| ᠨᠢᠬᠡ᠂ ᠲᠡᠤᠬᠡᠨ ᠨᠤᠮ | 1. ︽ᠮᠤᠩᠭᠤᠯ ᠤᠨ ᠨᠢᠭᠤᠴᠠ ᠲᠤᠪᠴᠢᠶᠠᠨ︾ | ᠵᠤᠬᠢᠶᠠᠬᠴᠢ ᠨᠢ ᠲᠤᠳᠤ ᠪᠤᠰᠤ᠃ | ᠠᠷᠪᠠᠨ ᠭᠤᠷᠪᠠᠳᠤᠭᠠᠷ ᠵᠠᠭᠤᠨ ᠤ ᠦᠶᠡ ᠶᠢᠨ ᠬᠠᠮᠤᠭ ᠠᠩᠬᠠᠨ ᠤ ᠮᠤᠩᠭᠤᠯ ᠤᠨ ᠲᠡᠤᠬᠡᠨ ᠨᠤᠮ ᠮᠦᠨ᠃ | ᠪᠦᠬᠦ ᠨᠤᠮ ᠳᠤ 282 ᠪᠠᠳᠠᠭ ᠲᠠᠢ᠂ 12 ᠪᠤᠶᠤ 15 ᠪᠤᠳᠢ ᠬᠡᠮᠡᠨ ᠬᠤᠶᠠᠷ ᠵᠦᠢᠯ ᠢᠶᠠᠷ ᠠᠩᠬᠢᠯᠠᠳᠠᠭ᠃ ᠲᠤᠰ | ᠨᠤᠮ ᠠᠷᠪᠠᠨ ᠭᠤᠷᠪᠠᠳᠤᠭᠠᠷ ᠵᠠᠭᠤᠨ ᠤ ᠲᠤᠮᠳᠠᠴᠢ ᠪᠠᠷ ᠵᠤᠬᠢᠶᠠᠬᠳᠠᠵᠠᠢ᠃ ᠡᠨᠡ ᠪᠤᠯ ᠮᠤᠩᠭᠤᠯ ᠦᠨᠳᠦᠰᠦᠳᠡᠨ ᠤ | ᠠᠩᠬᠠᠳᠠᠬᠴᠢ ᠲᠡᠤᠬᠡᠨ ᠲᠤᠯᠭᠤᠷ ᠪᠢᠴᠢᠭ ᠪᠤᠯᠬᠤ ᠮᠦᠷᠳᠡᠬᠡᠨ ᠤᠷᠠᠨ ᠵᠤᠬᠢᠶᠠᠯ ᠤᠨ ᠪᠦᠳᠦᠬᠡᠯ ᠪᠤᠯᠤᠨᠠ᠃ | ᠡᠳᠦᠭᠡ ᠶᠢᠨ ᠤᠯᠳᠠᠬᠰᠠᠨ ︽ᠮᠤᠩᠭᠤᠯ ᠤᠨ ᠨᠢᠭᠤᠴᠠ ᠲᠤᠪᠴᠢᠶᠠᠨ︾ ᠭᠡᠭᠴᠢ ᠮᠢᠩ ᠤᠯᠤᠰ ᠤᠨ ᠡᠬᠢᠨ ᠤ | ᠦᠶᠡ ᠶᠢᠨ ᠬᠢᠳᠡᠳ ᠭᠠᠯᠢᠬᠯᠠᠯ ᠤᠨ ᠲᠡᠪᠳᠡᠷ ᠢ ᠮᠤᠩᠭᠤᠯᠴᠢᠯᠠᠨ ᠪᠠᠭᠤᠯᠭᠠᠬᠰᠠᠨ ᠲᠡᠪᠳᠡᠷ ᠪᠤᠯᠤᠨᠠ᠃ | ᠲᠤᠰ ᠨᠤᠮ ᠤᠨ ᠪᠦᠬᠦ᠋ᠢᠯᠡ ᠠᠭᠤᠯᠭᠠ ᠨᠢ ᠮᠤᠩᠭᠤᠯ ᠦᠨᠳᠦᠰᠦᠳᠡᠨ ᠤ ᠡᠬᠦᠰᠦᠯ ᠭᠠᠷᠦᠯ ᠠᠴᠠ ᠡᠬᠢᠯᠡᠵᠦ᠂ | ᠴᠢᠩᠭᠢᠰ ᠬᠠᠭᠠᠨ ᠠᠴᠠ ᠦᠬᠡᠳᠡᠢ ᠬᠠᠭᠠᠨ ᠤ ᠦᠶᠡ ᠶᠢᠨ ᠬᠤᠭᠤᠷᠤᠨᠳᠤᠬᠢ᠂ ᠮᠤᠩᠭᠤᠯ ᠦᠨᠳᠦᠰᠦᠳᠡᠨ ᠨᠢ | ᠠᠶᠢᠮᠠᠭ ᠤᠨ ᠨᠡᠷᠡᠶᠢᠳᠦᠯ ᠠᠴᠠ ᠦᠨᠳᠦᠰᠦᠳᠡᠨ ᠪᠤᠯᠤᠨ ᠪᠦᠷᠢᠯᠳᠦᠵᠦ᠂ ᠶᠡᠭᠡ ᠮᠤᠩᠭᠤᠯ ᠤᠯᠤᠰ ᠢ ᠪᠠᠶᠢᠭᠤᠯᠤᠨ | ᠬᠦᠭᠵᠢᠬᠦᠯᠦᠭᠰᠡᠨ ᠲᠡᠤᠬᠡᠳᠦ ᠬᠡᠷᠡᠭ ᠶᠠᠪᠤᠳᠠᠯ ᠢ ᠲᠡᠮᠳᠡᠭᠯᠡᠨ ᠲᠤᠭᠠᠴᠢᠬᠰᠠᠨ ᠪᠠᠶᠢᠨᠠ᠃ | ᠡᠨᠡ ᠨᠢ ᠮᠤᠩᠭᠤᠯ ᠦᠨᠳᠦᠰᠦᠳᠡᠨ ᠤ ᠲᠡᠤᠬᠡᠨ ᠬᠦᠭᠵᠢᠯ᠂ ᠨᠡᠶᠢᠬᠡᠮ ᠠᠬᠤᠢ᠂ ᠤᠳᠬᠠ ᠵᠤᠬᠢᠶᠠᠯ ᠪᠤᠯᠤᠨ | ᠦᠬᠡ ᠬᠡᠯᠡᠨ ᠤ ᠬᠦᠭᠵᠢᠯ ᠢ ᠰᠤᠳᠤᠯᠤᠨ ᠰᠦᠪᠡᠭᠴᠢᠯᠡᠬᠦ ᠳᠤ ᠡᠷᠬᠢᠮ ᠨᠠᠨᠳᠢᠨ ᠦᠨᠠ ᠴᠠᠨᠠ ᠲᠠᠢ ᠪᠠᠶᠢᠳᠠᠭ᠃ | ︽ᠨᠢᠭᠤᠴᠠ ᠲᠤᠪᠴᠢᠶᠠᠨ︾ ᠤ ᠤᠷᠠᠨ ᠵᠤᠬᠢᠶᠠᠯ ᠳᠤ ︽ᠴᠢᠩᠭᠢᠰ ᠤᠨ ᠡᠷᠡ ᠬᠤᠶᠠᠷ ᠵᠢᠭᠠᠯ ᠤᠨ ᠲᠤᠭᠤᠵᠢ︾ | ᠂ ︽ᠴᠢᠩᠭᠢᠰ ᠬᠠᠭᠠᠨ ᠤ ᠪᠢᠯᠢᠭ︾᠂ ︽ᠤᠶᠤᠨ ᠲᠦᠯᠬᠢᠬᠦᠷ︾᠂ ︽ᠴᠢᠩᠭᠢᠰ ᠤᠨ ᠶᠢᠰᠦᠨ ᠦᠷᠯᠦᠭ ᠲᠠᠢ | ᠦᠨᠦᠴᠢᠨ ᠬᠦᠪᠡᠬᠦᠨ ᠤ ᠰᠡᠴᠡᠯᠡᠭᠰᠡᠨ ᠱᠠᠰᠳᠢᠷ︾ ᠵᠡᠷᠭᠡ ᠵᠤᠬᠢᠶᠠᠯ ᠪᠠᠭᠳᠠᠵᠦ ᠪᠤᠢ᠃ | ︽ᠨᠢᠭᠤᠴᠠ ᠲᠤᠪᠴᠢᠶᠠᠨ︾ ᠤ ᠢᠷᠡᠯᠳᠡ ᠶᠢᠨ ᠲᠤᠬᠠᠢ ᠲᠡᠤᠬᠡᠨ ᠲᠡᠮᠳᠡᠭᠯᠡᠯ ᠳᠤ᠄ 1206 ᠤᠨ ᠳᠤ ᠴᠢᠩᠭᠢᠰ | ᠬᠠᠭᠠᠨ ᠲᠡᠬᠦᠨ ᠤ ᠲᠡᠵᠢᠬᠡᠭᠰᠡᠨ ᠲᠡᠬᠦᠦ ᠵᠠᠷᠭᠤᠴᠢ ᠰᠢᠬᠢᠬᠤᠳᠤᠭ ᠢᠶᠠᠷ ︽ᠬᠦᠭᠡ ᠲᠡᠪᠳᠡᠷ︾ ᠪᠢᠴᠢᠬᠦᠯᠵᠡᠢ ︵ | ᠤᠶᠢᠭᠤᠷᠵᠢᠨ ᠮᠤᠩᠭᠤᠯ ᠦᠰᠦᠭ ᠢᠶᠠᠷ ᠪᠢᠴᠢᠭᠳᠡᠭᠰᠡᠨ ᠠᠩᠬᠠᠨ ᠤ ᠪᠢᠴᠢᠭ ᠮᠠᠲᠧᠷᠢᠶᠠᠯ︶ ᠬᠡᠰᠡᠨ ᠠᠴᠠ ᠦᠵᠡᠪᠡᠯ᠂ | ᠡᠨᠡ ᠪᠤᠯ ︽ᠨᠢᠭᠤᠴᠠ ᠲᠤᠪᠴᠢᠶᠠᠨ︾ ᠤ ᠪᠢᠴᠢᠯᠳᠡ ᠶᠢᠨ ᠢᠷᠡᠯ ᠡᠬᠦᠰᠦᠯ ᠢ ᠲᠤᠳᠤᠷᠬᠠᠶᠢᠯᠠᠵᠦ ᠪᠠᠶᠢᠳᠠᠭ᠃ | 2. ︽ᠰᠢᠷᠠ ᠲᠤᠭᠤᠵᠢ︾ | ᠪᠦᠬᠦᠯᠢ ᠨᠡᠷᠡ᠄ ︽ᠡᠷᠳᠡᠨ ᠤ ᠮᠤᠩᠭᠤᠯ ᠤᠨ ᠬᠠᠳ ᠤᠨ ᠦᠨᠳᠦᠰᠦᠨ ᠤ ᠶᠡᠭᠡ ᠰᠢᠷᠠ ᠲᠤᠭᠤᠵᠢ ᠤᠷᠤᠰᠢᠪᠠ︾ | | ᠵᠤᠬᠢᠶᠠᠬᠴᠢ ᠶᠢᠨ ᠨᠡᠷᠡ ᠨᠢ ᠮᠡᠳᠡᠬᠡᠳᠦᠢ᠃ ᠮᠤᠩᠭᠤᠯ ᠤᠨ ᠡᠷᠳᠡᠨ ᠤ ᠬᠡᠯᠡ ᠪᠠᠷ ᠵᠤᠬᠢᠶᠠᠬᠳᠠᠬᠰᠠᠨ ᠪᠦᠬᠡᠳ | ᠵᠤᠬᠢᠶᠠᠯ ᠳᠤ ᠭᠤᠤᠯᠳᠠᠭᠤ ᠮᠤᠩᠭᠤᠯ ᠦᠨᠳᠦᠰᠦᠳᠡᠨ ᠤ ᠭᠠᠷᠦᠯ ᠡᠬᠦᠰᠦᠯ ᠠᠴᠠ ᠠᠪᠤᠭᠠᠳ ᠴᠢᠩᠭᠢᠰ ᠬᠠᠭᠠᠨ ᠪᠤᠯᠤᠨ | ᠲᠡᠬᠦᠨ ᠤ ᠡᠪᠦᠭᠡ ᠲᠡᠭᠡᠳᠦᠰ᠂ ᠲᠦᠷᠦᠯ ᠤᠬᠰᠠᠭᠠ᠂ ︽ᠠᠯᠳᠠᠨ ᠤᠷᠤᠭ︾ ᠤᠨ ᠬᠡᠷᠡᠭ ᠶᠠᠪᠤᠳᠠᠯ ᠢ ᠲᠡᠮᠳᠡᠭᠯᠡᠵᠦ᠂ | ᠴᠢᠨᠠᠬᠰᠢᠯᠠᠨ 17 ᠳ᠋ᠤᠭᠠᠷ ᠵᠠᠭᠤᠨ ᠤ ᠰᠡᠬᠦᠯᠴᠢ ᠦᠶᠡ ᠶᠢᠨ ᠮᠤᠩᠭᠤᠯ ᠤᠨ ᠠᠶᠢᠮᠠᠭ ᠤᠨ ᠨᠤᠶᠠᠷᠬᠠᠯ ᠵᠢᠴᠢ ᠦᠶᠠ | ᠵᠠᠯᠭᠠᠮᠵᠢ ᠶᠢ ᠲᠡᠮᠳᠡᠭᠯᠡᠭᠰᠡᠨ ᠲᠡᠤᠬᠡ ᠶᠢᠨ ᠪᠦᠳᠦᠭᠡᠯ ᠮᠦᠨ᠃ ᠬᠡᠬᠦ ᠳᠤ ᠪᠠᠨ ᠲᠡᠷᠡ ᠪᠤᠯ ᠲᠡᠷᠡ ᠴᠢᠭ ᠢᠶᠠᠷ ᠢᠶᠠᠨ | ᠤᠨ ᠲᠠᠷᠠᠭᠠᠯᠠᠬᠰᠠᠨ ᠲᠡᠤᠬᠡ ᠶᠢᠨ ᠰᠢᠨᠵᠢ ᠪᠦᠬᠦᠢ ᠲᠡᠤᠬᠡᠨ ᠰᠤᠳᠤᠷ ᠪᠤᠯᠤᠯᠳᠠᠢ᠃ ︽ᠲᠤᠪᠴᠢᠶᠠᠨ︾ ᠰᠢᠬ | ᠤᠳᠬᠠ ᠵᠤᠬᠢᠶᠠᠯ ᠤᠨ ᠪᠦᠷᠢᠯᠳᠦᠬᠦᠨ ᠪᠦᠬᠦᠢ ᠲᠡᠶᠢᠮᠦ ᠲᠡᠤᠬᠡᠨ ᠵᠤᠬᠢᠶᠠᠯ ᠪᠢᠰᠢ ᠶᠤᠮ᠃ | 3. ︽ᠲᠡᠯᠡᠬᠡᠢ ᠶᠢ ᠪᠠᠶᠢᠯᠳᠤᠨ ᠲᠠᠭᠠᠭᠤᠯᠤᠬᠴᠢ ᠶᠢᠨ ᠲᠡᠤᠬᠡ︾ | ᠵᠤᠬᠢᠶᠠᠬᠴᠢ ᠨᠢ ᠫᠧᠷᠰ ᠤᠨ ᠠᠷᠦᠳᠢᠨ ᠠᠳ᠋ᠮᠧᠷᠢᠺ ᠵᠤᠸᠠᠶᠢᠨᠢ ᠮᠦᠨ᠃ ᠲᠡᠷᠡ ᠪᠤᠯ ᠮᠤᠩᠭᠤᠯ ᠤᠨ ᠢᠯ ᠬᠠᠭᠠᠨᠳᠤ | ᠤᠯᠤᠰ ᠤᠨ ᠬᠤᠯᠤᠭᠤ ᠬᠠᠨ ᠤ ᠲᠦᠰᠢᠮᠡᠯ ᠪᠢᠯᠡ᠃ ᠲᠡᠷᠡ ᠪᠤᠯ ᠴᠢᠩᠭᠢᠰ ᠬᠠᠭᠠᠨ ᠤ ᠪᠠᠷᠠᠭᠤᠨᠰᠢ ᠲᠠᠶᠢᠯᠠᠬᠰᠠᠨ | ᠶᠠᠪᠤᠴᠠ ᠶᠢ ᠨᠠᠷᠢᠨ ᠲᠡᠮᠳᠡᠭᠯᠡᠭᠰᠡᠨ ᠠᠩᠬᠠᠳᠠᠬᠴᠢ ᠲᠡᠤᠬᠡ ᠶᠢᠨ ᠡᠷᠳᠡᠮᠳᠡᠨ ᠪᠦᠭᠡᠳ ᠪᠠᠰᠠ ᠴᠤ ᠡᠨᠡ ᠲᠠᠯᠠ ᠶᠢᠨ | ᠡᠷᠬᠡ ᠬᠦᠨᠳᠦᠳᠡᠨ ᠮᠦᠨ᠃ | ᠲᠤᠰ ᠨᠤᠮ ᠳᠤ ᠴᠢᠩᠭᠢᠰ ᠬᠠᠭᠠᠨ ᠠᠴᠠ ᠠᠪᠤᠭᠠᠳ ᠬᠤᠯᠤᠭᠤ ᠶᠢᠨ ᠴᠡᠷᠢᠭ ᠪᠠᠶᠢᠭᠤᠯᠤᠨ᠂ ᠢᠰᠮᠠᠶᠢᠨ ᠤ | ᠪᠦᠯᠦᠭ ᠤᠨ ᠬᠤᠳᠠ ᠴᠠᠶᠢᠵᠠ ᠶᠢ ᠡᠪᠳᠡᠭᠰᠡᠨ ᠬᠦᠷᠳᠡᠯᠡᠬᠢ ᠤᠨ ᠵᠢᠯ ᠤᠳ ᠤᠨ ᠬᠡᠷᠡᠭ ᠶᠠᠪᠤᠳᠠᠯ ᠢ ᠪᠢᠴᠢᠭᠰᠡᠨ | ᠪᠠᠶᠢᠨᠠ᠃ | ᠪᠦᠬᠦ ᠨᠤᠮ ᠢ 3 ᠬᠡᠰᠡᠭ ᠬᠤᠪᠢᠶᠠᠵᠦ ᠪᠤᠯᠤᠨᠠ᠄ | ᠨᠢᠬᠡᠳᠦᠭᠡᠷ ᠬᠡᠰᠡᠭ ᠲᠤ᠂ ᠮᠤᠩᠭᠤᠯ ᠤᠨ ᠲᠦᠷᠦᠬᠦᠨ ᠤ ᠭᠤᠷᠪᠠᠨ ᠬᠠᠭᠠᠨ — ᠴᠢᠩᠭᠢᠰ᠂ ᠦᠬᠡᠳᠡᠢ᠂ | ᠬᠦᠶᠦᠭ ᠤᠨ ᠦᠶᠡ ᠶᠢᠨ ᠲᠡᠤᠬᠡ ᠶᠢ ᠪᠢᠴᠢᠪᠡ᠃ | ᠬᠤᠶᠠᠳᠤᠭᠠᠷ ᠬᠡᠰᠡᠭ ᠲᠤ᠄ ᠬᠡᠷᠡᠭ ᠲᠡᠭᠡᠷᠡ ᠪᠠᠨ ᠲᠦᠪ ᠠᠽᠢᠶᠠ ᠬᠢᠭᠡᠳ ᠫᠧᠷᠰ ᠤᠨ ᠲᠡᠤᠬᠡ ᠪᠤᠯᠤᠨᠠ᠃ | ᠭᠤᠷᠪᠠᠳᠤᠭᠠᠷ ᠬᠡᠰᠡᠭ ᠨᠢ᠄ ᠶᠡᠭᠡ ᠲᠡᠯᠬᠡᠷᠡᠩᠭᠦᠢ ᠠᠭᠤᠯᠭᠠ ᠲᠠᠢ᠂ ᠲᠤᠰ ᠬᠡᠰᠡᠭ ᠨᠢ ᠲᠤᠯᠤᠢ ᠠᠴᠠ ᠡᠬᠢᠯᠡᠵᠦ | ᠶᠡᠭᠡ ᠤᠯᠠᠨ ᠬᠠᠭᠤᠳᠠᠰᠦ ᠵᠠᠷᠦᠴᠠᠭᠤᠯᠤᠨ ᠮᠦᠩᠭᠡ ᠬᠠᠭᠠᠨ ᠰᠠᠭᠤᠬᠰᠠᠨ ᠪᠤᠯᠤᠨ ᠲᠡᠬᠦᠨ ᠤ ᠨᠤᠶᠠᠷᠬᠠᠯ ᠤᠨ ᠡᠬᠢᠨ ᠤ | ᠦᠶᠡ ᠶᠢᠨ ᠲᠡᠤᠬᠡᠨ ᠬᠡᠷᠡᠭ ᠢ ᠪᠢᠴᠢᠵᠡᠢ᠃ ᠡᠨᠡ ᠬᠡᠰᠡᠭ ᠪᠤᠯ ᠬᠠᠮᠤᠭ ᠤᠨ ᠶᠡᠭᠡ ᠦᠨᠡ ᠴᠠᠨᠠ ᠲᠠᠢ ᠬᠡᠰᠡᠭ ᠮᠦᠨ᠃ | | 4. ︽ᠰᠤᠳᠤᠷ ᠤᠨ ᠴᠢᠭᠤᠯᠭᠠᠨ︾ ︵︽ᠲᠡᠤᠬᠡ ᠶᠢᠨ ᠴᠤᠬᠯᠠᠭᠠᠨ︾︶ | ᠵᠤᠬᠢᠶᠠᠬᠴᠢ᠄ ᠷᠠᠰᠢᠳ — ᠠᠳ — ᠳᠢᠨ ᠡᠷᠬᠢᠯᠡᠨ ᠨᠠᠶᠢᠷᠠᠭᠤᠯᠵᠦ᠂ ᠪᠤᠯᠤ ᠴᠢᠩᠰᠠᠩ ᠵᠡᠷᠭᠡ 6 | ᠮᠤᠩᠭᠤᠯ ᠲᠡᠤᠬᠡᠴᠢᠨ ᠭᠤᠤᠯᠯᠠᠨ ᠪᠢᠴᠢᠪᠡ᠃ | ᠷᠠᠰᠢᠳ — ᠠᠳ — ᠳᠢᠨ ︵1247 — 1317︶ ᠪᠤᠯ 14 ᠵᠠᠭᠤᠨ ᠤ ᠡᠬᠢᠨ ᠤ ᠦᠶᠡ ᠶᠢᠨ | ᠫᠧᠷᠰ ᠤᠨ ᠤᠯᠤᠰ ᠲᠦᠷᠦᠴᠢᠨ᠂ ᠲᠡᠤᠬᠡ ᠶᠢᠨ ᠡᠷᠳᠡᠮᠳᠡᠨ ᠮᠦᠨ᠃ ᠲᠡᠷᠡ ᠢᠯ ᠬᠠᠭᠠᠨ ᠬᠠᠰᠠᠨ ︵1295 — | 1304︶ ᠪᠤᠯᠤᠨ ᠦᠯᠵᠡᠶᠢᠳᠤ ᠬᠠᠨ ︵1304 — 1316︶ ᠤ ᠵᠠᠷᠯᠢᠭ ᠢᠶᠠᠷ ︽ᠰᠤᠳᠤᠷ ᠤᠨ ᠴᠢᠭᠤᠯᠭᠠᠨ | ︾ ᠬᠡᠬᠦ ᠨᠤᠮ ᠢ ᠡᠷᠬᠢᠯᠡᠨ ᠨᠠᠶᠢᠷᠠᠭᠤᠯᠵᠦ᠂ 10 ᠵᠢᠯ ᠤᠨ ᠬᠤᠭᠤᠴᠠᠭᠠ ᠬᠡᠷᠡᠭᠯᠡᠨ ᠲᠤᠭᠤᠷᠪᠢᠨ ᠲᠠᠭᠤᠰᠬᠠᠵᠠᠢ᠃ | ᠡᠨᠡ ᠪᠤᠯ ᠤᠷᠢᠳᠤ ᠭᠠᠷᠤᠭᠠ ᠦᠭᠡᠢ ᠲᠡᠯᠡᠬᠡᠢ ᠶᠢᠨ ᠨᠡᠪᠳᠡᠷᠬᠡᠢ ᠲᠡᠤᠬᠡ ᠶᠢᠨ ᠴᠢᠨᠠᠷᠳᠠᠢ ᠶᠡᠭᠡ ᠪᠦᠳᠦᠭᠡᠯ ᠮᠦᠨ᠃ | | ᠭᠤᠷᠪᠠᠨ ᠬᠡᠰᠡᠭ ᠬᠤᠪᠢᠶᠠᠨᠠ᠄ | ᠨᠢᠬᠡᠳᠦᠭᠡᠷ ᠬᠡᠰᠡᠭ — ︽ᠮᠤᠩᠭᠤᠯ ᠤᠨ ᠲᠡᠤᠬᠡ︾ | ᠬᠤᠶᠠᠳᠤᠭᠠᠷ ᠬᠡᠰᠡᠭ — ︽ᠲᠡᠯᠡᠬᠡᠢ ᠶᠢᠨ ᠲᠡᠤᠬᠡ︾ | ᠭᠤᠷᠪᠠᠳᠤᠭᠠᠷ ᠬᠡᠰᠡᠭ — ︽ᠲᠡᠯᠡᠬᠡᠢ ᠶᠢᠨ ᠭᠠᠵᠠᠷ ᠤᠷᠤᠨ ᠤ ᠲᠡᠮᠳᠡᠭᠯᠡᠯ︾ ᠮᠦᠨ᠃ | ᠲᠡᠬᠦᠨ ᠤ ᠲᠦᠷᠦᠬᠦᠦ ᠬᠤᠶᠠᠷ ᠬᠡᠰᠡᠭ ᠪᠤᠯᠤᠨ ᠲᠤᠳᠠᠭᠤ ᠲᠤᠷᠭᠤᠨ ᠲᠠᠭᠠᠯᠳᠤᠭᠤᠯᠤᠯ ᠪᠤᠯᠬᠤ ︽ᠠᠷᠠᠪ᠂ | ᠢᠪᠷᠡᠢ᠂ ᠮᠤᠩᠭᠤᠯ ᠹᠦᠯᠠᠩ᠂ ᠲᠤᠮᠳᠠᠳᠤ ᠶᠢᠨ ᠦᠨᠳᠦᠰᠦᠳᠡᠨ ᠵᠡᠷᠭᠡ ᠲᠠᠪᠦᠨ ᠦᠨᠳᠦᠰᠦᠳᠡᠨ ᠤ ᠦᠶᠡ | ᠤᠯᠠᠮᠵᠢᠯᠠᠯ ᠤᠨ ᠴᠠᠳᠢᠭ︾ ᠨᠢ ᠯᠠ ᠤᠳᠤ ᠬᠦᠷᠳᠡᠯᠡ ᠤᠯᠠᠮᠵᠢᠯᠠᠬᠳᠠᠬᠰᠠᠭᠠᠷ᠃ | ᠲᠤᠰ ᠲᠡᠪᠳᠡᠷ ᠤᠨ ᠨᠢᠬᠡᠳᠦᠭᠡᠷ ᠬᠡᠰᠡᠭ ᠤᠨ ︽ᠮᠤᠩᠭᠤᠯ ᠤᠨ ᠲᠡᠤᠬᠡ︾ ᠨᠢ ᠨᠡᠶᠢᠳᠡ 3 ᠪᠤᠳᠢ ᠲᠠᠢ ᠪᠦᠭᠡᠳ | ᠡᠷᠳᠡ ᠢᠵᠠᠭᠤᠷ ᠠᠴᠠ ᠠᠪᠤᠭᠠᠳ ᠮᠤᠩᠭᠤᠯ ᠠᠶᠢᠮᠠᠭ ᠭᠡᠵᠦ ᠨᠡᠷᠡᠯᠡᠭᠰᠡᠭᠡᠷ ᠢᠷᠡᠭᠰᠡᠨ ᠤᠭᠤᠰ ᠬᠢᠭᠡᠳ ᠤᠭᠤᠰ ᠤᠨ | ᠤᠬᠰᠠᠭᠠ ᠲᠦᠷᠦᠯ᠂ ᠦᠷᠠ ᠠᠴᠢ ᠨᠠᠷ ᠠᠴᠠ ᠡᠬᠦᠰᠴᠦ ᠭᠠᠷᠦᠬᠰᠠᠨ ᠡᠯᠡ ᠠᠶᠢᠮᠠᠭ᠂ ᠡᠯᠡ ᠦᠨᠳᠦᠰᠦᠳᠡᠨ᠂ | ᠵᠠᠯᠠᠶᠢᠷ᠂ ᠲᠠᠲ᠋ᠠᠷ ᠵᠡᠷᠬᠡ᠃ | 19 ᠠᠶᠢᠮᠠᠭ ᠵᠢᠴᠢ ᠬᠡᠷᠡᠶᠢᠳ᠂ ᠨᠠᠢᠮᠠᠨ᠂ ᠤᠩᠭᠤᠳ᠂ ᠲᠠᠩᠭᠤᠳ᠂ ᠬᠡᠷᠬᠢᠰ ᠵᠡᠷᠭᠡ 9 ᠶᠡᠭᠡ ᠠᠶᠢᠮᠠᠭ᠂ ᠴᠢᠩᠭᠢᠰ | ᠬᠠᠭᠠᠨ ᠤ ᠡᠪᠦᠭᠡ ᠲᠡᠭᠡᠳᠦᠰ ᠤᠨ ᠴᠠᠳᠢᠭ ᠪᠤᠯᠤᠨ 1155 — 1227 ᠤᠨ ᠤ ᠦᠶᠡ ᠶᠢᠨ ᠴᠢᠩᠭᠢᠰ | ᠬᠠᠭᠠᠨ ᠤ ᠴᠠᠳᠢᠭ᠂ ᠲᠡᠷᠡᠴᠢᠯᠡᠨ ᠮᠦᠨ ᠲᠡᠷᠡ ᠦᠶᠡ ᠶᠢᠨ ᠠᠽᠢᠶᠠ᠂ ᠤᠮᠠᠷᠠᠳᠤ ᠠᠹᠷᠢᠺᠠ ᠶᠢᠨ ᠡᠯᠡ ᠤᠯᠤᠰ ᠤᠨ | ᠡᠵᠡᠳ ᠤᠨ ᠨᠠᠮᠳᠠᠷ᠂ ᠴᠢᠩᠭᠢᠰ ᠬᠠᠭᠠᠨ ᠤ ᠤᠨ ᠲᠠᠷᠠᠭᠠᠯᠠᠬᠰᠠᠨ ᠶᠡᠭᠡ ᠬᠡᠷᠡᠭ ᠤᠨ ᠲᠡᠮᠳᠡᠭᠯᠡᠯ᠂ ᠴᠢᠩᠭᠢᠰ ᠬᠠᠭᠠᠨ ᠤ | ᠰᠤᠷᠭᠠᠯ᠂ ᠴᠡᠷᠢᠭ ᠤᠨ ᠤᠷᠤᠨ ᠲᠤᠭᠠ᠂ ᠫᠧᠷᠰ ᠤᠨ ᠢᠯ ᠬᠠᠭᠠᠨ ᠠᠴᠠ ᠭᠠᠳᠠᠨᠠᠬᠢ ᠴᠢᠩᠬᠢᠰ ᠬᠠᠭᠠᠨ ᠤ ᠦᠷᠡ | ᠠᠴᠢ ᠨᠠᠷ ᠤᠨ ᠲᠡᠤᠬᠡ ᠪᠤᠯᠤᠨ ᠬᠤᠯᠤᠭᠤ ᠠᠴᠠ ᠬᠠᠰᠠᠨ ᠬᠠᠭᠠᠨ ᠬᠦᠷᠳᠡᠯᠡᠬᠢ ᠢᠯ ᠬᠠᠨ ᠤ ᠲᠡᠤᠬᠡ ᠶᠢ ᠲᠤᠰ ᠲᠤᠰ | ᠲᠡᠮᠳᠡᠭᠯᠡᠵᠡᠢ᠃ | ᠲᠦᠷᠪᠡᠳᠦᠬᠡᠷ ᠪᠤᠳᠢ ᠠᠴᠠ ᠲᠤᠯᠤᠳᠤᠭᠠᠷ ᠪᠤᠳᠢ ᠬᠦᠷᠳᠡᠯᠡᠬᠢ ᠬᠤᠶᠠᠳᠤᠭᠠᠷ ᠬᠡᠰᠡᠭ ᠨᠢ ︽ᠲᠡᠯᠡᠬᠡᠢ ᠶᠢᠨ ᠲᠡᠤᠬᠡ | ︾ ᠪᠤᠯᠬᠤ ᠪᠦᠬᠡᠳ ᠡᠬᠦᠨ ᠳᠤ ᠫᠧᠷᠰ ᠤᠨ ᠡᠷᠳᠡᠨ ᠤ ᠬᠠᠭᠠᠳ ᠤᠨ ᠲᠡᠤᠬᠡ ᠠᠴᠠ ᠱᠠᠰᠢᠨ ᠤ ᠬᠠᠭᠠᠨᠳᠤ ᠲᠦᠷᠦ | ᠮᠦᠬᠦᠭᠰᠡᠨ ᠬᠦᠷᠳᠡᠯᠡᠬᠢ ᠦᠶᠡ ᠶᠢᠨ ᠶᠠᠪᠤᠳᠠᠯ ᠤᠳ ᠢ ᠲᠡᠮᠳᠡᠭᠯᠡᠵᠡᠢ᠃ ︵ᠦᠬᠡᠳᠡᠯᠡᠬᠦ ᠰᠤᠩᠭᠤᠨ ᠡᠮᠬᠢᠳᠬᠡᠪᠡ︶ |