| — ᠴᠠᠭᠠᠨᠪᠤᠬᠠ ᠭᠠᠴᠠᠭᠠ ᠶᠢᠨ ᠳᠠᠷᠢᠶᠠᠴᠢᠨ ᠪᠠᠳᠠᠷᠠᠯᠳᠤ ᠶᠢᠨ ᠠᠮᠢᠳᠤᠷᠠᠯ ᠦᠢᠯᠡᠰ ᠢᠶᠠᠨ ᠦᠭᠡᠳᠡᠯᠡᠭᠦᠯᠵᠤ ᠪᠠᠶᠢᠭᠠ | ᠳᠤᠬᠠᠢ ᠳᠡᠮᠳᠡᠭᠯᠡᠪᠡ | ᠠᠮᠢᠳᠤᠷᠠᠯ ᠵᠠᠷᠢᠮ ᠳᠤ ᠪᠠᠨ ᠬᠦᠮᠦᠨ ᠳᠤ ᠤᠷᠮᠠ ᠬᠠᠶᠢᠷᠠᠯᠠᠳᠠᠭ | ᠠᠮᠢᠳᠤᠷᠠᠯ ᠵᠠᠷᠢᠮ ᠳᠤ ᠪᠠᠨ ᠬᠦᠮᠦᠨ ᠢ ᠬᠠᠭᠠ ᠪᠠᠶᠠᠷᠯᠠᠭᠤᠯᠳᠠᠭ | ᠠᠮᠢᠳᠤᠷᠠᠯ ᠵᠠᠷᠢᠮ ᠳᠤ ᠪᠠᠨ ᠬᠦᠮᠦᠨ ᠢ ᠬᠠᠳᠠ ᠮᠦᠷᠭᠦᠭᠦᠯᠳᠡᠭ | ᠠᠮᠢᠳᠤᠷᠠᠯ ᠵᠠᠷᠢᠮ ᠳᠤ ᠪᠠᠨ ᠬᠦᠮᠦᠨ ᠳᠤ ᠬᠦᠰᠡᠯ ᠤᠷᠭᠤᠭᠤᠯᠳᠠᠭ᠃ | ᠬᠠᠳᠠᠨ ᠵᠤᠷᠢᠭ ᠲᠠᠢ ᠬᠦᠮᠦᠨ ᠳᠤ ᠬᠠᠳᠠ ᠴᠢᠯᠠᠭᠤ ᠪᠤᠯᠪᠠᠴᠤ ᠬᠠᠭᠠᠷᠠᠵᠤ ᠬᠡᠮᠬᠡᠷᠡᠳᠡᠭ ᠭᠡᠯᠳᠡᠢ︕ ᠬᠤᠷᠴᠢᠨ | ᠪᠠᠷᠠᠭᠤᠨ ᠭᠠᠷᠤᠨ ᠳᠤᠮᠳᠠᠳᠤ ᠬᠤᠰᠢᠭᠤᠨ ᠤ ᠡᠮᠳᠤ ᠶᠢᠨ ᠭᠤᠤᠯ ᠰᠤᠮᠤ ᠶᠢᠨ ᠴᠠᠭᠠᠨᠪᠤᠬᠠ ᠭᠠᠴᠠᠭᠠᠨ ᠤ ᠳᠠᠷᠢᠶᠠᠴᠢᠨ | ᠵᠠᠯᠠᠭᠤ ᠪᠠᠳᠠᠷᠠᠯᠳᠤ ᠰᠢᠨᠵᠢᠯᠡᠬᠦ ᠤᠬᠠᠭᠠᠨᠴᠢ ᠪᠠᠷ ᠲᠠᠬᠢᠶᠠ ᠲᠡᠵᠢᠭᠡᠭᠡᠳ ᠪᠠᠶᠠᠵᠢᠯ ᠤᠨ ᠵᠠᠮ ᠢ ᠡᠷᠢᠯᠬᠢᠯᠡᠵᠦ᠂ ᠠᠷᠠᠳ | ᠤᠯᠠᠨ ᠳᠠᠭᠠᠨ ᠦᠯᠢᠭᠡᠷ ᠳᠠᠭᠤᠷᠢᠶᠠᠯ ᠪᠤᠯᠵᠤ ᠶᠠᠪᠤᠨᠠ ᠪᠢᠯᠡ᠃ | ᠪᠠᠳᠠᠷᠠᠯᠳᠤ᠂ ᠲᠤᠮᠳᠠᠳᠤ ᠰᠤᠷᠭᠠᠭᠤᠯᠢ ᠳᠤ ᠰᠤᠷᠤᠯᠴᠠᠵᠤ ᠪᠠᠶᠢᠬᠤ ᠦᠶᠡ ᠳᠤ ᠲᠡᠭᠦᠨ ᠤ ᠠᠴᠢᠳᠤ ᠠᠪᠤ ᠨᠢ | ᠠᠵᠠ ᠪᠤᠰᠤ ᠪᠠᠷ ᠲᠠᠷᠢᠬᠢᠨ ᠳᠤ ᠨᠢ ᠴᠢᠰᠤ ᠬᠠᠷᠪᠤᠬᠤ ᠡᠪᠡᠳᠴᠢᠨ ᠢᠶᠠᠷ ᠭᠡᠨᠡᠳᠳᠡ ᠨᠠᠰᠤ ᠪᠠᠷᠠᠵᠤ᠂ ᠠᠵᠤ | ᠠᠮᠢᠳᠤᠷᠠᠯ ᠤᠨ ᠠᠯᠢᠪᠠ ᠬᠦᠴᠢᠷ ᠲᠠᠷᠤᠭᠠᠰᠤ ᠨᠢ ᠪᠦᠷ ᠠᠷᠬᠠᠭ ᠭᠡᠮ ᠲᠠᠢ ᠡᠵᠢ ᠶᠢᠨ ᠬᠢᠨᠢ ᠬᠤᠶᠠᠷ ᠮᠦᠷᠦᠨ | ᠲᠡᠭᠡᠷᠡ ᠨᠢ ᠢᠪ ᠲᠠᠷᠤᠨ ᠪᠠᠭᠤᠬᠤ ᠳᠤ ᠦᠵᠡᠵᠦ ᠶᠠᠳᠠᠨ ᠪᠢᠷ ᠢᠶᠠᠨ ᠬᠠᠶᠠᠨ ᠰᠤᠷᠤᠯᠭᠠ ᠪᠠᠨ ᠬᠠᠭᠠᠰ ᠵᠤᠭᠰᠤᠨ | ᠠᠷᠤ ᠭᠡᠷ ᠲᠡᠭᠡᠨ ᠪᠤᠴᠠᠵᠤ ᠠᠳᠠᠯ ᠠᠮᠢᠳᠤᠷᠠᠯ ᠢᠶᠠᠨ ᠲᠤᠯᠭᠠᠭᠤᠷᠢᠯᠠᠵᠤ ᠠᠪᠤᠭᠰᠠᠨ ᠪᠢᠯᠡ᠃ ᠪᠠᠳᠠᠷᠠᠯᠳᠤ ᠶᠢᠨ ᠠᠪᠤ ᠨᠢ | ᠡᠪᠡᠳᠴᠢᠯᠡᠵᠦ ᠭᠡᠳᠦᠨ ᠵᠢᠯ ᠡᠮᠨᠡᠭᠦᠯᠦᠭᠰᠡᠨ ᠤ ᠳᠡᠭᠡᠷᠡ ᠡᠵᠢ ᠨᠢ ᠪᠠᠰᠠ ᠨᠢᠭᠡ ᠤᠳᠠᠭᠠ ᠮᠠᠰᠠ ᠵᠠᠰᠠᠯ | ᠬᠢᠯᠭᠡᠭᠰᠡᠨ ᠠᠴᠠ ᠠᠮᠢᠳᠤᠷᠠᠯ ᠨᠢ ᠦᠷᠢ ᠰᠢᠷᠢ ᠲᠠᠢ ᠪᠤᠯᠵᠤ ᠬᠦᠴᠢᠷᠳᠡᠯᠳᠡᠢ ᠪᠤᠯᠪᠠ᠃ ᠲᠡᠷᠡ ᠲᠠᠷᠢᠶᠠ ᠶᠢ ᠲᠦᠰᠢᠭᠡᠳ | ᠪᠤᠯᠬᠤ ᠦᠭᠡᠢ᠂ ᠠᠷᠪᠠᠨ ᠵᠢᠯ ᠤᠨ ᠲᠤᠯᠤᠭᠠᠨ ᠵᠢᠯ ᠨᠢ ᠭᠠᠩ ᠬᠠᠭᠰᠠᠷᠠᠭᠠᠨ ᠪᠤᠯᠵᠤ ᠤᠯᠬᠤ ᠶᠠᠭᠤᠮᠠ ᠦᠭᠡᠢ᠂ | ᠬᠠᠰᠢᠯᠠ ᠭᠠᠳᠠᠨᠠ ᠶᠠᠪᠤᠵᠤ ᠵᠤᠭᠤᠰ ᠤᠯᠬᠤ ᠨᠢ ᠵᠦᠪ ᠭᠡᠵᠦ ᠦᠵᠡᠭᠡᠳ ᠰᠢᠯᠢᠩᠭᠤᠤᠯ ᠤᠨ ᠵᠡᠭᠦᠨ | ᠦᠵᠦᠮᠦᠴᠢᠨ ᠢᠶᠠᠷ ᠤᠴᠢᠵᠤ ᠮᠠᠶᠢᠮᠠᠢ ᠬᠢᠵᠦ ᠦᠵᠡᠯᠡ᠂ ᠪᠠᠷᠠᠭᠠ ᠲᠡᠭᠡᠭᠡᠵᠦ ᠦᠵᠡᠯᠡ᠂ ᠬᠤᠳᠳᠤᠭ ᠮᠠᠯᠳᠠᠵᠤ | ᠶᠠᠪᠤᠯᠠ᠂ ᠬᠤᠳᠠᠯᠳᠤᠭᠠ ᠡᠷᠬᠢᠯᠡᠵᠦ ᠦᠵᠡᠯᠡ᠃ ᠡᠭᠦᠨ ᠤ ᠳ᠋ᠦᠩ ᠳᠤ᠂ ᠨᠢᠭᠡ ᠨᠠᠰᠤ ᠪᠠᠷ ᠢᠶᠠᠨ ᠭᠠᠳᠠᠭᠰᠢ | ᠭᠦᠶᠦᠭᠡᠳ ᠲᠤᠰᠠ ᠭᠠᠷᠬᠤ ᠦᠭᠡᠢ᠂ ᠬᠠᠮᠢᠭᠠᠬᠢ ᠭᠠᠵᠠᠷ ᠰᠢᠷᠦᠢ ᠬᠦᠮᠦᠨ ᠢ ᠲᠡᠵᠢᠭᠡᠵᠦ ᠲᠡᠶᠢᠯᠬᠦ ᠦᠭᠡᠢ ᠶᠤᠮ ᠪᠤᠢ᠂ | ᠲᠠᠷᠢᠬᠢ ᠲᠠᠢ ᠯᠠ ᠶᠤᠮ ᠪᠤᠯ ᠬᠠᠮᠢᠭᠠ ᠤᠴᠢᠪᠠᠴᠤ ᠠᠳᠠᠯᠢᠬᠠᠨ ᠠᠮᠢᠳᠤᠷᠠᠨᠠ ᠭᠡᠵᠤ ᠵᠤᠷᠢᠭ ᠰᠢᠢᠳᠴᠤ | ᠨᠤᠳᠤᠭ ᠲᠠᠭᠠᠨ ᠪᠤᠴᠠᠨ ᠢᠷᠡᠪᠡ᠃ | ᠦᠩᠭᠡ ᠵᠢᠰᠤ ᠲᠦᠪᠯᠡᠬᠦᠨ᠂ ᠤᠬᠠᠭᠠᠨ ᠰᠠᠨᠠᠭᠠ ᠬᠦᠢᠴᠡᠳ᠂ ᠦᠭᠡᠳᠡᠷᠬᠡᠭ ᠵᠠᠯᠠᠭᠤ ᠪᠠᠳᠠᠷᠠᠯᠳᠤ 2010 | ᠤᠨ ᠳᠤ ᠦᠵᠡᠰᠭᠦᠯᠡᠩ ᠭᠤᠶᠤ ᠬᠡᠦᠬᠡᠨ ᠭᠧᠨ ᠰᠢᠶᠦ᠋ᠩ ᠲᠠᠢ ᠠᠶᠢᠯ ᠭᠡᠷ ᠪᠠᠶᠢᠭᠤᠯᠵᠤ ᠵᠤᠯ ᠵᠢᠷᠭᠠᠯᠳᠤ | ᠠᠮᠢᠳᠤᠷᠠᠯ ᠢᠶᠠᠨ ᠡᠭᠢᠯᠡᠭᠦᠯᠪᠡ᠃ ᠲᠡᠷᠡ ᠭᠠᠵᠠᠷ ᠤᠷᠤᠨ ᠤ ᠪᠤᠳᠠᠳᠤ ᠪᠠᠶᠢᠳᠠᠯ ᠢᠶᠠᠨ ᠦᠨᠳᠦᠰᠦᠯᠡᠵᠤ᠂ ᠲᠠᠬᠢᠶᠠ | ᠲᠡᠵᠢᠭᠡᠵᠦ ᠤᠷᠤᠯᠭᠠ ᠪᠠᠨ ᠨᠡᠮᠡᠭᠳᠡᠭᠦᠯᠬᠦ ᠪᠠᠷ 2015 ᠤᠨ ᠳᠤ ᠲᠦᠮᠡ ᠭᠠᠷᠤᠢ ᠲᠦᠭᠦᠷᠢᠭ ᠤᠨ ᠪᠡᠯᠡ ᠮᠦᠩᠭᠦ | ᠵᠠᠷᠤᠴᠠᠭᠤᠯᠵᠤ ᠪᠠᠶᠢᠭᠠᠳ ᠴᠤᠷᠪᠠᠭᠠ ᠨᠡᠪᠴᠢᠭᠡᠬᠦ ᠮᠠᠰᠢᠨ ᠲᠤᠨᠤᠭ ᠵᠡᠷᠭᠡ ᠶᠢ ᠢᠵᠢ ᠪᠦᠷᠢᠳᠦᠭᠦᠯᠵᠤ᠂ ᠲᠠᠬᠢᠶᠠ | ᠲᠡᠵᠢᠭᠡᠬᠦ ᠲᠤᠮᠦ ᠬᠠᠰᠢᠶᠠ ᠰᠠᠷᠠᠪᠴᠢ ᠪᠠᠶᠢᠭᠤᠯᠵᠤ᠂ ᠲᠠᠬᠢᠶᠠ ᠲᠡᠵᠢᠭᠡᠬᠦ ᠲᠤᠰᠬᠠᠢ ᠮᠡᠷᠭᠡᠵᠢᠯ ᠰᠤᠷᠴᠤ ᠡᠵᠡᠮᠰᠢᠪᠡ᠃ | ᠠᠩᠬᠠ ᠡᠬᠢᠯᠡᠮᠡᠭᠴᠡ ᠮᠢᠩᠭᠠᠨ ᠴᠤᠷᠪᠠᠭᠠ ᠠᠪᠴᠤ ᠳᠡᠵᠢᠭᠡᠵᠤ᠂ ᠡᠳᠡᠭᠡᠷᠡᠯᠳᠠ ᠶᠢᠨ ᠨᠤᠷᠮᠠ ᠨᠢ ᠵᠠᠭᠤᠨ ᠤ ᠲᠠᠯᠠ ᠳᠤ | ᠬᠦᠷᠦᠭᠰᠡᠨ ᠪᠠᠶᠢᠯᠠ᠃ ᠲᠡᠷᠡ ᠭᠡᠷᠭᠡᠢ ᠲᠠᠢ ᠪᠠᠨ ᠵᠤᠷᠢᠭ ᠮᠤᠬᠤᠷᠠᠭᠰᠠᠨ ᠦᠭᠡᠢ᠂ ᠭᠡᠮᠳᠤᠯ ᠰᠦᠢᠳᠤᠯ ᠤᠨ | ᠰᠢᠯᠳᠠᠭᠠᠨ ᠢ ᠨᠢ ᠡᠷᠢᠵᠦ ᠳᠡᠵᠢᠭᠡᠵᠤ ᠦᠷᠡᠵᠢᠭᠦᠯᠬᠦ ᠦᠢᠯᠡᠰ ᠢᠶᠠᠨ ᠦᠷᠭᠦᠯᠵᠢᠯᠡᠨ ᠬᠦᠭᠵᠢᠭᠦᠯᠪᠡ᠃ | ᠪᠠᠳᠠᠷᠠᠯᠳᠤ ᠶᠢᠨ ᠬᠢᠨ ᠭᠤᠷᠪᠠᠨ ᠲᠠᠰᠤᠯᠭᠠ ᠭᠡᠷ ᠤᠨ ᠢᠶᠠᠨ ᠵᠡᠭᠦᠨ ᠪᠠᠷᠠᠭᠤᠨ ᠳᠠᠯᠠ ᠪᠠᠷ ᠫᠧᠩ ᠰᠠᠷᠠᠪᠴᠢ | ᠪᠠᠶᠢᠭᠤᠯᠵᠤ᠂ ᠶᠤᠰᠤᠳᠠᠢ ︽ᠠᠵᠢᠯᠰᠠᠭ ᠬᠦᠮᠦᠨ ᠤ ᠠᠮᠢᠳᠤᠷᠠᠯ ᠦᠭᠡᠳᠡ ᠲᠠᠢ︾ ᠭᠡᠳᠡᠭ ᠪᠤᠷᠤᠭᠤ ᠦᠭᠡᠢ ᠰᠠᠨ᠃ | ᠲᠡᠷᠡ ᠳᠠᠬᠢᠶᠠ ᠳᠡᠵᠢᠭᠡᠵᠤ ᠦᠷᠡᠵᠢᠭᠦᠯᠦᠭᠰᠡᠨ ᠦᠢᠯᠡᠳᠦᠯᠭᠡ ᠳᠤᠷᠰᠢᠯᠭᠠ ᠶᠢᠨ ᠢᠶᠠᠨ ᠳᠤᠬᠠᠢ᠄ ︽ᠪᠢᠳᠡ ᠭᠤᠣᠯᠳᠠᠭᠤ | ᠠᠯᠠᠰᠢᠨ ᠲᠠᠬᠢᠶᠠ ᠪᠠ ᠦᠨᠳᠡᠭᠡᠨ ᠲᠠᠬᠢᠶᠠ ᠲᠡᠵᠢᠭᠡᠵᠦ᠂ ᠤᠭᠤᠷᠠᠭ ᠤᠨ ᠰᠢᠪᠳᠤᠷᠳᠤ ᠬᠦᠴᠢᠯ ᠢᠶᠠᠷ ᠠᠯᠠᠰᠢᠨ | ᠲᠠᠬᠢᠶᠠ ᠶᠢ ᠲᠡᠵᠢᠭᠡᠪᠡᠯ ᠪᠡᠶᠡ ᠶᠢᠨ ᠬᠦᠨᠳᠦ ᠶᠢ ᠨᠢ ᠲᠦᠷᠭᠡᠨ ᠨᠡᠮᠡᠭᠳᠡᠭᠦᠯᠦᠨᠡ᠂ ᠠᠯᠠᠰᠢᠨ ᠲᠠᠬᠢᠶᠠ ᠨᠢ ᠭᠤᠷᠪᠠᠨ ᠵᠢᠩ | ᠦᠰᠬᠦ ᠳᠤ ᠵᠦᠪᠬᠡᠨ ᠵᠢᠷᠭᠤᠭᠠᠨ ᠭᠠᠷᠠᠭ ᠤᠨ ᠬᠤᠭᠤᠴᠠᠭᠠ ᠬᠡᠷᠡᠭᠰᠡᠵᠦ᠂ ᠵᠢᠷᠭᠤᠭᠠᠨ ᠭᠷᠠᠮ ᠤᠨ ᠤᠭᠤᠷᠠᠭ ᠤᠨ | ᠰᠢᠪᠳᠤᠷᠳᠤ ᠬᠦᠴᠢᠯ ᠬᠡᠷᠡᠭᠰᠡᠨᠡ᠃ ᠡᠩ ᠤᠨ ᠠᠷᠭᠠ ᠪᠠᠷ ᠬᠤᠶᠠᠷ ᠵᠢᠩ ᠮᠢᠬᠠ ᠨᠡᠮᠡᠭᠳᠡᠭᠦᠯᠬᠦ ᠳᠤ ᠠᠷᠪᠠᠨ ᠵᠢᠩ | ᠪᠤᠷᠳᠤᠭᠠ ᠬᠡᠷᠡᠭᠰᠡᠳᠡᠭ ᠪᠠᠶᠢᠨᠠ᠂ ᠭᠡᠳᠡᠯᠡ ᠲᠦᠷᠪᠡᠨ ᠭᠷᠠᠮ ᠤᠭᠤᠷᠠᠭ ᠤᠨ ᠰᠢᠪᠳᠤᠷᠳᠤ ᠬᠦᠴᠢᠯ ᠪᠤᠯᠤᠨ ᠪᠠᠭᠠ | ᠬᠡᠮᠵᠢᠶᠠᠨ ᠤ ᠸᠢᠲ᠋ᠠᠮᠢᠨ ᠨᠡᠮᠡᠵᠦ ᠦᠭᠪᠡᠯ ᠲᠠᠪᠤᠨ ᠵᠢᠩ ᠪᠤᠷᠳᠤᠭᠠ ᠠᠷᠪᠢᠯᠠᠵᠤ ᠴᠢᠳᠠᠨᠠ᠃ ᠪᠠᠰᠠ ᠲᠠᠬᠢᠶᠠ ᠲᠡᠵᠢᠭᠡᠬᠦ | ᠲᠠᠯᠬᠠ ᠪᠠᠷ ᠲᠡᠵᠢᠭᠡᠵᠦ ᠲᠠᠬᠢᠶᠠᠨ ᠮᠢᠬᠠ ᠶᠢ ᠨᠡᠮᠡᠭᠳᠡᠭᠦᠯᠵᠦ ᠪᠤᠯᠤᠨᠠ᠃ ᠲᠠᠷᠤᠢ ᠲᠠᠬᠢᠶᠠ ᠲᠡᠵᠢᠭᠡᠬᠦ ᠲᠠᠯᠬᠠ ᠶᠢ | ᠪᠤᠷᠳᠤᠭᠠ ᠲᠤᠳᠤᠷᠠ ᠨᠢ ᠬᠤᠯᠢᠵᠤ ᠤᠰᠤ ᠪᠠᠷ ᠵᠢᠭᠤᠷᠠᠨᠠ᠃ ᠨᠢᠭᠡ ᠲᠠᠬᠢᠶᠠᠨ ᠳᠤ ᠨᠢᠭᠡ ᠡᠳᠦᠷ ᠨᠢᠭᠡ ᠭᠷᠠᠮ ᠢᠶᠠᠷ᠂ | ᠬᠤᠶᠠᠷ ᠡᠳᠦᠷ ᠲᠤ ᠨᠢᠭᠡ ᠤᠳᠠᠭᠠ ᠲᠡᠵᠢᠭᠡᠨᠡ᠂ ᠪᠠᠷᠤᠭ ᠬᠠᠭᠠᠰ ᠰᠠᠷᠠ ᠲᠡᠵᠢᠭᠡᠪᠡᠯ ᠲᠠᠬᠢᠶᠠ ᠪᠦᠷᠢ ᠶᠢᠨ ᠪᠡᠶᠡ ᠶᠢᠨ | ᠬᠦᠨᠳᠦ ᠨᠢ ᠲᠤᠮᠳᠠᠴᠢ ᠪᠠᠷ ᠡᠳᠦᠷ ᠪᠦᠷᠢ 25 — 50 ᠭᠷᠠᠮ ᠨᠡᠮᠡᠭᠳᠡᠵᠦ᠂ ᠬᠤᠶᠠᠷ ᠰᠠᠷᠠ ᠬᠢᠷᠢᠳᠡᠢ ᠲᠡᠵᠢᠭᠡᠪᠡᠯ | ᠪᠡᠶᠡ ᠭᠦᠢᠴᠡᠭᠰᠡᠨ ᠲᠠᠬᠢᠶᠠ ᠪᠤᠯᠵᠤ ᠬᠤᠳᠠᠯᠳᠤᠴᠢᠬᠠᠳᠠᠭ᠂ ᠡᠨᠡ ᠲᠠᠬᠢᠶᠠᠨ ᠤ ᠮᠢᠬᠠ ᠨᠢ ᠵᠦᠭᠡᠯᠡᠨ ᠮᠦᠷᠳᠡᠭᠡᠨ | ᠠᠮᠳᠠᠳᠠᠢ ᠪᠠᠶᠢᠳᠠᠭ᠂ ᠲᠦᠷᠦᠭᠦᠴᠢ ᠶᠢᠨ ᠵᠢᠯ ᠳᠤ ᠲᠠᠬᠢᠶᠠ ᠪᠦᠷᠢ ᠶᠢ ᠲᠠᠯᠠᠨ ᠲᠦᠭᠦᠷᠢᠭ ᠢᠶᠠᠷ 400 | ᠬᠤᠳᠠᠯᠳᠤᠭᠰᠠᠨ᠂ ᠬᠤᠶᠠᠳᠤᠭᠠᠷ ᠵᠢᠯ ᠳᠤ ᠨᠢ 800 ᠬᠤᠳᠠᠯᠳᠤᠭᠰᠠᠨ᠂ ᠡᠨᠡ ᠵᠢᠯ ᠪᠠᠰᠠ 400 ᠬᠤᠳᠠᠯᠳᠤᠭᠰᠠᠨ᠂ | ᠦᠨᠳᠡᠭᠡᠨ ᠲᠠᠬᠢᠶᠠ ᠦᠨᠳᠡᠭᠡᠯᠡᠬᠦ ᠬᠤᠭᠤᠴᠠᠭᠠᠨ ᠳᠤ ᠪᠠᠨ 60 — 70 ᠦᠨᠳᠡᠭᠡ ᠬᠤᠷᠢᠶᠠᠳᠠᠭ ᠪᠠᠶᠢᠭᠰᠠᠨ᠂ | ᠡᠭᠦᠨ ᠠᠴᠠ ᠭᠠᠭᠴᠠ ᠲᠠᠷᠢᠶᠠ ᠶᠢ ᠲᠦᠰᠢᠬᠦ ᠪᠠᠷ ᠢᠶᠠᠨ ᠬᠡᠳᠦᠨ ᠲᠠᠯᠠ ᠪᠠᠷ ᠤᠷᠤᠯᠭᠠ ᠪᠠᠨ ᠨᠡᠮᠡᠭᠳᠡᠭᠦᠯᠬᠦ ᠨᠢ | ᠵᠦᠢᠳᠡᠢ ᠭᠡᠵᠦ ᠪᠤᠳᠤᠭᠰᠡᠨ ᠮᠢᠨᠢ ᠵᠦᠪ ᠪᠤᠯᠵᠠᠢ︾ ᠭᠡᠵᠦ ᠪᠠᠶᠠᠷᠯᠠᠨ ᠶᠠᠷᠢᠯᠠ᠃ | ᠶᠠᠮᠠᠷ ᠠᠵᠢᠯ ᠢ ᠬᠢᠭᠰᠡᠨ ᠴᠤ ᠲᠠᠷᠢᠬᠢ ᠲᠤᠯᠤᠭᠠᠢ ᠪᠠᠨ ᠢᠯᠡᠭᠦᠬᠡᠨ ᠬᠦᠳᠡᠯᠭᠡᠵᠦ᠂ ᠵᠦᠪ ᠲᠠᠨᠢᠯᠳᠠ ᠲᠠᠢ | ᠪᠠᠶᠢᠪᠠᠯ ᠵᠦᠪ ᠠᠮᠢᠳᠤᠷᠠᠬᠤᠢ ᠶᠢᠨ ᠦᠷᠳᠡᠭ ᠢ ᠭᠠᠷᠭᠠᠵᠤ ᠳᠡᠶᠢᠯᠦᠨᠡ᠃ ᠲᠡᠷᠡ ᠠᠮᠢᠳᠤᠷᠠᠯ ᠲᠤᠮᠳᠠ ᠪᠠᠨ ᠨᠤᠭᠤᠷᠠᠯ | ᠪᠦᠳᠦᠷᠢᠯ ᠳᠤ ᠤᠴᠠᠷᠠᠭᠰᠠᠨ ᠪᠤᠯᠪᠠᠴᠤ ᠬᠠᠳᠠᠭᠤ ᠵᠤᠷᠢᠭ᠂ ᠬᠤᠯᠠ ᠶᠢᠨ ᠬᠠᠷᠠᠯᠳᠠ ᠲᠠᠢ ᠪᠠᠶᠢᠵᠤ᠂ ᠨᠠᠰᠤᠳᠠᠢ | ᠡᠵᠢ ᠪᠠᠨ ᠰᠠᠶᠢᠨ ᠠᠰᠠᠷᠠᠨ ᠬᠦᠨᠳᠦᠳᠭᠡᠵᠤ᠂ ᠠᠩᠭᠠ ᠬᠡᠦᠬᠡᠳ ᠢᠶᠠᠨ ᠰᠠᠶᠢᠨ ᠬᠦᠮᠦᠵᠢᠭᠦᠯᠵᠦ ᠶᠠᠪᠤᠨᠠ᠃ | ᠪᠠᠳᠠᠷᠠᠯᠳᠤ᠄ ︽ᠪᠢᠳᠠ ᠲᠠᠬᠢᠶᠠ ᠲᠡᠵᠢᠭᠡᠭᠡᠳ ᠰᠠᠶ᠋ᠢ ᠪᠠᠶᠠᠵᠢᠯ ᠤᠨ ᠵᠠᠮ ᠢᠶᠠᠨ ᠤᠯᠵᠤ ᠪᠠᠶᠢᠨᠠ᠂ ᠬᠡᠳᠦᠨ ᠵᠢᠯ ᠤᠨ | ᠡᠪᠡᠳᠴᠢᠨ ᠲᠠᠬᠤᠯ ᠤᠨ ᠲᠠᠷᠴᠢᠯᠭᠠᠯ ᠠᠴᠠ ᠪᠤᠯᠵᠤ ᠠᠮᠢᠳᠤᠷᠠᠯ ᠬᠦᠴᠢᠷᠳᠡᠯᠳᠡᠢ ᠪᠤᠯᠪᠠ᠂ ᠡᠨᠡᠬᠦ ᠪᠠᠶᠢᠳᠠᠯ ᠳᠤ ᠪᠢ | ᠦᠵᠡᠯᠳᠡ ᠳᠠᠨᠢᠯᠳᠠ ᠪᠠᠨ ᠬᠤᠪᠢᠷᠠᠭᠤᠯᠵᠤ᠂ ᠲᠠᠬᠢᠶᠠ ᠲᠡᠵᠢᠭᠡᠵᠦ ᠦᠷᠡᠵᠢᠭᠦᠯᠬᠦ ᠦᠢᠯᠡᠰ ᠢ ᠡᠷᠭᠢᠯᠡᠭᠰᠡᠨ ᠠᠴᠠ | ᠠᠮᠢᠳᠤᠷᠠᠯ ᠶᠠᠪᠤᠬᠤ ᠳᠤᠳᠤᠮ ᠦᠭᠡᠳᠡᠯᠡᠨ ᠰᠠᠶᠢᠵᠢᠷᠠᠯᠠ᠂ ᠵᠤᠷᠢᠭ ᠲᠠᠢ ᠪᠤᠯ ᠵᠤᠷᠢᠯᠭᠠ ᠳᠠᠭᠠᠨ ᠬᠦᠷᠳᠡᠭ ᠭᠡᠳᠡᠭ ᠢᠶᠠᠷ | ᠪᠢᠳᠡ ᠴᠢᠷᠮᠠᠶᠢᠨ ᠠᠵᠢᠯᠯᠠᠪᠠᠯ ᠬᠦᠭᠵᠢᠯᠳᠡ ᠶᠢᠨ ᠵᠠᠮ ᠨᠡᠩ ᠦᠷᠭᠡᠨ ᠪᠤᠯᠬᠤ ᠨᠢ ᠯᠠᠪᠳᠠᠢ︾ ᠭᠡᠵᠤ ᠢᠷᠡᠭᠡᠳᠦᠢ ᠳᠡᠭᠡᠨ | ᠢᠳᠡᠭᠡᠯ ᠳᠡᠭᠦᠯᠳᠡᠷ ᠶᠠᠷᠢᠨᠠ ᠪᠢᠯᠡ︕ | · |