᠶᠢᠨ ᠺᠠᠲ᠋ᠤᠯᠢᠭ ᠱᠠᠰᠢᠨ ᠤ ᠬᠠᠭᠠᠨ ᠳᠤ ᠢᠯᠡᠭᠡᠭᠰᠡᠨ ᠢᠯᠬᠢᠨ | ᠴᠠᠭᠠᠰᠤᠨ ᠪᠢᠴᠢᠭ ᠢ ᠲᠤᠷᠠᠳᠤᠭᠤᠰᠢᠳᠠᠢ᠃ ᠡᠨᠡ ᠪᠢᠴᠢᠭ ᠨᠢ ᠤᠷᠳᠦ ᠨᠢ 100.12 ᠰᠠᠨᠲ᠋ᠢᠮᠧᠲᠷ᠂ ᠦᠷᠭᠡᠨ ᠨᠢ | 20 ᠰᠠᠨᠲ᠋ᠢᠮᠧᠲᠷ ᠪᠠᠶᠢᠵᠦ᠂ ᠦᠰᠦᠭ ᠪᠢᠴᠢᠭ ᠨᠢ ᠲᠤᠳᠤᠷᠬᠠᠢ᠂ ᠲᠠᠮᠠᠭᠠ ᠶᠢᠨ ᠦᠩᠭᠡ ᠪᠤᠳᠤᠭ ᠬᠡᠯᠪᠡᠷᠢ | ᠲᠦᠷᠰᠦ ᠨᠢ ᠴᠦ ᠮᠠᠰᠢ ᠲᠤᠳᠤ ᠪᠠᠶᠢᠵᠦ᠂ ᠬᠡᠳᠦᠨ ᠵᠠᠭᠤᠨ ᠢᠶᠠᠷ ᠪᠦᠷᠢᠨ ᠪᠦᠳᠦᠨ ᠬᠠᠳᠠᠭᠠᠯᠠᠭᠳᠠᠭᠰᠠᠨ ᠨᠢ ᠮᠠᠰᠢ | ᠭᠠᠶᠢᠬᠠᠯᠳᠠᠢ ᠪᠢᠯᠡ᠃ ᠨᠡᠶᠢᠭᠡᠮ ᠤᠨ ᠬᠦᠭᠵᠢᠯᠳᠡ ᠶᠢ ᠲᠠᠭᠠᠯᠳᠤᠨ᠂ ᠢᠯᠬᠢᠨ ᠴᠠᠭᠠᠰᠦ ᠬᠢᠬᠦ ᠠᠯᠬᠤᠮ ᠶᠠᠪᠤᠴᠠ ᠨᠢ | ᠶᠠᠷᠰᠢᠭ ᠲᠦᠪᠡᠭᠳᠡᠢ᠂ ᠦᠪᠡᠷ ᠤᠨ ᠦᠷᠳᠡᠭ ᠦᠨᠳᠦᠷ ᠵᠡᠷᠭᠡ ᠰᠢᠯᠳᠠᠭᠠᠨ ᠠᠴᠠ ᠪᠤᠯᠵᠦ᠂ ᠤᠳᠤ ᠶᠢᠨ ᠮᠠᠨ ᠤ | ᠮᠤᠩᠭᠤᠯᠴᠤᠳ ᠤᠨ ᠠᠮᠢᠳᠤᠷᠠᠯ ᠳᠤ ᠦᠵᠡᠭᠳᠡᠬᠦ ᠪᠠᠨ ᠪᠤᠯᠢᠵᠠᠢ᠃ ᠦᠨᠦᠳᠦᠷ᠂ ᠡᠨᠡᠬᠦ ᠦᠨᠢ ᠤᠳᠠᠭᠠᠨ | ᠲᠡᠤᠭᠡ ᠲᠠᠢ ᠡᠷᠳᠡ ᠲᠡᠭᠡᠳᠦᠰ ᠤᠨ ᠬᠡᠷᠡᠭᠯᠡᠵᠦ ᠪᠠᠶᠢᠭᠰᠠᠨ ᠢᠯᠬᠢᠨ ᠴᠠᠭᠠᠰᠤᠨ ᠤ ᠭᠠᠷ ᠤᠷᠠᠯᠠᠯ ᠢ ᠦᠪᠯᠡᠵᠦ | ᠬᠦᠭᠵᠢᠬᠦᠯᠬᠦ ᠶᠢᠨ ᠲᠦᠯᠦᠭᠡ ᠂ ᠬᠤᠷᠴᠢᠨ ᠪᠠᠷᠠᠭᠤᠨ ᠭᠠᠷᠤᠨ ᠲᠤᠮᠳᠠᠳᠦ ᠬᠤᠰᠢᠭᠤᠨ ᠤ ᠰᠢᠨᠡᠵᠠᠮ ᠨᠤᠳᠤᠭ ᠲᠠᠢ | ᠤᠤ ᠵᠢᠶᠠᠩ ᠶᠦᠨ ᠤᠬᠠᠭᠠᠨ ᠰᠡᠷᠬᠦᠯᠡᠩ ᠤᠶᠤᠨ ᠲᠠᠷᠢᠬᠢ᠂ ᠤᠷᠠᠨ ᠰᠠᠮᠪᠠᠭᠠᠯᠢᠭ ᠬᠤᠶᠠᠷ ᠭᠠᠷ ᠲᠠᠭᠠᠨ | ᠲᠦᠰᠢᠭᠯᠡᠨ᠂ ᠢᠯᠬᠢᠨ ᠴᠠᠭᠠᠰᠦ ᠬᠢᠬᠦ ᠭᠠᠷ ᠤᠷᠠᠯᠠᠯ ᠢ ᠡᠷᠬᠦᠨ ᠠᠪᠴᠦ ᠬᠦᠭᠵᠢᠬᠦᠯᠦᠨ ᠮᠠᠨᠳᠤᠭᠤᠯᠬᠤ ᠪᠠᠷ | ᠴᠢᠷᠮᠠᠶᠢᠨ ᠶᠠᠪᠤᠨᠠ᠃ | ᠤᠤ ᠵᠢᠶᠠᠩ ᠶᠦᠨ ᠪᠤᠯ 1984 ᠤᠨ ᠳᠤ ᠲᠦᠷᠦᠭᠰᠡᠨ ᠭᠠᠯ ᠵᠠᠯᠠᠭᠤ ᠮᠤᠩᠭᠤᠯ ᠡᠷᠠ᠂ ᠲᠦᠰᠢᠶᠡᠳᠦ ᠴᠢᠨ | ᠸᠠᠩ ᠤᠨ ᠤᠷᠳᠤᠨ ᠤ ᠢᠯᠬᠢᠨ ᠴᠠᠭᠠᠰᠦ ᠶᠢᠨ ᠡᠬᠦᠰᠭᠡᠨ ᠡᠬᠦᠳᠦᠭᠴᠢ ᠪᠤᠯᠤᠨᠠ᠃ 2007 ᠤᠨ ᠳᠤ ᠲᠡᠷᠡ | ᠦᠪᠦᠷ ᠮᠤᠩᠭᠤᠯ ᠤᠨ ᠶᠡᠭᠡ ᠰᠤᠷᠭᠠᠭᠤᠯᠢ ᠶᠢᠨ ᠤᠳᠬᠠ ᠤᠷᠠᠯᠢᠭ ᠤᠨ ᠲᠡᠭᠡᠳᠦ ᠰᠤᠷᠭᠠᠭᠤᠯᠢ ᠶᠢᠨ ᠤᠷᠠᠨ | ᠵᠢᠷᠤᠭ ᠤᠨ ᠰᠠᠯᠪᠤᠷᠢ ᠠᠴᠠ ᠲᠡᠬᠦᠰᠪᠡ᠃ ᠢᠯᠬᠢᠨ ᠴᠠᠭᠠᠰᠦ ᠬᠢᠬᠦ ᠦᠢᠯᠡᠰ ᠢᠶᠠᠨ ᠡᠯᠬᠦᠭᠰᠡᠨ ᠨᠢ ᠨᠢᠳᠤᠨᠤᠨ ᠵᠢᠯ ᠳᠤ | ᠲᠡᠷᠡ ᠬᠠᠶᠢᠷᠠᠳᠠᠢ ᠬᠡᠤᠭᠡᠨ ᠳᠡᠭᠡᠨ ᠬᠡᠩᠭᠡᠷᠭᠡ ᠬᠢᠵᠦ ᠦᠭᠬᠦ ᠤᠴᠢᠷ ᠠᠴᠠ ᠡᠬᠢᠯᠡᠭᠰᠡᠨ ᠪᠢᠯᠡ᠃ ᠬᠠᠷᠠᠬᠠᠨ | ᠪᠠᠭᠠ ᠠᠴᠠ ᠮᠠᠯᠵᠢᠬᠤ ᠤᠷᠤᠨ ᠳᠤ ᠦᠰᠦᠭᠰᠡᠨ ᠤᠤ ᠵᠢᠶᠠᠩ ᠶᠦᠨ ᠲᠡᠭᠦᠨ ᠤ ᠪᠠᠭᠠ ᠨᠠᠰᠤᠨ ᠳᠠᠭᠠᠨ ᠡᠪᠦᠭᠡ ᠶᠢᠨ | ᠡᠯᠳᠡᠪ ᠲᠦᠷᠦᠯ ᠤᠨ ᠠᠷᠠᠰᠤᠨ ᠡᠳ᠋ᠯᠡᠯ ᠬᠢᠬᠦ ᠤᠷᠠᠨ ᠮᠡᠷᠭᠡᠵᠢᠯ ᠤᠨ ᠲᠤᠬᠠᠢ ᠤᠢ ᠰᠠᠭᠤᠭᠳᠠᠯ ᠵᠢᠴᠢ ᠦᠪᠡᠷ ᠤᠨ | ᠤᠷᠠᠨ ᠵᠢᠷᠤᠭ ᠤᠨ ᠡᠷᠬᠢᠯᠡᠭᠰᠡᠨ ᠠᠵᠢᠯ ᠲᠠᠢ ᠪᠠᠨ ᠤᠶᠠᠯᠳᠤᠭᠤᠯᠵᠦ᠂ ᠦᠨᠡ ᠬᠦᠷᠬᠦ ᠦᠭᠡᠢ ᠬᠤᠨᠢ ᠢᠮᠠᠭᠠᠨ ᠤ | ᠠᠷᠠᠰᠦ ᠶᠢ ᠡᠯᠳᠡᠵᠦ ᠪᠤᠯᠪᠠᠰᠤᠷᠠᠭᠤᠯᠤᠭᠠᠳ᠂ ᠬᠠᠶᠢᠷᠠᠳᠦ ᠤᠢᠬᠢᠨ ᠳᠡᠭᠡᠨ ᠤᠷᠠᠨ ᠰᠠᠶᠢᠬᠠᠨ ᠬᠡ ᠤᠭᠠᠯᠵᠠ ᠲᠠᠢ | ᠬᠡᠩᠭᠡᠷᠭᠡ ᠬᠢᠭᠰᠡᠨ ᠶᠤᠮ᠃ ᠲᠠᠷᠠᠪᠡᠷ ᠲᠡᠭᠦᠨ ᠤ ᠰᠠᠨᠠᠭᠠᠨ ᠳᠤ ᠢᠯᠬᠢᠨ ᠴᠠᠭᠠᠰᠦ ᠬᠢᠬᠦ ᠪᠤᠳᠤᠯ ᠤᠷᠭᠤᠵᠦ᠂ | ᠤᠯᠠᠮᠵᠢᠯᠠᠯᠳᠦ ᠠᠷᠠᠰᠦ ᠡᠯᠳᠡᠬᠦ ᠤᠷᠠᠨ ᠮᠡᠷᠭᠡᠵᠢᠯ ᠤᠨ ᠰᠠᠭᠤᠷᠢᠨ ᠲᠡᠭᠡᠷᠠ ᠰᠢᠨᠡ ᠮᠠᠲ᠋ᠧᠷᠢᠶᠠᠯ ᠬᠡᠷᠡᠭᠯᠡᠨ ᠬᠤᠨᠢᠨ | ᠠᠷᠠᠰᠦ ᠬᠤᠰᠤᠵᠦ ᠂ ᠬᠤᠶᠠᠷ ᠰᠠᠷᠠ ᠭᠠᠷᠤᠢ ᠶᠢᠨ ᠴᠠᠭ ᠵᠠᠷᠤᠴᠠᠭᠤᠯᠵᠦ ᠪᠠᠶᠢᠭᠰᠠᠨ ᠠᠴᠠ ᠤᠳᠤ ᠶᠢᠨ ᠬᠠᠭᠠᠰ | ᠰᠠᠷᠠ ᠳᠤ ᠨᠢᠭᠡ ᠠᠷᠠᠰᠤᠨ ᠪᠦᠳᠦᠭᠡᠭᠳᠡᠬᠦᠨ ᠬᠢᠵᠦ ᠭᠠᠷᠭᠠᠬᠤ ᠪᠤᠯᠵᠠᠢ᠃ ᠦᠢᠯᠡᠳᠬᠦ ᠶᠠᠪᠤᠴᠠ ᠳᠤ ᠪᠠᠨ | ᠪᠤᠯᠪᠠᠰᠤᠷᠠᠩᠭᠤᠢ ᠪᠤᠯᠬᠤ ᠵᠢᠴᠢ ᠰᠡᠳᠬᠢᠴᠡ ᠪᠠᠨ ᠲᠡᠯᠡᠭᠰᠡᠨ ᠤ ᠤᠯᠠᠮ ᠢᠶᠠᠷ᠂ ᠲᠡᠷᠡ ᠨᠢᠭᠡᠨ ᠠᠵᠦ ᠦᠢᠯᠡᠰ ᠤᠨ | ᠬᠡᠯᠬᠢᠶᠡ ᠪᠤᠯᠭᠠᠨ ᠦᠷᠭᠡᠳᠭᠡᠵᠦ ᠬᠦᠭᠵᠢᠬᠦᠯᠬᠦ ᠰᠠᠨᠠᠭᠠ ᠪᠠᠷ ᠬᠤᠷᠢ ᠭᠠᠷᠤᠢ ᠮᠧᠳ᠋ᠷ ᠲᠠᠯᠠᠪᠠᠢ ᠲᠠᠢ ᠭᠡᠷ | ᠲᠦᠷᠢᠶᠡᠰᠦᠯᠡᠨ᠂ ᠦᠪᠡᠷ ᠤᠨ ᠢᠯᠬᠢᠨ ᠴᠠᠭᠠᠰᠦ ᠦᠢᠯᠡᠳᠬᠦ ᠵᠢᠵᠢᠭ ᠦᠢᠯᠡᠳᠪᠤᠷᠢ ᠪᠠᠶᠢᠭᠤᠯᠵᠦ᠂ ᠵᠢᠯ ᠭᠠᠷᠤᠢ | ᠴᠠᠭ ᠬᠤᠭᠤᠴᠠᠭᠠᠨ ᠳᠤ ᠨᠢᠭᠡᠨᠳᠡ 200 ᠭᠠᠷᠤᠢ ᠬᠤᠨᠢᠨ ᠠᠷᠠᠰᠦ ᠬᠤᠰᠤᠵᠦ᠂ ᠢᠯᠬᠢᠨ ᠴᠠᠭᠠᠰᠤᠨ ᠤ ᠴᠢᠨᠠᠷ | ᠴᠢᠨᠰᠠᠭᠠ ᠨᠢ ᠴᠦ ᠤᠯᠠᠮ ᠠᠴᠠ ᠤᠯᠠᠮ ᠰᠠᠶᠢᠵᠢᠷᠠᠭᠰᠠᠨ ᠪᠠᠶᠢᠨᠠ᠃ | ᠤᠤ ᠵᠢᠶᠠᠩ ᠶᠦᠨ ᠢᠯᠬᠢᠨ ᠴᠠᠭᠠᠰᠦ ᠬᠢᠬᠦ ᠳᠡᠭᠡᠨ ᠲᠦᠢᠯ ᠤᠨ ᠨᠢᠮᠪᠠᠢ ᠪᠠᠶᠢᠳᠠᠭ᠃ ᠲᠡᠷᠡ ᠢᠯᠬᠢᠨ ᠴᠠᠭᠠᠰᠦ | ᠬᠢᠬᠦ ᠲᠤᠬᠠᠢ᠄ ︽ᠡᠨᠡ ᠠᠵᠢᠯ ᠢ ᠦᠵᠡᠬᠦ ᠳᠤ ᠲᠦᠬᠦᠮᠬᠡᠨ ᠰᠢᠭ ᠪᠤᠯᠪᠠᠴᠦ ᠦᠨᠡᠨᠳᠡᠭᠡᠨ ᠨᠠᠷᠢᠯᠢᠭ ᠠᠵᠢᠯ ᠪᠤᠯᠤᠨᠠ᠂ | ᠬᠢᠬᠦ ᠳᠤ ᠬᠦᠯᠢᠴᠡᠩᠬᠦᠢ ᠨᠠᠷᠢᠯᠢᠭ ᠪᠠᠶᠢᠬᠤ ᠬᠡᠷᠡᠭᠳᠡᠢ᠃ ᠢᠯᠬᠢᠨ ᠴᠠᠭᠠᠰᠦ ᠦᠢᠯᠡᠳᠬᠦ ᠳᠤ ᠤᠯᠠᠮᠵᠢᠯᠠᠯᠳᠦ | ᠠᠷᠭᠠ ᠨᠢ ᠲᠠᠪᠤᠰᠦ᠂ ᠨᠠᠷᠢᠮᠦ᠂ ᠡᠭᠡᠳᠡᠭᠰᠡᠨ ᠰᠦ᠂ ᠡᠷᠳᠡᠨᠢ ᠰᠢᠰᠢ ᠶᠢᠨ ᠭᠤᠯᠢᠷ ᠵᠡᠷᠭᠡ ᠪᠠᠷ ᠤᠰᠤᠨ ᠳᠤ | ᠲᠡᠪᠳᠦᠭᠡᠵᠦ ᠢᠰᠭᠡᠨᠠ᠂ ᠤᠳᠤ ᠤᠨᠴᠠᠭᠠᠢ ᠦᠢᠯᠡᠳᠪᠦᠷᠢᠯᠡᠭᠰᠡᠨ ᠬᠢᠮᠢ ᠶᠢᠨ ᠪᠤᠳᠠᠰ ᠢᠶᠠᠷ ᠲᠡᠪᠳᠦᠭᠡᠵᠦ ᠢᠰᠭᠡᠳᠡᠭ᠃ | ᠢᠩᠬᠢᠭᠰᠡᠨ ᠤ ᠰᠡᠬᠦᠯᠡᠷ᠂ ᠦᠰᠦ᠂ ᠲᠤᠰᠤ᠂ ᠭᠬᠢᠷ ᠪᠤᠷᠳᠠᠭ ᠢ ᠨᠢ ᠠᠷᠢᠯᠭᠠᠵᠦ᠂ ᠲᠡᠯᠡᠵᠦ ᠰᠤᠩᠭᠠᠨ | ᠬᠠᠳᠠᠭᠠᠭᠰᠠᠨ ᠤ ᠲᠠᠷᠠᠭᠠ ᠬᠤᠰᠤᠵᠦ ᠨᠢᠮᠭᠡᠯᠡᠨᠠ᠃ ᠬᠤᠨᠢᠨ ᠠᠷᠠᠰᠤᠨ ᠤ ᠭᠤᠤᠯ ᠨᠢᠷᠤᠭᠤ ᠶᠢᠨ ᠬᠡᠰᠡᠭ ᠨᠢ | ᠵᠤᠵᠠᠭᠠᠨ᠂ ᠬᠡᠪᠡᠯᠢ ᠶᠢᠨ ᠬᠡᠰᠡᠭ ᠨᠢ ᠨᠢᠮᠭᠡᠨ ᠲᠤᠯᠠ ᠬᠢᠳᠤᠭᠠ ᠪᠠᠷ ᠬᠤᠰᠤᠵᠦ ᠨᠢᠮᠭᠡᠯᠡᠬᠦ ᠳᠤ ᠮᠠᠰᠢ ᠠᠩᠬᠠᠷᠬᠤ | ᠴᠢᠬᠤᠯᠠᠳᠠᠢ᠃ ᠡᠭᠦᠨ ᠤ ᠬᠠᠮᠳᠦ᠂ ᠬᠤᠨᠢᠨ ᠠᠷᠠᠰᠤ ᠰᠤᠩᠭᠤᠬᠤ ᠳᠠᠭᠠᠨ ᠪᠠᠰᠠ ᠰᠠᠶᠢᠳᠤᠷ ᠠᠩᠬᠠᠷᠴᠦ᠂ ᠪᠦᠷᠢᠨ | ᠪᠦᠳᠦᠨ ᠬᠤᠨᠢᠨ ᠠᠷᠠᠰᠦ ᠪᠤᠯᠪᠠᠯ ᠰᠠᠶ᠋ᠢ ᠰᠠᠶᠢᠨ ᠢᠯᠬᠢᠨ ᠴᠠᠭᠠᠰᠦ ᠭᠠᠷᠴᠦ ᠲᠡᠶᠢᠯᠳᠡᠭ︾ ᠭᠡᠵᠦ ᠬᠤᠨᠢᠨ | ᠠᠷᠠᠰᠦ ᠶᠢ ᠬᠤᠰᠤᠬᠤ ᠶᠢᠨ ᠲᠠᠭᠠᠤ ᠨᠠᠷᠢᠨ ᠨᠢᠭᠳᠠ ᠲᠠᠶᠢᠯᠪᠤᠷᠢᠯᠠᠨ ᠭᠡᠯᠡᠨᠠ᠃ | ᠨᠡᠶᠢᠭᠡᠮ ᠳᠤ ᠨᠡᠶᠢᠳᠡᠮ ᠬᠡᠷᠡᠭᠯᠡᠭᠳᠡᠵᠦ ᠪᠠᠶᠢᠭᠠ ᠦᠭᠡᠢ ᠢᠯᠬᠢᠨ ᠴᠠᠭᠠᠰᠦ ᠶᠠᠮᠠᠷᠰᠢᠦ ᠦᠨᠡ ᠦᠷᠳᠡᠭ ᠲᠠᠢ | ᠪᠠᠶᠢᠬᠤ ᠲᠤᠬᠠᠢ ᠲᠡᠷᠡ᠄ ︽ᠢᠯᠬᠢᠨ ᠴᠠᠭᠠᠰᠦ ᠪᠠᠷ ᠤᠷᠠᠨ ᠪᠢᠴᠢᠯᠭᠡ᠂ ᠤᠷᠠᠨ ᠵᠢᠷᠤᠭ ᠵᠡᠷᠭᠡ ᠶᠢ ᠪᠦᠷ ᠬᠢᠵᠦ | ᠪᠤᠯᠤᠨᠠ᠃ ᠤᠷᠠᠯᠢᠭᠴᠢᠨ ᠤ ᠨᠠᠷᠢᠨ ᠬᠢᠨᠠᠮᠠᠭᠠᠢ ᠡᠭᠦᠳᠦᠨ ᠪᠦᠳᠦᠭᠡᠯᠳᠡ ᠪᠠᠷ ᠲᠠᠮᠵᠢᠨ᠂ ᠦᠪᠡᠷᠮᠢᠴᠠ ᠤᠨᠴᠠᠯᠢᠭ ᠲᠠᠢ | ᠢᠯᠬᠢᠨ ᠴᠠᠭᠠᠰᠤ ᠤᠷᠠᠯᠢᠭ ᠤᠨ ᠪᠦᠳᠦᠭᠡᠭᠳᠡᠬᠦᠨ ᠪᠤᠯᠵᠦ ᠲᠡᠶᠢᠯᠦᠨᠠ᠃ ᠢᠯᠬᠢᠨ ᠴᠠᠭᠠᠰᠦᠨ ᠤ ᠪᠦᠳᠦᠴᠡ ᠨᠢ | ᠨᠢᠭᠳᠠ᠂ ᠤᠰᠤ ᠲᠤᠰᠦ ᠶᠢ ᠰᠡᠷᠭᠡᠶᠢᠯᠡᠬᠦ ᠴᠢᠨᠠᠷ ᠢᠶᠠᠷ ᠰᠠᠶᠢᠨ ᠵᠡᠷᠭᠡ ᠴᠢᠨᠠᠷ ᠲᠠᠢ ᠠᠴᠠ ᠢᠯᠬᠢᠨ ᠴᠠᠭᠠᠰᠤᠨ ᠳ᠋ᠧᠩ᠂ | ᠢᠯᠬᠢᠨ ᠴᠠᠭᠠᠰᠤᠨ ᠬᠡᠩᠭᠡᠷᠭᠡ ᠪᠦᠷ ᠬᠢᠵᠦ ᠪᠤᠯᠬᠤ ᠲᠤᠯᠠ ᠲᠦᠢᠯ ᠤᠨ ᠰᠠᠶᠢᠨ ᠭᠠᠷ ᠤᠷᠠᠯᠠᠯ ᠤᠨ | ᠪᠦᠳᠦᠭᠡᠭᠳᠡᠬᠦᠨ ᠤ ᠮᠠᠲ᠋ᠧᠷᠢᠶᠠᠯ ᠪᠤᠯᠵᠦ ᠲᠡᠶᠢᠯᠬᠦ ᠪᠤᠯᠤᠨᠠ᠃ ᠡᠭᠦᠨ ᠤ ᠬᠠᠮᠳᠦ᠂ ᠢᠯᠬᠢᠨ ᠴᠠᠭᠠᠰᠦ ᠶᠢ ᠰᠢᠭᠤᠳ | ᠤᠳᠤᠬᠢ ᠬᠡᠪᠯᠡᠭᠦᠷ ᠲᠠᠷᠤᠮᠠᠯᠯᠠᠬᠤ ᠮᠠᠰᠢᠨ ᠢᠶᠠᠷ ᠦᠰᠦᠭ ᠴᠤᠬᠢᠵᠦ ᠪᠤᠯᠬᠤ ᠲᠤᠯᠠ ᠡᠯᠳᠡᠪ ᠤᠨ ᠬᠦᠬᠢᠬᠦᠯᠦᠯ | ᠱᠠᠩᠨᠠᠯ ᠤᠨ ᠲᠠᠷᠤᠮᠠᠯᠯᠠᠬᠤ ᠴᠠᠭᠠᠰᠦ ᠪᠠᠷ ᠬᠡᠷᠡᠭᠯᠡᠵᠦ ᠪᠤᠯᠤᠨᠠ᠃ ᠪᠢ ᠦᠪᠡᠷ ᠢᠶᠠᠨ ᠮᠠᠰᠢᠨ ᠳᠤ ᠤᠷᠤᠭᠤᠯᠵᠦ | ᠲᠤᠷᠰᠢᠵᠦ ᠦᠩᠭᠡᠷᠡᠭᠰᠡᠨ ᠶᠤᠮ︾ ᠭᠡᠵᠦ ᠢᠳᠡᠭᠡᠯ ᠲᠡᠬᠦᠯᠳᠡᠷ ᠢᠶᠠᠷ ᠬᠡᠯᠡᠵᠦ ᠪᠠᠶᠢᠯᠠ᠃ | ᠬᠤᠶᠢᠰᠢᠳᠡ ᠶᠢᠨ ᠬᠦᠭᠵᠢᠯᠳᠡ ᠶᠢᠨ ᠴᠢᠭᠯᠡᠯ ᠤᠨ ᠲᠤᠬᠠᠢ ᠤᠤ ᠵᠢᠶᠠᠩ ᠶᠦᠨ᠂ ᠪᠢ ᠡᠨᠡᠬᠦ ᠮᠠᠨ ᠤ ᠮᠤᠩᠭᠤᠯ | ᠦᠨᠳᠦᠰᠦᠳᠡᠨ ᠤ ᠦᠨᠢ ᠡᠷᠳᠡᠨ ᠤ ᠭᠠᠷ ᠤᠷᠠᠯᠠᠯ ᠢ ᠰᠠᠶᠢᠳᠤᠷ ᠤᠯᠠᠮᠵᠢᠯᠠᠨ ᠪᠠᠳᠠᠷᠠᠭᠤᠯᠵᠦ᠂ ᠢᠯᠬᠢᠨ ᠴᠠᠭᠠᠰᠦ | ᠦᠢᠯᠡᠳᠬᠦ ᠡᠷᠳᠡᠮ ᠢᠶᠠᠨ ᠲᠦᠭᠡᠮᠡᠯᠵᠢᠬᠦᠯᠦᠨ᠂ ᠤᠷᠠᠯᠢᠭ ᠤᠨ ᠪᠦᠳᠦᠭᠡᠭᠳᠡᠬᠦᠨ ᠲᠠᠢ ᠤᠶᠠᠯᠳᠤᠭᠤᠯᠵᠤ᠂ ᠢᠯᠬᠢᠨ | ᠴᠠᠭᠠᠰᠤᠨ ᠤ ᠠᠵᠦ ᠦᠢᠯᠡᠰ ᠤᠨ ᠬᠢᠯᠬᠢᠶᠡ ᠶᠢ ᠤᠷᠳᠤᠳᠬᠠᠵᠦ᠂ ᠤᠷᠤᠨ ᠨᠤᠳᠤᠭ ᠤᠨ ᠤᠨᠴᠠᠯᠢᠭ ᠲᠠᠢ ᠢᠯᠬᠢᠨ | ᠴᠠᠭᠠᠰᠤᠨ ᠪᠦᠳᠦᠭᠡᠭᠳᠡᠬᠦᠨ ᠢ ᠦᠢᠯᠡᠳᠪᠦᠷᠢᠯᠡᠨ᠂ ᠵᠤᠭᠠᠴᠠᠯ ᠤᠨ ᠲᠤᠷᠠᠰᠬᠠᠯ ᠤᠨ ᠡᠳ᠋ ᠪᠤᠯᠭᠠᠨ ᠬᠤᠳᠠᠯᠳᠤᠵᠦ | ᠵᠠᠬᠠ ᠳᠤ ᠤᠷᠤᠭᠤᠯᠬᠤ ᠪᠠᠷ ᠴᠢᠷᠮᠠᠶᠢᠨᠠ ᠭᠡᠵᠦ ᠢᠯᠡᠷᠭᠡᠶᠢᠯᠡᠵᠦ ᠪᠠᠶᠢᠯᠠ᠃ | |