ᠦᠨᠳᠦᠷ ᠸᠠᠩ ᠵᠢᠯ ᠪᠦᠷᠢ ᠨᠢᠭᠡ ᠣᠳᠠᠭᠠ ᠪᠡᠭᠡᠵᠢᠩ ᠣᠷᠣᠵᠣ ᠬᠠᠭᠠᠨ ᠳᠤ ᠴᠠᠢ ᠪᠠᠷᠢᠵᠣ ᠰᠢᠨᠡ ᠶᠢᠨ | ᠵᠣᠯᠭᠠᠯᠳᠠ ᠬᠢᠳᠡᠭ ᠵᠠᠩᠰᠢᠯ ᠲᠠᠢ ᠭᠡᠨᠡ᠃ ᠰᠣᠯᠢᠶᠠᠳᠣ ᠸᠠᠩ ᠤᠨ ᠦᠶᠡ ᠳᠤ ᠴᠦ ᠬᠡᠰᠡᠨ ᠢᠩᠭᠢᠵᠦ ᠬᠢᠳᠡᠭ | ᠪᠠᠶᠢᠭᠰᠠᠨ ᠭᠡᠨᠡ᠃ ᠡᠮᠦᠨᠡ ᠭᠤᠸᠠᠰᠢ ᠭᠠᠴᠠᠭᠠ ᠶᠢᠨ ᠪᠠᠷᠠᠭᠤᠨ ᠣᠷᠢᠳᠣ ᠦᠵᠦᠭᠦᠷ ᠲᠤ ᠦᠨᠳᠦᠷ ᠸᠠᠩ ᠤᠨ | ᠠᠳᠣᠭᠤᠨ ᠬᠤᠳᠳᠤᠭ ᠪᠠᠶᠢᠵᠠᠢ᠃ ᠠᠳᠣᠭᠤᠨ ᠬᠤᠳᠳᠤᠭ ᠵᠢᠴᠢ ᠡᠮᠦᠨᠡ ᠬᠤᠶᠢᠳᠣ ᠬᠤᠶᠠᠷ ᠭᠤᠸᠠᠰᠢ ᠶᠢᠨ | ᠲᠣᠮᠳᠠᠭᠤᠷᠬᠢ ᠲᠠᠯᠠ ᠠᠴᠠ ᠵᠡᠭᠦᠨᠰᠢ ᠪᠠᠶᠠᠨᠳᠠᠯᠠ ᠶᠢᠨ ᠠᠷᠣ ᠪᠠᠷ᠂ ᠰᠣᠭᠤ ᠶᠢᠨ ᠠᠶᠢᠯ ᠤᠨ ᠣᠷᠢᠳᠣᠭᠤᠷ᠂ ᠪᠠᠷᠠᠭᠤᠨ | ᠮᠠᠯᠴᠢᠨ ᠭᠠᠴᠠᠭᠠ ᠶᠢᠨ ᠠᠷᠣ ᠪᠠᠷ ᠣᠷᠣᠭᠠᠳ ᠪᠦᠷ ᠸᠠᠩ ᠨᠣᠶᠠᠨ ᠤ ᠠᠳᠣᠭᠤᠨ ᠪᠡᠯᠴᠢᠭᠡᠷ ᠪᠠᠶᠢᠭᠰᠠᠨ ᠭᠡᠨᠡ᠃ | ᠡᠮᠦᠨᠡ ᠭᠤᠸᠠᠰᠢ ᠭᠠᠴᠠᠭᠠ ᠶᠢᠨ ᠲᠣᠮᠤᠭᠠ ᠭᠡᠰᠡᠨ ᠬᠦᠮᠦᠨ ᠦᠨᠳᠦᠷ ᠸᠠᠩ ᠠᠴᠠ ᠭᠤᠶᠣᠴᠢᠯᠠᠨ ᠪᠠᠶᠢᠵᠣ᠂ | ᠠᠳᠣᠭᠤᠨ ᠪᠡᠯᠴᠢᠭᠡᠷ ᠤᠨ ᠣᠷᠢᠳᠣ ᠬᠦᠪᠡᠭᠡ᠂ ᠠᠳᠣᠭᠤᠨ ᠬᠤᠳᠳᠤᠭ ᠤᠨ ᠣᠶᠢᠷᠠᠯᠴᠠᠭᠠ ᠨᠣᠳᠤᠭ ᠵᠢᠭᠠᠭᠳᠠᠵᠣ᠂ | ᠬᠠᠨ ᠳ᠋ᠧ᠂ ᠪᠣᠯᠣ᠂ ᠫᠠᠨ ᠣᠪᠣᠭᠳᠠᠨ᠂ ᠮᠠᠭᠰᠠᠷ ᠬᠡᠰᠡᠨ ᠬᠡᠳᠦᠨ ᠡᠷᠦᠬᠡ ᠲᠠᠢ ᠨᠠᠶᠢᠯᠠᠵᠣ ᠪᠠᠶᠢᠭᠠᠳ ᠠᠶᠢᠯ ᠪᠣᠯᠵᠣ᠂ | ᠠᠶᠢᠯ ᠤᠨ ᠨᠡᠷᠡ ᠪᠠᠨ ᠪᠠᠶᠠᠨ ᠬᠤᠳᠳᠤᠭ ᠭᠡᠵᠡᠢ᠃ ᠲᠠᠷᠠᠭᠠ ᠨᠢ ᠭᠠᠷᠣᠭᠰᠠᠨ ᠬᠤᠶᠢᠳᠣ ᠭᠤᠸᠠᠰᠢ ᠭᠠᠴᠠᠭᠠ ᠶᠢ | ᠪᠠᠶᠠᠨ ᠲᠣᠬᠤᠢ ᠭᠡᠰᠡᠨ ᠪᠠᠶᠢᠪᠠ᠃ ᠲᠡᠷᠡ ᠦᠶᠡ ᠳᠤ ᠦᠷᠯᠦᠭᠡ ᠳᠡᠭᠡᠨ ᠰᠠᠯᠬᠢ ᠦᠭᠡᠢ ᠦᠶᠡᠰ ᠲᠤ᠂ ᠬᠤᠶᠢᠳᠣ | ᠭᠤᠸᠠᠰᠢ ᠭᠠᠴᠠᠭᠠ ᠶᠢᠨ ᠠᠷᠣ ᠵᠣ ᠶᠢᠨ ᠡᠮᠦᠨᠡ ᠡᠩᠭᠡᠷ ᠠᠴᠠ ᠵᠡᠭᠦᠨᠰᠢ ᠪᠠᠨ ᠪᠠᠶ᠋ᠬᠠᠦ᠋ᠨᠳᠦᠷ ᠤᠨ ᠰᠦᠮᠡ ︵ | ᠠᠭᠤᠶᠢᠳᠣ ᠵᠣᠣ︶᠂ ᠳ᠋ᠠ ᠸᠠ ᠹᠠᠩ ︵ᠬᠦᠬᠡ ᠭᠡᠷ︶ ᠭᠠᠴᠠᠭᠠ ᠶᠢᠨ ᠵᠦᠭ ᠲᠤ ᠰᠢᠷᠭᠠᠯ ᠭᠡᠷᠡᠯ ᠲᠠᠳᠠᠭᠠᠳ | ᠶᠠᠪᠣᠭᠠᠳ ᠦᠭᠳᠡᠭ ᠪᠠᠶᠢᠭᠰᠠᠨ᠃ ᠡᠨᠡ ᠨᠢ ᠠᠯᠳᠠᠨ ᠣᠨᠠᠭᠠ ᠲᠣᠭᠯᠠᠨ ᠭᠦᠶᠦᠵᠦ ᠪᠠᠶᠢᠭᠠ ᠣᠴᠢᠷ ᠭᠡᠨᠡ᠃ | ᠸᠠᠩ ᠨᠣᠶᠠᠨ ᠨᠢᠭᠡ ᠵᠢᠯ ᠤᠨ ᠬᠠᠪᠣᠷ ᠡᠷᠳᠡ ᠪᠡᠭᠡᠵᠢᠩ ᠣᠷᠣᠵᠣ ᠬᠠᠭᠠᠨ ᠳᠤ ᠪᠠᠷᠠᠳᠠᠬᠤ ᠴᠠᠭ | ᠪᠣᠯᠬᠤ ᠳᠠᠭᠠᠨ ᠲᠡᠭᠦᠨ ᠤ ᠲᠦᠷᠪᠡ ᠲᠠᠪᠣᠨ ᠠᠵᠢᠷᠭᠠ ᠠᠳᠣᠭᠤ ᠶᠢ ᠨᠢ ᠠᠳᠣᠭᠤᠯᠠᠵᠣ ᠪᠠᠶᠢᠭᠰᠠᠨ | ᠠᠳᠣᠭᠤᠴᠢᠳ ᠢᠶᠠᠨ ᠲᠠᠭᠤᠳᠠᠨ ᠠᠪᠴᠢᠷᠠᠵᠣ᠄ ︽ᠨᠠᠮᠠᠶᠢ ᠪᠡᠭᠡᠵᠢᠩ ᠳᠤ ᠣᠴᠢᠭᠰᠠᠨ ᠬᠤᠭᠤᠷᠣᠨᠳᠣ᠂ ᠮᠢᠨᠦ ᠲᠡᠷᠡ | ᠬᠦᠬᠡ ᠲᠠᠯ ᠲᠠᠢ ᠰᠠᠭᠠᠷᠠᠯ ᠭᠡᠭᠦᠦ ᠶᠢ ᠰᠠᠶᠢᠳᠣᠷ ᠠᠩᠬᠠᠷᠣᠭᠠᠷᠠᠢ᠃ ᠮᠢᠨᠦ ᠠᠳᠣᠭᠤᠨ ᠰᠦᠷᠦᠭ ᠠᠴᠠ ᠨᠢᠭᠡ ᠬᠤᠶᠠᠷ | ᠠᠵᠢᠷᠭᠠ ᠠᠳᠣᠭᠤ ᠬᠡᠭᠡᠭᠰᠡᠨ ᠴᠦ ᠲᠠ ᠨᠠᠷ ᠲᠠᠢ ᠬᠡᠷᠡᠭ ᠬᠡᠯᠡᠯᠴᠡᠬᠦ ᠦᠭᠡᠢ᠂ ᠬᠠᠷᠢᠨ ᠲᠡᠷᠡ ᠭᠡᠭᠦᠦ ᠨᠣᠭᠤᠭᠠᠨ | ᠣᠨᠠᠭᠠ ᠲᠦᠷᠦᠬᠦ ᠳᠤ ᠣᠰᠣᠯ ᠭᠠᠷᠭᠠᠵᠣ ᠪᠣᠯᠬᠤ ᠦᠭᠡᠢ︾ ᠭᠡᠵᠦ ᠬᠠᠳᠠᠭᠤ ᠵᠠᠬᠢᠭᠠᠳ ᠶᠠᠪᠣᠭᠠᠳ ᠦᠭᠴᠡᠢ᠃ | ᠸᠠᠩ ᠨᠣᠶᠠᠨ ᠤ ᠬᠡᠯᠡᠭᠰᠡᠨ ᠦᠭᠡ ᠶᠢ ᠣᠯᠠᠨ ᠠᠳᠣᠭᠤᠴᠢᠨ ᠢᠳᠡᠭᠡᠬᠦ ᠬᠠᠭᠠᠰ ᠢᠳᠡᠭᠡᠬᠦ ᠦᠭᠡᠢ ᠬᠠᠭᠠᠰ ᠪᠣᠯᠪᠠᠴᠣ | ᠲᠡᠭᠦᠨ ᠤ ᠵᠠᠷᠯᠢᠭ ᠠᠴᠠ ᠵᠦᠷᠢᠴᠡᠵᠦ ᠴᠢᠳᠠᠬᠤ ᠦᠭᠡᠢ ᠡᠳᠦᠷ ᠰᠦᠨᠢ ᠡᠭᠡᠯᠵᠢᠯᠡᠨ ᠠᠳᠣᠭᠤᠨ ᠰᠦᠷᠦᠭ ᠢᠶᠠᠨ | ᠰᠠᠶᠢᠳᠣᠷ ᠠᠩᠬᠠᠷᠣᠨ ᠠᠳᠣᠭᠤᠯᠡᠨ ᠪᠠᠶᠢᠭᠰᠠᠭᠠᠷ᠂ ᠭᠡᠨᠡᠳᠳᠡ ᠨᠢᠭᠡ ᠡᠳᠦᠷ ᠠᠳᠣᠭᠤᠨ ᠬᠤᠳᠳᠤᠭ ᠲᠤ ᠣᠰᠣ | ᠣᠣᠭᠤᠬᠤ ᠪᠠᠷ ᠢᠷᠡᠭᠰᠡᠨ ᠬᠦᠬᠡ ᠲᠠᠯ ᠲᠠᠢ ᠰᠠᠭᠠᠷᠠᠯ ᠭᠡᠭᠦᠦ ᠮᠣᠷᠢ ᠨᠢ ᠦᠨᠡᠬᠡᠷ ᠨᠣᠭᠤᠭᠠᠨ ᠣᠨᠠᠭᠠ | ᠲᠦᠷᠦᠴᠢᠭᠡᠵᠡᠢ ᠭᠡᠨᠡ᠃ ᠡᠨᠡ ᠨᠣᠭᠤᠭᠠᠨ ᠣᠨᠠᠭᠠ ᠲᠦᠷᠦᠭᠡᠳ ᠲᠠᠪᠤ ᠵᠢᠷᠭᠤᠭᠠᠨ ᠡᠳᠦᠷ ᠲᠡᠭᠡᠷᠡ ᠨᠢ ᠸᠠᠩ ᠨᠣᠶᠠᠨ | ᠪᠣᠴᠠᠵᠣ ᠢᠷᠡᠪᠡ᠃ ᠸᠠᠩ ᠨᠣᠶᠠᠨ ᠨᠣᠭᠤᠭᠠᠨ ᠣᠨᠠᠭᠠ ᠪᠠᠨ ᠦᠵᠡᠬᠦ ᠪᠠᠷ ᠢᠷᠡᠬᠦ ᠳᠤ ᠨᠣᠭᠤᠭᠠᠨ ᠣᠨᠠᠭᠠ ᠨᠢ | ᠬᠠᠷᠢᠨ ᠦᠬᠦᠭᠡᠳ ᠦᠭᠭᠦᠴᠢᠭᠡᠭᠰᠡᠨ ᠭᠡᠨᠡ᠃ ᠣᠴᠢᠷ ᠨᠢ ᠲᠦᠷᠦᠭᠡᠳ ᠡᠳᠦᠷ ᠬᠤᠨᠤᠭ ᠨᠢ ᠭᠦᠢᠴᠡᠭᠡᠳᠦᠢ | ᠪᠠᠶᠢᠭᠰᠠᠨ ᠨᠣᠭᠤᠭᠠᠨ ᠣᠨᠠᠭᠠ ᠶᠢ ᠸᠠᠩ ᠨᠣᠶᠠᠨ ᠶᠠᠭᠠᠷᠠᠵᠣ ᠦᠵᠡᠬᠦ ᠪᠠᠷ ᠣᠴᠢᠭᠰᠠᠨ ᠠᠴᠠ ᠪᠣᠯᠣᠭᠰᠠᠨ ᠭᠡᠨᠡ᠃ | ᠡᠨᠡ ᠨᠣᠭᠤᠭᠠᠨ ᠣᠨᠠᠭᠠ ᠦᠬᠦᠭᠡᠳ ᠲᠡᠭᠡᠭᠰᠡᠨ ᠳᠤ ᠠᠯᠳᠠᠨ ᠣᠨᠠᠭᠠ ᠶᠢᠨ ᠲᠠᠳᠠᠳᠠᠭ ᠰᠢᠷᠭᠠᠯ ᠭᠡᠷᠡᠯ ᠨᠢ ᠣᠯᠠᠮ | ᠠᠬᠠᠳᠣᠵᠠᠢ᠃ ᠬᠡᠷᠪᠡ ᠨᠣᠭᠤᠭᠠᠨ ᠣᠨᠠᠭᠠ ᠦᠬᠦᠭᠰᠡᠨ ᠦᠭᠡᠢ ᠪᠣᠯ ᠠᠯᠳᠠᠨ ᠣᠨᠠᠭᠠ ᠶᠢᠨ ᠰᠢᠷᠭᠠᠯ ᠭᠡᠷᠡᠯ᠂ ᠡᠨᠡ | ᠨᠣᠭᠤᠭᠠᠨ ᠣᠨᠠᠭᠠᠨ ᠳᠤ ᠰᠢᠩᠭᠡᠪᠡᠯ᠂ ᠳ᠋ᠠ ᠸᠠ ᠹᠠᠩ ︵ᠬᠦᠬᠡ ᠭᠡᠷ︶ ᠤᠨ ᠣᠷᠴᠢᠮ ᠭᠠᠵᠠᠷ ᠠᠴᠠ ᠬᠠᠭᠠᠨ | ᠰᠠᠭᠤᠬᠤ ᠬᠦᠮᠦᠨ ᠮᠡᠨᠳᠦᠯᠡᠬᠦ ᠪᠦᠭᠡᠳ ᠠᠷᠪᠠᠨ ᠨᠠᠢᠮᠠᠨ ᠨᠡᠷᠡᠳᠡᠢ ᠶᠡᠭᠡ ᠪᠠᠶᠠᠨ ᠰᠠᠩ ᠲᠠᠢ ᠶᠣᠸᠠᠨᠸᠠᠢ ᠭᠠᠷᠬᠤ ᠭᠡᠨᠡ | ᠃ | ᠸᠠᠩ ᠨᠣᠶᠠᠨ ᠤ ᠠᠳᠣᠭᠤᠨ ᠠᠴᠠ ᠨᠣᠭᠤᠭᠠᠨ ᠣᠨᠠᠭᠠ ᠲᠦᠷᠦᠭᠡᠳ ᠦᠭᠦᠭᠰᠡᠨ ᠣᠴᠢᠷ ᠢ ᠡᠵᠡᠨ | ᠬᠠᠭᠠᠨ ᠳᠤ ᠨᠢᠭᠤᠯ ᠦᠭᠡᠢ ᠮᠡᠳᠡᠭᠦᠯᠬᠦ ᠳᠤ ᠡᠵᠡᠨ ᠬᠠᠭᠠᠨ ᠰᠡᠵᠢᠭ ᠠᠪᠴᠦ᠂ ᠠᠷᠠᠳ ᠤᠨ ᠲᠣᠮᠳᠠ ᠬᠡᠯᠡᠯᠴᠡᠭᠳᠡᠳᠡᠭ | ᠠᠯᠳᠠᠨ ᠣᠨᠠᠭᠠ ᠶᠢ ᠪᠠᠷᠢᠭᠤᠯᠬᠤ ᠪᠠᠷ ᠮᠦᠷᠦᠨ ᠳᠡᠭᠡᠨ ᠴᠢᠶᠠᠨᠳᠠᠶᠢᠽᠢ ᠡᠭᠦᠷᠦᠭᠡᠳ᠂ ᠬᠤᠶᠠᠷ ᠭᠠᠷ ᠲᠠᠭᠠᠨ ᠬᠤᠶᠠᠷ | ᠬᠤᠯᠣᠰᠣ ᠪᠠᠷᠢᠨ ᠲᠤᠭ ᠲᠤᠭ ᠲᠣᠭᠰᠢᠭᠠᠳ ᠶᠠᠪᠣᠳᠠᠭ ᠨᠢᠭᠡᠨ ᠡᠷᠳᠡᠮᠳᠡᠢ ᠨᠠᠨᠮᠠᠨᠽᠢ ᠶᠢ ᠲᠣᠮᠢᠯᠠᠵᠦ᠂ ᠲᠠᠪᠤ | ᠵᠢᠷᠭᠤᠭᠠᠨ ᠵᠢᠯ ᠤᠨ ᠴᠠᠭ ᠢ ᠵᠠᠷᠣᠴᠠᠭᠤᠯᠣᠨ᠂ ᠠᠯᠳᠠᠨ ᠣᠨᠠᠭᠠ ᠶᠢ ᠨᠡᠬᠡᠭᠰᠡᠭᠡᠷ ᠪᠠᠶᠢᠭᠠᠳ ᠪᠠᠷᠢᠵᠦ ᠠᠪᠣᠭᠠᠳ | ᠶᠠᠪᠣᠵᠠᠢ᠃ ᠪᠠᠶᠠᠨᠳᠠᠯᠠ ᠨᠣᠳᠤᠭ ᠲᠤ ᠠᠯᠳᠠᠨ ᠣᠨᠠᠭᠠ ᠲᠡᠬᠢᠵᠦ ᠢᠷᠡᠵᠦ ᠲᠦᠷᠦᠬᠦ ᠠᠴᠠ ᠬᠡᠷᠰᠡᠣᠯᠡᠭᠡᠳ ᠨᠣᠳᠤᠭ | ᠣᠰᠣᠨ ᠤ ᠹᠧᠩᠱᠦ᠋ᠢ ᠶᠢ ᠨᠢ ᠲᠠᠷᠣᠬᠤ ᠶᠢᠨ ᠲᠦᠯᠦᠭᠡ ᠲᠠᠪᠣᠨ ᠰᠠᠭᠤᠷᠢ ᠰᠣᠪᠣᠷᠭᠠ ᠪᠣᠰᠬᠠᠵᠣ ᠲᠠᠯᠪᠢᠵᠠᠢ᠃ ᠡᠨᠡ | ᠲᠠᠪᠣᠨ ᠰᠠᠭᠤᠷᠢ ᠰᠣᠪᠣᠷᠭᠠ ᠭᠡᠪᠡᠯ ᠬᠤᠶᠢᠳᠣ ᠭᠤᠸᠠᠰᠢ ᠭᠠᠴᠠᠭᠠ ᠶᠢᠨ ᠠᠷᠣ ᠵᠣ ᠶᠢᠨ ᠱᠣᠪᠣᠭᠤᠷ ᠣᠷᠣᠢ ᠲᠡᠭᠡᠷᠡ | ᠨᠢᠭᠡ ᠰᠣᠪᠣᠷᠭᠠ᠂ ᠡᠮᠦᠨᠡ ᠭᠤᠸᠠᠰᠢ ᠭᠠᠴᠠᠭᠠ ᠶᠢᠨ ᠠᠷᠣ ᠮᠠᠩᠬᠠᠨ ᠬᠦᠪᠡᠭᠡ ᠳᠤ ᠨᠢᠭᠡ ᠰᠣᠪᠣᠷᠭᠠ᠂ ᠸᠠᠩ | ᠣᠪᠣᠭᠳᠣ ᠶᠢᠨ ᠲᠣᠪᠤ ᠭᠠᠴᠠᠭᠠ ᠶᠢᠨ ᠲᠡᠨᠳᠡ ᠨᠢᠭᠡ ᠰᠣᠪᠣᠷᠭᠠ᠂ ᠪᠠᠷᠠᠭᠤᠨ ᠮᠠᠯᠴᠢᠨ ᠭᠠᠴᠠᠭᠠ ᠶᠢᠨ ᠣᠷᠢᠳᠠᠢ ᠨᠢᠭᠡ | ᠰᠣᠪᠣᠷᠭᠠ᠂ ᠳ᠋ᠠ ᠸᠠ ᠹᠠᠩ ︵ᠬᠦᠬᠡ ᠭᠡᠷ︶ ᠭᠠᠴᠠᠭᠠ ᠶᠢᠨ ᠠᠷᠣ ᠮᠠᠩᠬᠠᠨ ᠤ ᠣᠷᠢᠳᠣ ᠦᠵᠦᠭᠦᠷ ᠲᠤ ᠪᠠᠰᠠ ᠨᠢᠭᠡ | ᠰᠣᠪᠣᠷᠭᠠ ᠶᠢ ᠲᠣᠰ ᠲᠣᠰ ᠪᠣᠰᠬᠠᠵᠣ ᠲᠠᠯᠪᠢᠵᠠᠢ᠃ ᠡᠭᠦᠨ ᠠᠴᠠ ᠪᠣᠯᠣᠭᠠᠳ᠂ ᠠᠯᠳᠠᠨ ᠣᠨᠠᠭᠠ ᠪᠠᠶᠠᠨᠳᠠᠯᠠ | ᠨᠣᠳᠤᠭ ᠲᠤ ᠲᠠᠬᠢᠵᠦ ᠢᠷᠡᠵᠦ ᠲᠡᠶᠢᠯᠦᠭᠰᠡᠨ ᠦᠭᠡᠢ᠂ ᠲᠠᠷᠬᠠᠨ ᠬᠤᠰᠢᠭᠤᠨ ᠠᠴᠠ ᠴᠦ ᠬᠠᠭᠠᠨ ᠰᠠᠭᠤᠬᠤ ᠪᠣᠶᠠᠨᠳᠠᠨ | ᠮᠡᠨᠳᠦᠯᠡᠭᠰᠡᠨ ᠦᠭᠡᠢ ᠮᠦᠷᠳᠡᠭᠡᠨ ᠪᠠᠰᠠ ᠨᠡᠷᠡᠳᠡᠢ ᠪᠠᠶᠠᠨ ᠬᠦᠮᠦᠨ ᠨᠢᠭᠡ ᠴᠦ ᠭᠠᠷᠣᠭᠰᠠᠨ ᠦᠭᠡᠢ ᠭᠡᠨᠡ᠃ | | |