| — ᠨᠡᠷᠡᠳᠦ ᠶᠠᠰᠤ ᠪᠠᠷᠢᠶᠠᠴᠢ ᠦᠨᠢᠷ ᠢ ᠲᠡᠮᠳᠡᠭᠯᠡᠪᠡ | ᠨᠠᠶᠠᠨ ᠲᠠᠪᠤ ᠶᠢᠨ ᠦᠨᠳᠦᠷ ᠨᠠᠰᠤᠨ ᠤ ᠪᠤᠶᠠᠨ ᠢ ᠡᠳ᠋ᠯᠡᠵᠦ ᠶᠠᠪᠤᠭᠠ ᠨᠠᠷᠡᠳᠦ ᠶᠠᠰᠤ ᠪᠠᠷᠢᠶᠠᠴᠢ ᠦᠨᠢᠷ ᠨᠠᠰᠤᠳᠠᠨ | ᠤᠳᠤ ᠬᠦᠷᠳᠡᠯᠠ ᠪᠡᠷᠳᠡᠵᠦ ᠵᠤᠪᠠᠭᠠᠳ ᠢᠷᠡᠭᠰᠡᠨ ᠬᠦᠮᠦᠰ ᠢ ᠵᠠᠰᠠᠵᠦ ᠡᠳᠡᠭᠡᠭᠡᠨ ᠪᠠᠶᠠᠷᠯᠠᠭᠤᠯᠵᠦ ᠪᠤᠴᠠᠭᠠᠨᠠ᠃ | ᠦᠨᠢᠷ ᠰᠢᠯᠢᠩᠬᠤᠳᠡ ᠶᠢᠨ ᠪᠤᠯᠠᠭᠠᠨ ᠰᠤᠮᠤᠨ ᠤ ᠦᠯᠵᠡᠶᠢᠳᠡᠯᠭᠡᠷ ᠭᠠᠴᠠᠭᠠᠨ ᠳᠤ ᠨᠤᠳᠤᠭᠲᠠᠢ᠃ ᠶᠠᠰᠤ ᠪᠠᠷᠢᠶᠠᠴᠢ | ᠦᠨᠢᠷ ᠭᠡᠪᠡᠯ ᠬᠤᠯᠠ ᠤᠢᠢᠷᠠ ᠶᠢᠨ ᠬᠤᠰᠢᠭᠤ ᠠᠶᠢᠮᠠᠭ᠂ ᠡᠾᠧᠪᠸᠢ ᠵᠡᠷᠭᠡ ᠮᠤᠵᠢ ᠤᠷᠤᠨ ᠤ ᠬᠢᠨ ᠮᠡᠳᠡᠬᠦ ᠪᠠᠷ | ᠪᠠᠷᠠᠬᠤ ᠦᠭᠡᠢ᠂ ᠬᠠᠷᠢ ᠶᠢᠨ ᠬᠦᠮᠦᠰ ᠴᠦ ᠠᠯᠳᠠᠷ ᠢ ᠨᠢ ᠮᠡᠳᠡᠨᠠ᠃ | ᠬᠦᠮᠦᠨ ᠠᠷᠠᠳ ᠲᠠᠭᠠᠨ ᠪᠤᠶᠠᠨ ᠦᠢᠯᠡᠤᠡᠴᠤ ᠶᠠᠪᠤᠨᠠ | ᠮᠤᠩᠭᠤᠯᠴᠤᠳ ᠡᠷᠳᠡᠨ ᠠᠴᠠ ᠪᠠᠨ ᠠᠪᠤᠭᠠᠳ ᠦᠢᠯᠡᠳᠪᠦᠷᠢᠯᠡᠯ ᠠᠮᠢᠳᠤᠷᠠᠯ ᠪᠤᠶᠤ ᠳᠠᠶᠢᠨ ᠪᠠᠶᠢᠯᠳᠤᠭᠠᠨ ᠤ | ᠦᠶᠡᠰ ᠶᠠᠰᠤ ᠪᠠᠨ ᠪᠡᠷᠳᠡᠭᠡᠭᠦ᠂ ᠦᠶᠠ ᠪᠠᠨ ᠪᠤᠯᠵᠠᠭᠠᠬᠤ ᠳᠤ ᠪᠠᠷᠢᠶᠠᠴᠢ ᠠᠴᠠ ᠶᠠᠮᠠᠷᠴᠦ ᠮᠠᠰᠢᠨ ᠪᠠᠭᠠᠵᠢ ᠬᠡᠷᠡᠭᠰᠡᠬᠦ | ᠦᠭᠡᠢ ᠪᠠᠷ ᠦᠵᠡᠵᠦ ᠲᠡᠮᠳᠡᠷᠢᠬᠦ᠂ ᠨᠤᠬᠤᠯᠠᠵᠦ ᠳᠠᠷᠤᠬᠤ᠂ ᠳᠠᠳᠠᠵᠦ ᠰᠡᠭᠰᠦᠷᠬᠦ ᠵᠡᠷᠭᠡ ᠠᠷᠭᠠ ᠪᠠᠷ ᠬᠤᠭᠤᠷᠠᠵᠦ | ᠪᠡᠷᠳᠡᠭᠰᠡᠨ ᠢ ᠨᠢ ᠵᠠᠯᠭᠠᠵᠦ᠂ ᠦᠶᠠ ᠭᠡᠰᠢᠭᠦᠦ ᠶᠢ ᠨᠢ ᠤᠷᠤᠭᠤᠯᠤᠨ᠂ ᠮᠢᠬᠠ ᠰᠢᠷᠪᠦᠰᠦ ᠶᠢ ᠨᠢ ᠠᠨᠠᠭᠠᠵᠦ | ᠡᠳᠡᠭᠡᠭᠡᠳᠡᠭ᠃ ᠵᠢᠷᠠᠭᠠᠳ ᠵᠢᠯ ᠤᠨ ᠳᠤᠷᠰᠢ ᠡᠨᠡ ᠬᠦ ᠳᠠᠯᠠᠢ ᠶᠡᠭᠡ ᠪᠠᠶᠠᠨ ᠦᠪ ᠢᠶᠠᠨ ᠦᠪᠯᠡᠨ ᠤᠯᠠᠮᠵᠢᠯᠠᠵᠦ᠂ | ᠪᠠᠳᠠᠷᠠᠭᠤᠯᠤᠨ ᠬᠦᠭᠵᠢᠭᠦᠯᠵᠦ ᠤᠯᠠᠨ ᠳᠠᠭᠠᠨ ᠪᠤᠶᠠᠨ ᠭᠦᠷᠳᠡᠭᠡᠵᠦ ᠶᠠᠪᠤᠭᠠ ᠬᠦᠮᠦᠨ ᠪᠣᠯ ᠦᠨᠢᠷ ᠪᠢᠯᠡ᠃ | ᠦᠨᠢᠷ ᠤᠨ ᠭᠡᠤᠭᠡᠨ ᠽᠨᠳᠠᠨᠬᠤᠸᠠᠷ᠂ ᠵᠢᠭᠡ ᠤᠮᠪᠤᠯᠤ ᠭᠡᠤᠭᠡᠨ ᠰᠤᠯᠤᠩᠭᠤᠸᠠ᠂ ᠵᠢᠭᠡ ᠤᠮᠪᠤᠯᠤ ᠳᠡᠯᠭᠡᠷ ᠨᠢ ᠪᠦᠷ | ᠪᠠᠭᠠ ᠠᠴᠠ ᠪᠠᠨ ᠨᠠᠰᠤᠳᠠᠨ ᠤ ᠶᠠᠰᠤ ᠪᠠᠷᠢᠬᠤ ᠮᠡᠷᠭᠡᠵᠢᠯ ᠢ ᠲᠠᠭᠠᠨ ᠰᠤᠷᠴᠦ᠂ ᠤᠳᠤ ᠪᠡᠶᠠ ᠪᠠᠨ ᠳᠠᠭᠠᠭᠠᠵᠦ ᠶᠠᠰᠤ | ᠪᠠᠷᠢᠵᠦ ᠪᠠᠶᠢᠬᠤ ᠪᠠᠷ ᠢᠶᠠᠨ ᠭᠤᠷᠪᠠᠨ ᠦᠶᠠ ᠶᠢᠨ ᠪᠠᠷᠢᠶᠠᠴᠢ ᠠᠶᠢᠯ ᠪᠤᠯᠵᠠᠢ᠃ | ᠦᠨᠢᠷ ᠪᠤᠯ ᠮᠠᠯᠴᠢᠨ ᠬᠦᠮᠦᠨ᠂ ᠶᠠᠰᠦ ᠪᠠᠷᠢᠶᠠᠴᠢ ᠶᠢᠨ ᠠᠵᠢᠯ ᠢ ᠵᠢᠷᠠᠭᠠᠳ ᠵᠢᠯ ᠬᠢᠴᠢᠬᠡᠯᠠ᠃ ᠪᠠᠶᠢᠰᠡ ᠶᠢᠨ | ᠰᠦᠮᠠ ᠶᠢᠨ ᠮᠤᠩᠭᠤᠯ ᠡᠮᠨᠡᠯᠭᠡ ᠶᠢᠨ ᠬᠤᠷᠢᠶᠠᠨ ᠳᠤ ᠪᠠᠷᠢᠶᠠᠴᠢ ᠡᠮᠴᠢ ᠪᠠᠷ ᠠᠷᠪᠠᠭᠠᠳ ᠵᠢᠯ ᠠᠵᠢᠯᠯᠠᠵᠠᠢ᠃ | ᠭᠠᠴᠠᠭᠠᠨ ᠳᠠᠷᠤᠭᠠ᠂ ᠱᠦᠵᠢ᠂ ᠮᠠᠯ ᠤᠨ ᠡᠮᠴᠢ ᠶᠢᠨ ᠠᠵᠢᠯ ᠢ ᠬᠢᠵᠦ ᠪᠠᠶᠢᠬᠰᠡᠨ᠃ ᠬᠤᠰᠢᠭᠤ᠂ ᠠᠶᠢᠮᠠᠭ ᠤᠨ | ᠳᠡᠰ ᠤᠨ ᠬᠦᠳᠡᠯᠮᠦᠷᠢ ᠶᠢᠨ ᠵᠢᠱᠢᠶᠡᠴᠢ᠂ ᠰᠢᠯᠢᠳᠡᠭ ᠨᠠᠮ ᠤᠨ ᠭᠡᠰᠢᠭᠦᠨ ᠢᠶᠠᠷ ᠬᠦᠬᠢᠭᠦᠯᠦᠭᠳᠡᠵᠦ᠂ ᠰᠤᠮᠤ᠂ | ᠬᠤᠳᠠ ᠶᠢᠨ ᠠᠷᠠᠳ ᠤᠨ ᠲᠦᠯᠦᠭᠡᠯᠡᠭᠴᠢ ᠪᠤᠯᠵᠦ᠂ ᠪᠠᠰᠠ ᠲᠦᠪ ᠷᠠᠳᠢᠣ᠋ ᠶᠢᠨ ᠮᠤᠩᠭᠤᠯ ᠬᠡᠯᠡᠨ ᠤ ᠭᠡᠯᠳᠡᠰ | ᠪᠠᠶᠢᠭᠤᠯᠤᠬᠳᠠᠬᠰᠡᠨ 50 ᠵᠢᠯ ᠤᠨ ᠤᠢ ᠳᠤ ᠴᠣᠷ ᠤᠨ ᠭᠠᠭᠴᠠ ᠮᠠᠯᠴᠢᠨ ᠲᠦᠯᠦᠭᠡᠯᠡᠭᠴᠢ ᠪᠠᠷ ᠰᠤᠩᠭᠤᠬᠳᠠᠵᠦ | ᠪᠡᠯᠭᠡᠯᠡᠬᠦ ᠠᠵᠢᠯᠯᠠᠭᠠ ᠳᠤᠨᠢ ᠤᠷᠤᠯᠴᠠᠵᠦ ᠶᠠᠪᠤᠵᠠᠢ᠃ ᠤᠳᠤ ᠬᠦᠳᠡᠭᠡ ᠳᠡᠭᠡᠨ ᠬᠦᠭᠰᠢᠨ ᠲᠠᠢ ᠪᠠᠨ ᠬᠤᠶᠠᠭᠤᠯᠠ | ᠬᠡᠤᠬᠡᠳ᠂ ᠤᠮᠪᠤᠯᠤ ᠶᠢᠨ ᠢᠶᠠᠨ ᠳᠡᠷᠭᠡᠳᠠ ᠢᠷᠡᠵᠤ ᠬᠦᠳᠡᠯᠮᠤᠷᠢ ᠠᠵᠢᠯ ᠳᠤᠨᠢ ᠬᠠᠮᠵᠢᠬᠤ ᠶᠢᠨ ᠬᠠᠮᠳᠤ ᠶᠠᠰᠤ ᠪᠠᠷᠢᠬᠤ | ᠠᠵᠢᠯ ᠢᠶᠠᠨ ᠬᠢᠵᠤ ᠪᠤᠢ᠃ | ᠮᠤᠩᠭᠤᠯ ᠤᠯᠤᠰ ᠲᠤ ᠨᠡᠷᠠ ᠮᠠᠨᠳᠤᠵᠦ ᠬᠠᠷᠢ ᠶᠢᠨ ᠬᠦᠮᠦᠨ ᠳᠤ ᠱᠠᠬᠰᠢᠬᠳᠠᠪᠠ | 1993 ᠤᠨ ᠳᠤ ᠦᠨᠢᠷ ᠰᠢᠯᠢ ᠶᠢᠨ ᠭᠤᠤᠯ ᠠᠶᠢᠮᠠᠭ ᠤᠨ ᠲᠤᠭᠤᠷᠢᠨ ᠰᠤᠷᠤᠯᠴᠠᠬᠤ ᠪᠦᠯᠬᠦᠮ ᠢ ᠳᠠᠭᠠᠵᠤ | ᠬᠠᠮᠳᠤ ᠮᠤᠩᠭᠤᠯ ᠤᠯᠤᠰ ᠲᠤ ᠠᠷᠪᠠᠭᠠᠳ ᠡᠳᠦᠷ ᠲᠤᠭᠤᠷᠢᠨ ᠰᠤᠷᠤᠯᠴᠠᠵᠠᠢ᠃ ᠮᠤᠩᠭᠤᠯ ᠤᠯᠤᠰ ᠤᠨ ᠬᠡᠨᠳᠡᠢ | ᠠᠶᠢᠮᠠᠭ ᠤᠨ ᠪᠢᠨᠳᠡᠷᠢᠶᠠ ᠰᠤᠮᠤᠨ ᠳᠤ ᠲᠤᠭᠤᠷᠢᠵᠦ ᠪᠠᠶᠢᠬᠤ ᠳᠤ ᠨᠢᠭᠡ ᠡᠮᠡᠭᠳᠡᠢ ᠮᠤᠷᠢᠨ ᠳᠠᠭᠠᠨ ᠢᠰᠭᠦᠯᠦᠭᠦᠯᠵᠦ᠂ | ᠬᠠᠪᠢᠷᠭᠠ ᠨᠢ ᠬᠤᠭᠤᠷᠠᠭᠠᠳ ᠶᠡᠭᠡ ᠰᠠᠨᠳᠤᠷᠴᠤ ᠪᠠᠶᠢᠬᠰᠠᠨ ᠢ ᠦᠨᠢᠷ ᠳᠠᠷᠤᠢ ᠳᠤᠨᠢ ᠪᠠᠷᠢᠵᠦ ᠦᠭᠭᠦᠭᠡᠳ ᠡᠳᠡᠭᠡᠭᠡᠪᠡ | ᠃ ᠮᠦᠨ ᠡᠨᠡ ᠬᠤᠭᠤᠴᠠᠭᠠᠨ ᠳᠤ ᠪᠠᠰᠠ ᠨᠢᠭᠡ ᠡᠷᠡᠭᠳᠡᠢ ᠮᠤᠷᠢᠨ ᠠᠴᠠ ᠪᠠᠨ ᠤᠶᠢᠴᠢᠵᠤ ᠬᠡᠳᠦᠨ ᠬᠠᠪᠢᠷᠭᠠ ᠨᠢ | ᠭᠠᠷᠤᠭᠠᠳ ᠵᠤᠪᠠᠵᠦ ᠰᠠᠨᠳᠤᠷᠴᠤ ᠪᠠᠶᠢᠬᠤ ᠳᠤ᠂ ᠲᠡᠷᠠ ᠨᠢᠭᠡ ᠨᠢᠭᠡ ᠪᠠᠷ ᠨᠢ ᠳᠠᠷᠤᠵᠦ ᠤᠷᠤᠭᠤᠯᠵᠦ ᠦᠭᠭᠦᠭᠰᠡᠨ ᠳᠤ | ᠮᠠᠷᠭᠠᠰᠢ ᠨᠢ ︽ᠬᠠᠩᠭᠢ ᠪᠤᠯᠴᠢᠬᠠᠯᠠ︾ ᠭᠡᠵᠦ ᠪᠠᠶᠠᠷᠯᠠᠨ ᠲᠠᠯᠠᠷᠬᠠᠵᠦ ᠪᠠᠶᠢᠬᠰᠡᠨ ᠭᠡᠨᠡ᠃ ᠡᠶᠢᠨ ᠬᠦ ᠮᠤᠩᠭᠤᠯ | ᠤᠯᠤᠰ ᠲᠤ ᠨᠡᠷᠡ ᠭᠠᠷᠴᠦ᠂ ᠰᠡᠯᠡᠩᠭᠡ ᠠᠶᠢᠮᠠᠭ ᠤᠨ ᠳᠠᠷᠤᠭᠠ ᠪᠡᠶᠠ ᠪᠠᠷ ᠢᠶᠠᠨ ᠲᠡᠭᠦᠨ ᠢ ᠵᠠᠯᠠᠵᠦ᠂ ᠳᠡᠨᠳᠠ | ᠭᠤᠷᠪᠠᠨ ᠵᠢᠯ ᠤᠨ ᠬᠤᠭᠤᠴᠠᠭᠠ ᠲᠠᠢ ᠪᠠᠭᠰᠢᠯᠠᠭᠤᠯᠵᠦ᠂ ᠡᠮᠴᠢᠯᠡᠭᠡ ᠬᠢᠯᠭᠡᠬᠦ ᠪᠠᠷ ᠤᠷᠢᠬᠰᠡᠨ ᠳᠤ ᠤᠷᠢᠯᠭᠠ ᠶᠢ ᠨᠢ | ᠬᠦᠯᠢᠶᠡᠵᠦ ᠠᠪᠤᠬᠰᠡᠨ ᠦᠭᠡᠢ ᠭᠡᠨᠡ᠃ | ᠨᠢᠭᠡ ᠠᠮᠧᠷᠢᠺᠡ ᠨᠤᠳᠤᠭ ᠲᠠᠢ ᠵᠤᠭᠠᠴᠠᠬᠴᠢ ᠰᠢᠯᠢᠩᠬᠤᠳᠡ ᠶᠢᠨ ᠪᠤᠯᠠᠭᠠᠨ ᠰᠤᠮᠤᠨ ᠳᠤ ᠢᠷᠡᠵᠦ ᠵᠤᠭᠠᠴᠠᠵᠦ | ᠪᠠᠶᠢᠭᠠᠳ ᠮᠤᠷᠢᠨ ᠠᠴᠠ ᠤᠶᠢᠴᠢᠵᠦ ᠨᠢᠷᠤᠭᠤᠨ ᠶᠠᠰᠤ ᠨᠢ ᠭᠡᠮᠳᠤᠵᠡᠢ᠃ ᠦᠨᠢᠷ ᠡᠨᠡ ᠬᠦ ᠠᠮᠧᠷᠢᠺᠠ | ᠵᠤᠭᠠᠴᠠᠭᠴᠢ ᠶᠢᠨ ᠨᠢᠷᠤᠭᠤᠨ ᠦᠶᠠ ᠶᠢ ᠨᠢ ᠪᠠᠷᠢᠵᠦ ᠦᠭᠬᠦᠭᠰᠡᠨ ᠳᠤ ᠲᠡᠷᠠ ᠬᠦᠮᠦᠨ ᠪᠠᠷᠢᠨ ᠪᠤᠰᠤᠭᠠᠳ ᠲᠤᠩ | ᠪᠠᠶᠠᠷᠯᠠᠵᠦ᠄ ︽ᠶᠤᠰᠤᠳᠠᠢ ᠨᠢᠭᠡ ᠠᠮᠢ ᠤᠷᠤᠯᠠ᠂ ᠪᠡᠶᠠ ᠳᠤ ᠦᠨᠠ ᠪᠡᠨᠠ ᠲᠠᠢ ᠦᠭᠡᠷᠠ ᠶᠠᠭᠤᠮᠠ ᠦᠭᠡᠢ︾ | ᠭᠡᠳ ᠠᠯᠳᠠᠨ ᠴᠠᠭ ᠢᠶᠠᠨ ᠦᠭᠭᠦ ᠳᠤ ᠨᠠᠰᠤᠳᠠᠨ ᠭᠠᠷ ᠰᠠᠵᠢᠭᠠᠳ ᠠᠪᠤᠬᠰᠡᠨ ᠦᠭᠡᠢ ᠭᠡᠳᠡᠭ᠃ | ᠬᠦᠨᠳᠦ ᠪᠡᠷᠳᠡᠯ ᠢ ᠡᠳᠡᠭᠡᠭᠡᠵᠦ ᠬᠦᠮᠦᠨ ᠠᠷᠠᠳ ᠲᠠᠭᠠᠨ ᠮᠠᠬᠳᠠᠬᠳᠠᠪᠠ | ᠦᠨᠢᠷ ᠲᠡᠷᠭᠡ ᠤᠨᠤᠭᠠᠨ ᠤ ᠡ᠊ᠨᠳᠡᠯ ᠰᠢᠷᠬᠠᠳᠤᠯ ᠠᠴᠠ ᠪᠤᠯᠵᠦ ᠬᠦᠨᠳᠦ ᠪᠡᠷᠳᠡᠵᠦ᠂ ᠶᠠᠰᠤ ᠦᠶᠠ ᠨᠢ | ᠭᠡᠮᠳᠦᠬᠦ ᠪᠠᠷ ᠪᠠᠷᠠᠬᠤ ᠦᠭᠡᠢ ᠰᠤᠳᠠᠯ ᠮᠡᠳᠡᠷᠡᠯ ᠨᠢ ᠳᠠᠷᠤᠬᠳᠠᠵᠦ᠂ ᠠᠮᠢ ᠨᠠᠰᠤᠨ ᠤ ᠲᠦᠭᠰᠢᠬᠦᠷᠢ ᠳᠤ ᠤᠴᠠᠷᠠᠵᠦ | ᠪᠠᠶᠢᠬᠰᠡᠨ ᠬᠦᠮᠦᠰ ᠢ ᠡᠳᠡᠭᠡᠭᠡᠨ ᠭᠠᠶᠢᠬᠠᠮᠰᠢᠭ ᠡᠭᠦᠳᠴᠦ ᠪᠠᠶᠢᠬᠰᠡᠨ ᠶᠠᠪᠤᠳᠠᠯ ᠤᠯᠠᠨ ᠤ ᠳᠤᠮᠳᠠ ᠤᠯᠠᠮᠵᠢᠯᠠᠬᠳᠠᠵᠤ | ᠪᠠᠶᠢᠯᠡ᠃ ᠲᠦᠷᠦᠭᠦᠦ ᠬᠤᠶᠠᠷ ᠵᠢᠯ ᠭᠡᠰᠢᠭᠳᠡᠨ ᠬᠤᠰᠢᠭᠤᠨ ᠤ ᠨᠢᠭᠡ ᠡᠪᠡᠳᠴᠢᠳᠡᠨ ᠲᠡᠷᠭᠡᠨ ᠡ᠊ᠨᠳᠡᠯ ᠠᠴᠠ ᠪᠤᠯᠵᠦ᠂ | ᠰᠠᠯᠳᠠᠭᠠ ᠶᠠᠰᠤ ᠨᠢ ᠰᠠᠯᠵᠦ᠂ ᠬᠤᠶᠠᠷ ᠨᠢᠷᠤᠭᠤᠨ ᠤ ᠦᠶᠠ ᠨᠢ ᠰᠢᠯᠵᠢᠭᠡᠳ ᠳᠤᠤᠷᠠ ᠪᠡᠶᠠ ᠨᠢ ᠮᠡᠳᠡᠷᠡᠯ ᠦᠭᠡᠢ | ᠪᠤᠯᠵᠦ᠂ ᠦᠳᠭᠡᠨ ᠰᠢᠩᠭᠡᠨ ᠮᠦᠷ ᠢᠶᠠᠨ ᠴᠦ ᠭᠠᠷᠭᠠᠵᠦ ᠴᠢᠳᠠᠬᠤ ᠦᠭᠡᠢ ᠪᠤᠯᠤᠭᠠᠳ ᠦᠨᠢᠷ ᠢ ᠵᠠᠯᠠᠵᠦ ᠠᠪᠠᠴᠢᠵᠠᠢ | ᠃ ᠦᠨᠢᠷ ︽ᠪᠢ ᠤᠴᠢᠭᠠᠳ ᠦᠵᠡᠬᠦ ᠳᠤ ᠨᠢᠷᠤᠭᠤᠨ ᠤ ᠬᠢᠨᠢ ᠨᠤᠭᠤᠰᠦ᠂ ᠮᠡᠳᠡᠷᠡᠯ ᠳᠠᠷᠤᠬᠳᠠᠵᠦ ᠶᠡᠭᠡ ᠠᠶᠤᠯᠲᠠᠢ | ᠪᠠᠶᠢᠪᠠ᠃ ᠵᠠᠰᠠᠵᠤ ᠳᠡᠶᠢᠯᠪᠡᠯ ᠨᠢᠭᠡ ᠭᠠᠷᠠᠭ ᠲᠤ ᠡᠳᠡᠭᠡᠭᠡᠨᠠ᠂ ᠳᠡᠶᠢᠯᠬᠦ ᠦᠭᠡᠢ ᠪᠣᠯ ᠠᠮᠢ ᠨᠠᠰᠤᠨ ᠤ ᠠᠶᠤᠯᠲᠠᠢ | ᠪᠠᠶᠢᠭᠠ ᠪᠠᠶᠢᠳᠠᠯ ᠢ ᠭᠡᠷ ᠪᠦᠯᠢ ᠳᠤᠨᠢ ᠬᠡᠯᠡᠵᠦ ᠦᠭᠭᠦᠭᠰᠡᠨ ᠳᠤ ᠳᠡᠳᠠ ᠬᠠᠰᠢ ᠯᠠ ᠵᠠᠰᠠᠭᠤᠯᠬᠤ ᠶᠢ ᠵᠤᠷᠢᠯᠠ᠃ | ᠲᠡᠭᠡᠭᠡᠳ ᠪᠢ ᠢᠯᠢᠵᠦ ᠦᠭᠭᠦᠭᠰᠡᠨ ᠳᠤ ᠬᠡᠳᠦᠨ ᠬᠤᠨᠤᠭ ᠲᠤ ᠡᠳᠡᠭᠡᠷᠡᠵᠦ᠂ ︿ᠠᠮᠢ ᠨᠠᠰᠦ ᠶᠢ ᠳᠠᠬᠢᠵᠦ | ᠤᠯᠭᠤᠬᠰᠡᠨ ᠠᠴᠢᠳᠦ ᠬᠦᠮᠦᠨ﹀ ᠭᠡᠳ ᠨᠠᠮᠠᠶᠢ ᠪᠠᠰᠠ ᠡᠷᠭᠢᠵᠦ ᠦᠵᠡᠵᠦ ᠪᠠᠶᠢᠬᠰᠡᠨ︾ ᠭᠡᠵᠦ ᠶᠠᠷᠢᠨᠠ᠃ | ᠰᠢᠯᠢᠩᠬᠤᠳᠡ ᠶᠢᠨ ᠪᠠᠶᠠᠨᠪᠤᠯᠠᠭ ᠰᠤᠮᠤᠨ ᠤ ᠨᠢᠭᠡ ᠬᠦᠮᠦᠨ ᠲᠡᠷᠭᠡᠨ ᠡ᠊ᠨᠳᠡᠯ ᠠᠴᠠ ᠪᠤᠯᠵᠦ᠂ ᠦᠭᠡ ᠶᠠᠷᠢᠵᠦ | ᠴᠢᠳᠠᠬᠤ ᠠᠴᠠ ᠪᠤᠰᠤ ᠳᠦᠷᠪᠡᠨ ᠮᠦᠴᠢ ᠨᠢ ᠪᠦᠷ ᠮᠡᠳᠡᠷᠡᠯ ᠦᠭᠡᠢ ᠪᠤᠯᠤᠭᠠᠳ ᠲᠡᠭᠦᠨ ᠢ ᠵᠠᠯᠠᠵᠠᠢ᠃ ᠦᠨᠢᠷ | ᠤᠴᠢᠵᠦ ᠦᠵᠡᠭᠡᠳ᠄ ︽ᠬᠦᠵᠦᠭᠦᠨ ᠤ ᠮᠡᠳᠡᠷᠡᠯ ᠳᠠᠷᠤᠬᠳᠠᠬᠰᠡᠨ ᠮᠠᠶ᠋ᠢᠬᠳᠠᠢ᠃ ᠬᠡᠷᠪᠡ ᠲᠡᠶᠢᠮᠦ ᠪᠣᠯ ᠨᠤᠬᠤᠯᠠᠵᠦ | ᠦᠭᠭᠦᠭᠰᠡᠭᠡᠷ 7 ᠡᠳᠦᠷ ᠲᠤ ᠮᠡᠳᠡᠷᠡᠯ ᠤᠷᠤᠨᠠ᠂ ᠡᠨᠡ ᠡᠮᠴᠢᠯᠡᠭᠡ ᠵᠤᠬᠢᠷᠠᠪᠠᠯ ᠮᠠᠷᠭᠠᠰᠢ ᠪᠠᠷᠠᠭᠤᠨ ᠭᠠᠷ ᠨᠢ | ᠬᠦᠳᠡᠯᠦᠨᠠ᠂ ᠦᠭᠡᠢ ᠪᠤᠯ ᠨᠠᠮᠠᠶᠢ ᠪᠤᠤ ᠡᠷᠢ ᠭᠡᠰᠡᠨ ᠶᠤᠮ᠃ ᠲᠡᠭᠡᠭᠦ ᠳᠤ ᠲᠡᠷᠠ ᠤᠷᠤᠢ ᠨᠢ ᠭᠠᠷ ᠨᠢ ᠬᠦᠳᠡᠯᠦᠭᠡᠳ | ᠵᠠᠯᠭᠠᠵᠦ ᠵᠠᠰᠠᠭᠠᠳ ᠡᠳᠡᠭᠡᠷᠡᠭᠰᠡᠨ︾ ᠭᠡᠵᠦ ᠨᠠᠰᠤᠳᠠᠨ ᠪᠠᠶᠠᠷᠳᠠᠢ ᠶᠠᠷᠢᠵᠤ ᠪᠠᠶᠢᠯᠠ᠃ | ᠦᠨᠢᠷ ᠨᠠᠰᠤᠨ ᠲᠤᠷᠰᠢᠲᠠ ᠢᠩᠬᠢᠵᠤ ᠬᠦᠮᠦᠨ ᠠᠷᠠᠳ ᠲᠠᠭᠠᠨ ᠲᠤᠰᠠ ᠪᠤᠯᠤᠭᠰᠠᠭᠠᠷ ᠢᠷᠡᠭᠰᠡᠨ ᠶᠤᠮ᠃ | |